完整藏文原文 · 德格版页 当前仅加载第 10 函德格 252b 版页；藏文 NFD、目录标记与异常页序保留在来源切片中，重复版页行以稳定序号区分。
སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་གནང་གིས་བླང་བར་བྱ་ཞིང་བླངས་ནས་ཀྱང་གཏན་པ་འདིང་བའི་དགེ་སློང་མང་པོ་བསྐོ་བར་བྱའོ། །ཇི་ལྟར་སྔར་བསྐོས་པ་དེ་ལས་ཕྱིས་གཅིག་གདིང་
D6.010.0252b01.01བར་བྱའོ། །ལྷག་མ་རྣམས་ནི་གཞག་པར་བྱ་ཞིང་། དེ་ནི་དབྱར་གནས་པར་ཁས་བླངས་པའི་དགེ་འདུན་གྱི་བགོ་བའི་རྙེད་པ་ཡིན་པས་དབྱར་གནས་པར་ཁས་བླངས་པའི་དགེ་འདུན་ཚོགས་པས་ཅི་དགར་བགོ་བར་བྱ་སྟེ་འདི་ལ་འགྱོད་པར་མི་བྱའོ།། །།སྡོམ་ནི།
D6.010.0252b02.01ང་འདས་པ་ལ་སྦྱིན་མེད་དང་། །གང་གིས་བསྔོས་པ་ཤི་བ་དང་། །གང་ལ་གཏད་པ་ཤི་བ་དང་། །བབས་པ་དང་ནི་འགྱོད་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་
D6.010.0252b03.01ཡོད་ན་ཁྱིམ་བདག་ཅིག་གནས་པ་དེས་རིགས་མཉམ་པ་ལས་ཆུང་མ་བླངས་ཏེ། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད་དགའ་བར་བྱེད། དགའ་མགུར་སྤྱོད་པར་བྱེད་པ་ལས་རིམ་གྱིས་བུ་གསུམ་བྱུང་ངོ་། །དེ་
D6.010.0252b04.01རྣམས་ཀྱི་ཐ་{ཆུངས་,ཆུང་}གང་ཡིན་པ་དེ་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ངོ་། །དེ་དུས་གཞན་ཞིག་ན་ལྗོངས་རྒྱུ་ཞིང་སོང་ངོ་། །ལྗོངས་རྒྱུ་ཞིང་སོང་བ་ན་དེའི་ཕ་ནད་ཀྱིས་ཐེབས་ནས་དེ་རྩ་བ་དང་། སྡོང་བུ་དང་། ལོ་མ་དང་། མེ་ཏོག་དང་། འབྲས་བུའི་
D6.010.0252b05.01སྨན་རྣམས་ཀྱིས་རིམ་གྲོ་བྱས་ཀྱང་དེའི་ནད་དེ་ཞི་བར་མ་གྱུར་ཏེ། གང་གི་ཚེ་དེ་ཤི་ལ་ཐུག་པའི་ཚོར་བ་བྱུང་སྟེ། རིང་པོ་མི་ཐོགས་པར་འཆི་བའི་དུས་བྱེད་པར་འགྱུར་བ་དེའི་ཚེ་དེས་མཛའ་བོ་དང་། གཉེན་དང་ཕུ་ནུ་བོ་དང་། ཁྱིམ་ཚེས་རྣམས་བསྡུས་ནས་བུ་དེ་གཉིས་ལ་སྨྲས་
D6.010.0252b06.01པ། བུ་ངའི་ཁྱིམ་ན་ཅུང་ཟད་ཅི་ཡོད་པ་དེ་ཐམས་ཅད་ཁྱེར་ཏེ་ཤོག་ཤིག །དེ་དག་གིས་ཀྱང་དེའི་ཚིག་མཉན་ཏེ་ཐམས་ཅད་ཁྱེར་ཏེ་འོངས་པ་དང་། དེས་མཛའ་བོ་དང་། གཉེན་དང་། ཕུ་ནུ་དེ་དག་དང་། ཁྱིམ་ཚེས་ཀྱི་མི་དེ་ལ་སྨྲས་པ། ཤེས་ལྡན་དག་གསོན་ཅིག །
D6.010.0252b07.01