完整藏文原文 · 德格版页 当前仅加载第 10 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
ཡ་གད་དང་། ཀྱོ་བ་ཏང་དག་གིས་འཛེག་པར་བརྩམས་པ་དང་། སྟེང་གི་ཁང་{བཟངས་ཀྱི་,བཟང་གི་}གཞིར་གཏོགས་པ་ན་ཆུང་མའི་འཁོར་འཁོད་པས་དེ་དག་མཐོང་ནས་དེ་དག་གིས་རྐུན་པོ་བྱུང་ངོ་། །རྐུན་པོ་བྱུང་ངོ་ཞེས་བྱ་བའི་སྒྲ་ཕྱུང་ངོ་། །མེ་སྐྱེས་ཀྱིས་དེ་ཐོས་ནས་ཆོམ་རྐུན་པ་དག་འདུག་
D6.010.0025a01.01པར་གྱུར་ཅིག་ཅེས་ཡིད་ལ་ཡང་བསམས་ཚིག་ཏུ་ཡང་བརྗོད་པ་དང་དེ་དག་གང་ནས་ཇི་ལྟར་འཛེགས་པ་དེ་ཉིད་ན་དེ་བཞིན་འཁོད་པར་གྱུར་ཏོ། །ཇི་ཙམ་ན་མཚན་མོ་འདས་ཏེ་ནམ་ནངས་པ་དང་སྐྱེ་བོ་ཕལ་པོ་ཆེའི་ཚོགས་དག་གིས་མཐོང་ནས་དེ་དག་གིས་སྨྲས་པ། ཤེས་ལྡན་དག་རྒྱལ་པོ་སྡིག་ཅན་
D6.010.0025a02.01འདིས་ཕ་ཆོས་ཀྱི་རྒྱལ་པོ་ཆོས་དང་ལྡན་པ་སྲོག་དང་ཕྲལ་ནས་ང་ཡང་ཁྱིམ་འཇོམས་པར་བྱེད་པ་དེ་ཅིའི་ཕྱིར་བདག་ཅག་གིས་དང་དུ་བླང་བར་བྱ། མ་སྐྱེས་དགྲས་མེ་སྐྱེས་ཀྱི་གན་དུ་ཕོ་ཉ་བཏང་སྟེ། ང་ལ་སྐྱོན་དུ་འགྱུར་བས་དེ་དག་ཐོང་ཤིག་ཅེས་བྱས་པ་དང་། མེ་སྐྱེས་ཀྱིས་ཆོམ་རྐུན་པ་འདི་དག་
D6.010.0025a03.01འདོང་བར་གྱུར་ཅིག་ཅེས་ཡིད་ལ་ཡང་བསམས་ཚིག་ཏུ་ཡང་བརྗོད་ནས་དེ་དག་དོང་ངོ་། །མེ་སྐྱེས་ཀྱིས་བསམས་པ། གང་གིས་འདི་ལྟར་ཕ་ཆོས་ཀྱི་རྒྱལ་པོ་ཆོས་དང་ལྡན་པ་སྲོག་དང་ཕྲལ་བ་དེས་བདག་བསད་པར་འགྱུར་གོར་མ་ཆག་གིས། བདག་ནི་བཅོམ་ལྡན་འདས་ཀྱིས་ངའི་བསྟན་པ་ལ་རབ་
D6.010.0025a04.01ཏུ་བྱུང་སྟེ་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་རོ་ཞེས་ལུང་བསྟན་པ་ཡིན་པས་རྣམ་པ་ཐམས་ཅད་དུ་དེར་སོང་ལ་རབ་ཏུ་བྱུང་ངོ་སྙམ་ནས། དེས་ནོར་གྱི་རྣམ་པ་ཐམས་ཅད་ཕོངས་པ་དག་དང་། མགོན་མེད་པ་དག་དང་། དབུལ་པོ་དག་དང་།
D6.010.0025a05.01ནད་པ་དག་ལ་བྱིན་ཏེ། ནོར་མེད་པ་རྣམས་ནོར་དང་ལྡན་པར་བྱས་ཏེ་བཞག་གོ། །དེ་ནས་ཁྱིམ་བདག་མེ་སྐྱེས་མཛའ་བཤེས་དང་། རྩ་ལག་དང་། ཉེ་དུ་དང་། ཕུ་ནུ་དག་གི་ངོ་བལྟས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་
D6.010.0025a06.01མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་གཅིག་ཏུ་འདུག་ནས་ཁྱིམ་བདག་མེ་སྐྱེས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོ་འཐོབ་པ་ལྟ་
D6.010.0025a07.01