完整藏文原文 · 德格版页 当前仅加载第 10 函德格 194a 版页；藏文 NFD、目录标记与异常页序保留在来源切片中，重复版页行以稳定序号区分。
བཤང་བ་དང་། གཅི་བ་དང་། དེ་དག་བཀྲུ་བར་མི་གཙང་བའི་གནས་ཀྱི་བྱི་དོར་བྱ་བ་བྱེད་པའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སངས་རྒྱས་བཅོམ་
D6.010.0194a01.01ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་བཅོམ་ལྡན་འདས་ལ་བྲམ་ཟེ་པད་མའི་སྙིང་པོས་བཅོམ་ལྡན་འདས་ཀྱིས་ནམ་བདག་ཤིང་རྟ་ལ་འཚལ་བའམ། ཁ་ལོ་སྒྱུར་བའམ། ལྕག་སྒྲེང་བའམ། སྐད་ཆེར་སྨྲ་བ་གཟིགས་པ་དེའི་ཚེ་
D6.010.0194a02.01བདག་ཕྱག་འཚལ་བར་གཽ་ཏ་མ་ཁྱོད་ཀྱིས་གཟུང་དུ་གསོལ། ནམ་སྲང་ན་མཆིས་སམ། ལྷམ་འབུད་དམ། ཤུལ་ལས་བྱོལ་ལམ། སུག་པ་བརྐྱང་པ་གཟིགས་པ་དེའི་ཚེ་བདག་ཕྱག་འཚལ་བར་གཽ་ཏ་མ་ཁྱོད་ཀྱིས་གཟུང་དུ་གསོལ། ནམ་འཁོར་གྱི་ནང་ནས་
D6.010.0194a03.01མཆིས་སམ། སྟན་ལས་འཕགས་སམ། གཙུག་ཏོར་དང་། གདུགས་ཕོག་པ་དེའི་ཚེ་བདག་ཕྱག་འཚལ་བར་གཽ་ཏ་མ་ཁྱོད་ཀྱིས་གཟུང་དུ་གསོལ་ཞེས་གསོལ་པ་གང་ལགས་པ། བཙུན་པ་ཅི་ལགས་འཕགས་པའི་ཆོས་འདུལ་བ་ལ་དེ་ལྟ་བུ་དག་ཕྱག་
D6.010.0194a04.01འཚལ་བར་ཆུད་དམ། ཉེ་བ་འཁོར་ཕྱག་བྱས་པ་མ་ཡིན་གྱི། ཉེ་བ་འཁོར་དེ་ནི་གུས་པར་སྨྲ་བའི་ཚིག་ཙམ་དུ་ཟད་ཀྱི་ལུས་འདུད་པ་དང་། ཚིག་ཏུ་འབྱིན་པ་གང་ཡིན་པ་དེ་ནི་མཆོད་པ་ཡིན་ནོ། ཉེ་བ་འཁོར་འོན་ཀྱང་འཕགས་པའི་ཆོས་འདུལ་བ་ལ་ནི་ཕྱག་གཉིས་
D6.010.0194a05.01ཏེ། ཡན་ལག་ལྔ་པ་དང་། བྱིན་པ་ལ་འཁྱུད་པའོ། །གླེང་གཞི་ནི་མཉན་ཡོད་ནའོ། །དགེ་སློང་དག་ཆོས་གོས་གང་དག་གྱོན་ནས་སྐྲ་དང་ཁ་སྤུ་འབྲེག་པ་བྱེད་པ་དེ་དག་ཉིད་གྱོན་ནས་ཟན་ཟ་བར་བྱེད། དེ་དག་ཉིད་དང་སྟོན་པ་ལ་ཕྱག་འཚལ་བར་བྱེད་པ་དང་། མ་དད་པ་
D6.010.0194a06.01རྣམས་འཕྱ་བར་བྱེད་ཅིང་ཤཱཀྱའི་བུའི་དགེ་སློང་རྣམས་ནི་གཙང་སྦྲ་མེད་པ་སྟེ། ཆོས་གོས་གང་དག་གྱོན་ནས་སྐྲ་དང་ཁ་སྤུ་འབྲེག་པ་དེ་དག་ཉིད་གྱོན་ནས་ཟན་ཟ་བར་བྱེད་ཅིང་དེ་དག་ཉིད་དང་སྟོན་པ་ལ་ཕྱག་འཚལ་བར་བྱེད་དོ་ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་
D6.010.0194a07.01