完整藏文原文 · 德格版页 当前仅加载第 10 函德格 189a 版页；藏文 NFD、目录标记与异常页序保留在来源切片中，重复版页行以稳定序号区分。
ཀླུ་གཞོན་ནུ་རྔ་མའི་རྙིས་འདོགས་པར་མི་འགྱུར་བར་འཕགས་པ་རྣམས་དྲན་པར་བགྱིད་པ་{ཆུང་ཟད་,ཅུང་ཟད་}ཅིག་བཅར་གསོལ། བཅོམ་ལྡན་འདས་ཀྱིས་ཙམ་པའི་ཀླུའི་བུ་མོ་ལ་ཅང་མི་གསུང་བས་གནང་བ་དང་། དེ་ནས་ཙམ་པའི་ཀླུའི་བུ་མོ་བཅོམ་ལྡན་འདས་ཀྱི་ཞབས་ལ་
D6.010.0189a01.01མགོ་བོས་ཕྱག་འཚལ་ནས་དེ་ཉིད་དུ་མི་སྣང་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་ཉིད་ཀྱི་མཚན་མོ་འདས་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་
D6.010.0189a02.01སློང་དག་མདང་ཙམ་པའི་ཀླུའི་བུ་མོ་ང་ག་ལ་བ་དེར་འོངས་ཏེ་ཕྱིན་ནས་ངའི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་པ་དང་། དེའི་ཚེ་ཙམ་པའི་ཀླུའི་བུ་མོའི་ཁ་དོག་གི་མཐུས་དྲང་སྲོང་གར་གའི་རྫིང་འགྲམ་ཐམས་ཅད་སྣང་བ་རྒྱ་ཆེན་པོས་ཁྱབ་པར་གྱུར་ཏོ། །ཕྱོགས་
D6.010.0189a03.01གཅིག་ཏུ་འདུག་ནས་ཙམ་པའི་ཀླུའི་བུ་མོས་ང་ལ་འདི་སྐད་ཅེས་གསོལ་ཏོ། །བཙུན་པ་བདག་གི་བུ་མ་དད་པ་ཞིག་མཆིས་པ་དེ་བདག་གིས་ཆོས་ཉན་པ་ཡང་དག་པར་ལེན་ཏུ་སྩལ་ནས་དེ་འཕགས་པ་རྣམས་ཀྱི་དྲུང་དུ་ཆོས་ཉན་དུ་མཆིས་པ་དང་། དེ་དག་གིས་དེ་རྔ་མའི་རྙིས་བཏགས་ཏེ་
D6.010.0189a04.01བོར་བས་དེའི་མགྲིན་པ་སྣད་ནས། དེ་ལ་ནེའུ་ལྡངས་རྣམས་ཀྱིས་མགྲིན་སྣད་མགྲིན་སྣད་ཅེས་ཅོ་དྲི་བ་སྨྲས་ལགས་སོ། །དེ་ལ། དེ་སྐད་ཅེས་བགྱིས་པ་ན་ལུས་སྐྱ་བོ་བསེང་བསེང་པོར་གྱུར་ཅིང་ཤ་བྲི་ངན་པ། རྐེ་བ་སྐེམ་པོར་གྱུར་ན་ཀྱེ་མ་བཅོམ་ལྡན་འདས་ཀྱིས་ཐུགས་བརྩེ་བར་དགོངས་
D6.010.0189a05.01ཏེ་གང་གིས་ན་འཕགས་པ་རྣམས་ཀླུ་གཞོན་ནུ་རྔ་མའི་རྙིས་འདོགས་པར་མི་འགྱུར་བར་འཕགས་པ་རྣམས་དྲན་པར་བགྱིད་པ་ཅུང་ཟད་ཅིག་བཅར་གསོལ་ཞེས་ཟེར་རོ། །དགེ་སློང་དག་དེ་ལྟ་བས་ན་གང་ལ་ད་ལྟར་ལྷ་རྣམས་ཀྱང་ཀྱེ་མ་ཤཱཀྱའི་བུའི་དགེ་སྦྱོང་རྣམས་ནི་དགེ་བའི་ཆོས་རྣམས་
D6.010.0189a06.01ལས་ཡོངས་སུ་ཉམས་པར་གྱུར་ཏོ་ཞེས་འཕྱ་བར་འགྱུར་བ་འདི་ནི་མཛེས་པ་མ་ཡིན་རུང་བ་མ་ཡིན་གྱིས་དེ་ལྟ་བས་ན་དགེ་སློང་གིས་ཀླུ་གཞོན་ནུ་རྔ་མའི་རྙིས་གདགས་པར་མི་བྱའི་འོན་ཀྱང་ཀླུ་གཞོན་ནུ་མཐོང་ན་སེ་གོལ་གྱི་སྒྲ་ཕྱུང་སྟེ། བཞིན་{བཟངས་,བཟང་}མཐོང་བའི་ལམ་ན་མ་འདུག་ཤིག་ཅེས་
D6.010.0189a07.01