完整藏文原文 · 德格版页 当前仅加载第 10 函德格 257a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱོར་ལ་བརྩོན་པ་མཐོང་ནས། དེ་དེ་དག་གི་སྤྱོད་ལམ་དང་། སྤྱོད་པ་དང་། སྒྲུབ་པ་དེས་མངོན་པར་དད་དེ། དེས་བསམས་པ། རེ་ཞིག་འདི་ན་དགེ་སློང་ཇི་སྙེད་ཅིག་ཡོད་པ་དྲིས་ལ་ཕྱིས་སྤྱན་(དྲས་,དྲངས་)ཏེ་བཤོས་གསོལ་ལོ་སྙམ་ནས། དེས་དགེ་སློང་རྣམས་
D6.010.0257a01.01ལ་དྲིས་པ། འཕགས་པ། དགེ་སློང་ཇི་སྙེད་ཅིག་བཞུགས། དགེ་སློང་དག་གིས་སྨྲས་པ། འདི་སྙེད་ཅིག་གོ། །དེས་རྐང་པ་ལ་ཕྱག་འཚལ་ཏེ་སོང་ནས་རང་གི་ཁྱིམ་དུ་ཕྱིན་ཏེ་ནང་མི་ལ་སྨྲས་པ། སོང་ཁོ་བོས་སངས་རྒྱས་ལ་སོགས་པ་དགེ་སློང་གི་དགེ་འདུན་བཤོས་གསོལ་
D6.010.0257a02.01གྱིས་ཁྱེད་ཀྱིས་དགེ་སློང་འདི་སྙེད་ཅིག་གི་བཤོས་སྦྱོར་ཅིག །དེ་དག་གིས་སྨྲས་པ། རྗེའི་སྲས་ལེགས་ཏེ་དེ་བཞིན་དུ་བགྱིའོ་ཞེས་དེ་དག་གིས་ཧྭགས་དང་། བུ་རམ་དང་། ཤ་ཀ་ར་ལ་སོགས་པ་སྟ་གོན་བྱ་བར་བརྩམས་སོ། །ཁྱིམ་བདག་དེ་ཡང་མཛའ་བོ་དང་། ཉེ་
D6.010.0257a03.01དུ་དང་། ཕུ་ནུ་རྣམས་སྦྲན་ནས་བཤམས་ཟིན་པའི་དུས་སུ་དེ་དག་དང་ལྷན་ཅིག་རྒྱལ་བྱེད་ཀྱི་ཚལ་དུ་སོང་སྟེ། རྒན་པའི་མཐའ་ནས་རྐང་པ་ལ་ཕྱག་བྱས་ནས། དགེ་སྐོས་ལ་སྨྲས་པ། འཕགས་པ་ཁྱིམ་བདག་ཆེ་གེ་མོ་ཞིག་སང་སངས་རྒྱས་ལ་སོགས་པ་དགེ་སློང་གི་དགེ་
D6.010.0257a04.01འདུན་སྡུམ་པར་གདུགས་ཚོད་ལ་སྤྱན་འདྲེན་ཏོ། །ཞེས་དེ་སྐད་གསུངས་ཤིག །དགེ་སྐོས་ཀྱིས་སྨྲས་པ་དང་། དགེ་སློང་གི་དགེ་འདུན་གྱིས་གནང་ནས་དེ་རྐང་པ་ལ་ཕྱག་འཚལ་ཏེ་སོང་ངོ་། །དགེ་སློང་གཞན་དག་ཅིག་ཀྱང་ལྗོངས་རྒྱུ་བ་རྒྱུ་ཞིང་མཉན་ཡོད་དུ་ཕྱིན་ཏོ། །དེ་ནས་ཁྱིམ་
D6.010.0257a05.01བདག་དེ་དེ་ཉིད་ཀྱི་ནུབ་མོ་བཟའ་བ་དང་བཅའ་བ་གཙང་ཞིང་བསོད་པ་སྟ་གོན་བྱས་ནས། ནང་པར་སྔར་ལངས་ཏེ་གདན་བཤམས་ཆུ་ར་བཞག་ནས། བཅོམ་ལྡན་འདས་ལ་ཕོ་ཉ་ལས་བཙུན་པ་གདུགས་ཚོད་བཤམས་ལགས་ན། བཅོམ་ལྡན་འདས་ཀྱིས་ད་དེའི་དུས་ལ་བབ་པར་
D6.010.0257a06.01དགོངས་སུ་གསོལ་ཞེས་གདུགས་ཚོད་གདས་པར་གསོལ་ཏོ། །དགེ་སློང་རྣམས་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་ཁྱིམ་བདག་དེའི་ཁྱིམ་དུ་དོང་ངོ་། །བཅོམ་ལྡན་འདས་ནི་གཙུག་ལག་ཁང་ན་བཞུགས་ཤིང་གདུགས་ཚོད་དེར་དྲངས་སོ། །
D6.010.0257a07.01