完整藏文原文 · 德格版页 当前仅加载第 10 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེང་འདུག་ཏུ་མི་རུང་ནས། བཅོམ་ལྡན་འདས་ཀྱིས་བཀའ་སྩལ་པ། ཡ་དཔྱིས་གཞུག་པར་བྱའོ། །དགེ་སློང་དག་གིས་ཡ་དཔྱིས་བཅུག་ན་རླུང་གིས་ཕྱེ་ནས། བཅོམ་ལྡན་འདས་ཀྱིས་བཀའ་སྩལ་པ། ཕྲེང་གཏན་གཞུག་པར་བྱའོ། །དགེ་སློང་དག་གིས་ཕྲེང་གཏན་བཅུག་པ་དང་། གཅད་དཀའ་བ་
D6.010.0116b01.01དང་། དབྱེ་དཀའ་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། དབྱི་གུ་སྐམ་ཀ་བཅང་བར་བྱ་སྟེ། དེས་གཅད་པ་དང་དབྱེ་བར་བྱའོ།། །།སྡོམ་ལ། གསོར་དང་ལྕགས་ཀྱི་ཐུ་ལུམ་དང་། །ཕོར་པ་ཤིང་གི་ཐལ་ཕྱགས་དང་། །རྡོ་གུ་ཁྲི་དང་རྒྱབ་རྟེན་དང་། །སྟ་རེ་དང་ནི་གཟོང་བུའོ། །སངས་
D6.010.0116b02.01རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་སྒོ་འཕར་ལ་ལག་ཟུངས་ཀྱི་ལུང་མིག་གདགས་པར་བྱའོ་ཞེས་བཀའ་སྩལ་པ་དང་། དགེ་སློང་དག་གིས་སྒོ་འཕར་ལ་ཡང་མིག་གིས་བརྐོས་ཏེ་སྒོ་འཕར་གས་
D6.010.0116b03.01ནས། བཅོམ་ལྡན་འདས་ཀྱིས་བཀའ་སྩལ་པ། སྒོ་འཕར་ལ་བརྐོ་བར་མི་བྱའོ། །བཅོམ་ལྡན་འདས་ཀྱིས་སྒོ་འཕར་ལ་བརྐོ་བར་མི་བྱའོ་ཞེས་བཀའ་སྩལ་པ་དང་། དགེ་སློང་དག་གིས་ཡང་མིག་བཏགས་ཏེ་དྲངས་ན་མི་བརྟན་ཞིང་ཕྱིར་བྱུང་ནས། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་
D6.010.0116b04.01རྗེས་སུ་གནང་སྟེ་གསོར་བཅང་བར་བྱ་ཞིང་། དེས་ཕུག་ལ་ཡང་མིག་གདགས་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཚེ་དང་ལྡན་པ་པི་ལིན་དའི་བུ་གང་གི་ཚེ་རབ་ཏུ་བྱུང་བ་ནས་ཞེས་བྱ་བ་ནས། ཚེ་དང་ལྡན་པ་
D6.010.0116b05.01དག་བདག་ན་སྟེ་མི་བདེའོ་ཞེས་བྱ་བའི་བར་སྔ་མ་བཞིན་ནོ། །གནས་བརྟན་ཁྱོད་ཅི་ན། ཚེ་དང་ལྡན་པ་དག་བདག་རླུང་ནད་ནའོ། །གནས་བརྟན་སྨན་ཅུང་ཟད་མཛོད་ཅིག །ཚེ་དང་ལྡན་པ་དག་སྔོན་ནི་བདག་གིས་ལྕགས་ཀྱི་ཐུ་ལུམ་བསྲེགས་ཏེ། དེས་ཆབ་བསྲོས་ནས་ལུས་རྔུལ་བར་བགྱིས་སོ། །གནས་བརྟན་ཅིའི་
D6.010.0116b06.01སླད་དུ་མི་སྲེལ། བཅོམ་ལྡན་འདས་ཀྱིས་མ་གནང་ངོ་། །སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། རླུང་ནད་ཅན་གྱིས་ལྕགས་ཀྱི་ཐུ་ལུམ་བཅང་བར་བྱ་སྟེ། དེས་ཆུ་བསྲོས་ལ་ལུས་རྔུལ་བར་བྱའོ། །བཅོམ་
D6.010.0116b07.01