完整藏文原文 · 德格版页 当前仅加载第 10 函德格 66a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རྨའི་ཐན་ཀོར་གྱི་སྐྲ་ཆན་པས་བྲེག་པར་བྱ་ཞིང་། ལྷག་མ་རྣམས་སྤུ་གྲིས་བྲེག་པར་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་
D6.010.0066a01.01བཞུགས་སོ། །དེ་ནས་ཡང་ཁྱིམ་བདག་མགོན་མེད་ཟས་སྦྱིན་གྱིས་འབྲེག་མཁན་གྱི་མི་བཏང་སྟེ་ཞེས་བྱ་བའི་བར་སྔ་མ་བཞིན་ནོ། །བཞིན་{བཟངས་,བཟང་}མདོམས་ཀྱི་ཕྱོགས་ཀྱི་སྤུ་འབྲེགས་ཤེས་སམ། དེས་སྨྲས་པ། འཕགས་པ་དེ་ཉིད་བདག་གི་བཟོ་ལགས་སོ། །བཞིན་{བཟངས་,བཟང་}གལ་ཏེ་དེ་
D6.010.0066a02.01ལྟ་ན་ཚུར་ཤོག་བྲེགས་ཤིག །འཕགས་པ་ཇི་འདྲ་བར་བྲེག །བཞིན་{བཟངས་,བཟང་}མཛེས་པར་བྲེགས་ཤིག །དེས་བྲེག་པར་བརྩམས་པ་དང་། ཉེ་{དགའས་,དགས་}སྨྲས་པ། བཞིན་{བཟངས་,བཟང་}འདི་ལྟར་བྱོས་ཤིག །དེས་དེ་བཞིན་བྱས་པ་དང་། ཡང་སྨྲས་པ། གཞན་འདི་ལྟ་བུར་ཡང་བྱོས་ཤིག་ཅེས་དེས་
D6.010.0066a03.01དེ་ཇི་ཙམ་ཉི་མ་ནུབ་ཀྱི་བར་དུ་མ་བཏང་ནས། དགེ་སྦྱོང་ཤཱཀྱའི་སྲས་རྣམས་ཀྱི་དགེ་སྦྱོང་གི་ཚུལ་ནི་ཉམས། ཚངས་པའི་ཚུལ་ནི་ཉམས་ཏེ། ད་ནི་གསང་བའི་ཕྱོགས་ཀྱི་སྤུ་ཡང་འབྲེག་པར་བྱེད་དོ་ཞེས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་དག་གིས་
D6.010.0066a04.01བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་གིས་མདོམས་ཀྱི་ཕྱོགས་ཀྱི་སྤུ་བྲེག་པར་མི་བྱའོ། །དགེ་སློང་མདོམས་ཀྱི་ཕྱོགས་ཀྱི་སྤུ་འབྲེག་པར་བྱེད་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་མདོམས་ཀྱི་
D6.010.0066a05.01ཕྱོགས་ཀྱི་སྤུ་བྲེག་པར་མི་བྱའོ་ཞེས་བཀའ་སྩལ་པ་དང་། དགེ་སློང་དག་གིས་མདོམས་ཀྱི་ཕྱོགས་སུ་རྨ་བྱུང་བ་དང་། དགེ་སློང་དག་འགྱོད་ནས་སྤུ་འབྲེག་པར་མི་བྱེད་དོ། །དགེ་སློང་གཞན་དག་ལ་ཡང་སྲིན་བུ་བྱུང་སྟེ། དེ་དག་དེའི་གནོད་པས་དགེ་བའི་ཕྱོགས་ཀྱི་བྱ་བ་མི་ནུས་པའི་སྐབས་དེ་དགེ་སློང་དག་གིས་བཅོམ་
D6.010.0066a06.01ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གནས་བརྟན་གནས་བརྟན་དག་ལ་བསྟན་ནས་རྨའམ་སྲིན་བུའི་ཕྱིར་ནི་མདོམས་ཀྱི་ཕྱོགས་ཀྱི་སྤུ་བྲེག་པར་བྱ་སྟེ། འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་
D6.010.0066a07.01