完整藏文原文 · 德格版页 当前仅加载第 10 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་དང་། གྲོང་ཁྱེར་གྱི་མི་དང་བཅས་ཏེ། ཁྱད་པར་ཆེན་པོ་ཐོབ་པ་དེ་ལྟ་བུའི་ཆོས་བསྟན་ཏོ། །དེའི་གཡས་ཁྱིམ་གྱི་ནུ་བོ་ནི་འདོད་པ་ལ་ལྷག་པར་ཆགས་པ་དང་ལྡན་པས་ཁྱིམ་ནས་མ་བྱུང་བ་དང་། དེ་ལ་བློན་པོའི་བུ་དང་། མདུན་ན་འདོན་གྱི་བུ་དང་།
D6.010.0154a01.01གཞན་ཡང་ཆུང་པོ་གྲོགས་རྣམས་ཀྱིས་དོང་སྟེ་སྨྲས་པ། གྲོགས་པོ་རྒྱལ་པོ་ནི་བཙུན་མོའི་འཁོར་དང་། གཞོན་ནུ་དང་། བློན་པོ་དང་། གྲོང་མི་དང་བཅས་ཏེ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་བལྟ་བའི་ཕྱིར་གཤེགས་ན། ཁྱོད་ལྟ་བུ་མི་ཉིད་
D6.010.0154a02.01རྙེད་དཀའ་ཞིང་ཤིན་ཏུ་རྙེད་དཀའ་བ་ཐོབ་ནས་འདོད་པ་རྣམས་ལ་ཤིན་ཏུ་ཆགས་ནས་ཁྱིམ་ནས་མ་བྱུང་ངོ་། །དེ་དེ་དག་གིས་བཏམས་པ་དང་། སྙིང་ལ་ངོ་ཚ་བར་གྱུར་ནས་དེ་དག་འགྲོགས་ཏེ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ག་ལ་བ་དེར་སོང་ངོ་། །ཇི་
D6.010.0154a03.01ཙམ་ན་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་གཅུང་གིས་དེ་རྣམས་ཀྱིས་བཞིན་བཏབ་ནས་ཁྲིད་པ་མཐོང་སྟེ། དེས་དྲིས་པ། ཅིའི་ཕྱིར་འདི་དེ་ལྟར་བཞིན་བཏབ་ནས་ཁྲིད། དེ་དག་གིས་ཇི་ལྟར་གྱུར་པ་དེ་ལ་རྒྱས་པར་བསྙད་པ་དང་། དེས་སྨྲས་པ། ཤེས་
D6.010.0154a04.01ལྡན་དག་ང་ཡང་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་གཅུང་ཡིན་ཏེ། དེ་ཁོ་ན་བཞིན་དུ་འདོད་པ་རྣམས་ལ་ལྷག་པར་ཆགས་པར་གྱུར་པ་ལས། ང་བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས་ནན་གྱིས་
D6.010.0154a05.01ཕྲལ་ནས་འཁོར་བའི་དགོན་པ་ལས་བསྒྲལ་ཏེ་ཤིན་ཏུ་མཐར་ཕྱིན་པའི་གྲུབ་པ་དང་བདེ་བ་མྱ་ངན་ལས་འདས་པ་ལ་བཞག་གོ། །དེ་ལྟ་བས་ན་སྐྱེས་བུ་གཏི་མུག་ཁ་ཅིག་ནི་དེ་ལྟར་བྱ་དགོས་པས་ཁྱེད་ཀྱིས་འདི་ཁྲིད་དེ་འོངས་པ་གང་ཡིན་པ་ནི་ལེགས་པ་བྱས་ཀྱིས། དེང་ལ་བཅོམ་
D6.010.0154a06.01ལྡན་འདས་ཀྱི་སྤྱན་སྔར་ཁྲིད་ཅིག་དང་། འདི་གདོན་མི་ཟ་བར་བཅོམ་ལྡན་འདས་ལ་དད་པ་རྙེད་པར་འགྱུར་རོ། །ཇི་ཙམ་ན་དེ་དག་གིས་དེ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་སྤྱན་སྔར་ཁྲིད་པ་དང་། དེ་ལ་ཡང་དག་པར་རྫོགས་པའི་སངས་རྒྱས་
D6.010.0154a07.01