完整藏文原文 · 德格版页 当前仅加载第 10 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
བར་འོངས་ན། དེས་དེ་ལ་ཆོམ་རྐུན་པར་གྲགས་པ་མ་ཡིན་ནམ་ཞེས་དྲི་བར་བྱའོ། །མ་དྲིས་པར་རབ་ཏུ་འབྱིན་ན་འགལ་ཚབས་ཅན་དུ་འགྱུར་རོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཉི་ཤུ་པ། སངས་རྒྱས་བཅོམ་ལྡན་འདས་མཉན་ཡོད་
D6.010.0229a01.01ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་གནས་ཞིག་ན་དགེ་སློང་མང་པོ་ཞིག་གཅིག་ཅིག་ལ་གནས་བཅས་ཏེ་འདུག་པ་ལས། ཇི་ཙམ་ན་དེ་དག་གི་གནས་ཀྱི་སློབ་དཔོན་དེ་དུས་ལས་འདས་པ་དང་། དེ་དག་གིས་སུ་ཞིག་ལ་
D6.010.0229a02.01བདག་ཅག་གིས་འཕྲལ་གྱི་བྱ་བ་ཞུ་བར་བྱ་བ་དང་། གང་ལ་གནས་བཅས་ཏེ་འདུག་པར་བྱ་བ་མི་ཤེས་ནས། སྐབས་དེ་དགེ་སློང་རྣམས་ལ་བསྙད་དོ། །དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེ་དག་གིས་
D6.010.0229a03.01དགེ་སློང་ཞིག་ལས་སུ་བསྐོ་བ་སྤང་བ་དང་། གནས་ཁང་སྤང་བ་དང་། མལ་སྟན་སྤང་བ་དང་། རིམ་གྲོ་པ་སྤང་བས་བཙལ་བར་བྱ་སྟེ། ཅི་སྟེ་རྙེད་ན་དེ་ལྟ་ན་ལེགས། ཅི་སྟེ་མ་རྙེད་ན་དགེ་སློང་དེ་དག་གིས་གནས་དེར་གསོ་སྦྱོང་གཉིས་པའི་བར་དུ་འདུག་པར་མི་བྱ་སྟེ་འདུག་ན་འགལ་ཚབས་
D6.010.0229a04.01ཅན་དུ་འགྱུར་རོ། །དགེ་སློང་གཞན་དག་ཅིག་གནས་ཞིག་ཏུ་གནས་ཀྱི་སློབ་དཔོན་གཅིག་ཅིག་དང་དབྱར་གནས་པར་ཁས་བླང་བར་འདོད་པ་ལས། དེ་དག་གི་གནས་ཀྱི་སློབ་དཔོན་དེ་ཡང་དུས་ལས་འདས་ནས་དེ་དག་ཀྱང་ཇི་ལྟར་བསྒྲུབ་པ་མི་ཤེས་པའི་སྐབས་དེ་དགེ་སློང་རྣམས་ཀྱིས་བཅོམ་
D6.010.0229a05.01ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དེ་དག་གིས་ཀྱང་དགེ་སློང་ཞིག་ལས་སུ་བསྐོ་བ་སྤང་བ་དང་། གནས་ཁང་སྤང་བ་དང་། མལ་སྟན་སྤང་བ་དང་། རིམ་གྲོ་པ་སྤང་བས་བཙལ་བར་བྱ་སྟེ། གལ་ཏེ་རྙེད་ན་དེ་ལྟ་ན་ལེགས། ཇི་སྟེ་མ་
D6.010.0229a06.01རྙེད་ན་དགེ་སློང་དེ་དག་གིས་གནས་དེར་དབྱར་སྔ་མར་གནས་པར་དམ་བཅའ་བར་མི་བྱ་སྟེ། གནས་པར་དམ་འཆའ་ན་འགལ་ཚབས་ཅན་འགྱུར་རོ། །དགེ་སློང་གཞན་དག་ཅིག་གནས་ཤིག་ཏུ་གནས་ཀྱི་སློབ་དཔོན་གཅིག་ཅིག་དང་དབྱར་སྔ་མར་གནས་པར་དམ་བཅས་པ་ལས་དེ་
D6.010.0229a07.01