完整藏文原文 · 德格版页 当前仅加载第 10 函德格 176b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་ཏོ་སྙམ་ནས་དེས་གཉིད་ལོག་པ་ལྟར་རྫུས་ཏེ་འདུག་པ་དང་། བྲན་བུས་སྐྱོང་བ་ལ་སྨྲས་པ། སྐྱོང་བ་འཇིག་རྟེན་ཕ་རོལ་ཡོད་དམ་མེད་ཅིག་གུ། དེས་སྨྲས་པ། བྲན་བུ་འཇིག་རྟེན་ཕ་རོལ་ཡོད་རེ་སྐན། སྐྱོང་བས་སྨྲས་པ། བྲན་བུ་འཇིག་རྟེན་ན་དགྲ་བཅོམ་པ་ཡོད་དམ། དེས་
D6.010.0176b01.01སྨྲས་པ། འཇིག་རྟེན་ན་དགྲ་བཅོམ་པ་ཡོད་རེ་སྐན། རྒྱལ་པོས་དེ་ཐམས་ཅད་ཐོས་ནས་དེས་བསམས་པ། འདི་གཉིས་ཀྱང་འདི་ལྟ་བུའི་སྡིག་པའི་ལྟ་བ་ཀུན་དུ་སྤྱོད་དེ། འདི་ལ་གཅིག་ནི་རྟག་པར་ལྟ། གཅིག་ནི་ཆད་པར་ལྟའོ་སྙམ་མོ། །ཀུན་ཏུ་ཡང་ཡུལ་ཀོ་ས་ལའི་རྒྱལ་
D6.010.0176b02.01པོ་གསལ་རྒྱལ་གྱི་གེ་རའི་ཁྱེའུ་གཉིས་ལས་གཅིག་ནི་རྟག་པར་ལྟ། ཅིག་ཤོས་ནི་ཆད་པར་ལྟའོ་ཞེས་སྒྲ་གྲགས་པར་གྱུར་ཏོ། །དེའི་ཚེ་ཁྱིམ་བདག་མགོན་མེད་ཟས་སྦྱིན་གྱིས་ཁྱུ་མཆོག་གི་ཚིག་རླབས་པོ་ཆེ་འདི་ལྟ་བུ་མགོ་གཅིག་བཟུང་ནས་སྨྲས་པ། སུ་གང་ཞིག་ངའི་ཁྱིམ་
D6.010.0176b03.01དུ་མིར་གྱུར་ནས་དུས་བྱེད་པ་དེ་ཐམས་ཅད་ལུས་ཞིག་ནས་བདེ་འགྲོ་མཐོ་རིས་ལྷ་རྣམས་ཀྱི་ནང་དུ་སྐྱེ་བར་འགྱུར་རོ་ཞེས་འཁོར་གྱི་ནང་དུ་སེང་གེའི་སྒྲ་ཡང་དག་པར་བསྒྲགས་སོ། །རྒྱལ་པོ་གསལ་རྒྱལ་གྱིས་བསམས་པ། གང་གི་ཚེ་ཁྱིམ་བདག་མགོན་མེད་ཟས་སྦྱིན་འདིར་འོངས་པ་དེའི་
D6.010.0176b04.01ཚེ་དེ་ལ་ཁྱེའུ་འདི་གཉིས་ཐབས་ཞིག་བཤམས་ཏེ་སྦྱིན་ནོ་སྙམ་མོ། །ཇི་ཙམ་དུས་གཞན་ཞིག་ན་ཁྱིམ་བདག་མགོན་མེད་ཟས་སྦྱིན་རྒྱལ་པོའི་དྲུང་དུ་སོང་བ་དང་། ཁྱེའུ་ཞིག་གིས་དེའི་སྟན་བཏིང་སྟེ་དུས་རན་པ་དང་འོང་ངོ་སྙམ་ནས་ཕྱིར་བྱུང་སྟེ་བྱིས་པ་རྣམས་དང་ལྷན་ཅིག་རྩེ་བར་བརྩམས་
D6.010.0176b05.01སོ། །རྒྱལ་པོས་དེ་སོང་བར་ཤེས་ནས་བསམས་པ། འདི་གཉིས་ཐབས་བཤམས་ནས་སྦྱིན་པའི་དུས་དེ་ནི་འདི་ཡིན་ནོ་སྙམ་དུ་རིག་ནས་དེས་སྒོ་བ་ལ་གསང་སྟེ། ཁྱིམ་བདག་མགོན་མེད་ཟས་སྦྱིན་གྱི་ཁྱེའུ་ཕྱིར་བྱུང་བ་གང་ཡིན་པ་དེ་ནང་དུ་མ་གཏང་ཤིག་ཅེས་བསྒོ་བ་དང་། སྒོ་བས་
D6.010.0176b06.01དེ་ནང་དུ་མ་བཏང་ངོ་། ཁྱིམ་བདག་མགོན་མེད་ཟས་སྦྱིན་འགྲོ་བར་བརྩམས་ནས་སྟན་ལས་ལངས་ཏེ་ཕན་ཚུན་བལྟས་པ་དང་། རྒྱལ་པོས་སྨྲས་པ། ཁྱིམ་བདག་ཅི་ལྟ་ལྷ་སྟན་འཚལ་བའི་ཁྱེའུ་འོ། །དེས་སྨྲས་པ། ཁྱིམ་བདག་ངས་བྲན་བུ་དང་། སྐྱོང་བ་གཉིས་སྦྱིན་གྱིས་
D6.010.0176b07.01