完整藏文原文 · 德格版页 当前仅加载第 10 函德格 49a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་དེས་བཀྲུས་ཏེ་བྱིན་ན་འོན་ཀྱང་དེ་ལེན་པར་མི་བྱེད་པའི་སྐབས་དེ་ཞེས་བྱ་བའི་བར་དུ་ཡང་སྔ་མ་བཞིན་ནོ། །བཅོམ་ལྡན་འདས་ཀྱིས་བཀའ་སྩལ་པ། རི་བའི་རིན་སྦྱིན་པར་བྱ་བའམ། དེའི་སེམས་མགུ་བར་བྱའོ། །དགེ་སློང་དག་གཙུག་ལག་ཁང་གཞན་དང་། གྲོང་གཞན་དག་
D6.010.0049a01.01ཏུ་དེང་ཉིད་ཕྱིར་ལྡོག་པའི་བསམ་པས་ཆོས་གོས་གསུམ་པོ་དག་མེད་པར་དོང་བ་དང་། དེ་རྣམས་དེར་དོང་བ་དག་ལ་ཅི་ཙམ་ན་བྱ་བའི་རྣམ་པ་དེ་ལྟ་བུ་དག་བྱུང་སྟེ་དེར་ནམ་སྲོས་པར་གྱུར་ཏོ། །དེ་དག་བསླབ་པ་ལ་གུས་པས་མཚན་མོ་ཕྱིར་དོང་བ་ན་སེང་གེ་དང་། སྟག་དང་། ཆོམ་རྐུན་པ་དང་། གཡོན་ཅན་དག་
D6.010.0049a02.01གིས་བགྲོད་པར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དེ་ལྟ་བུའི་བསམ་པས་དོང་བ་རྣམས་དེར་ནམ་སྲོས་པར་གྱུར་ན། དེ་ཉིད་དུ་འདུག་པར་བྱ་ཞིང་། ཚངས་པ་མཚུངས་པར་སྤྱོད་པ་དག་ལས་ཆོས་
D6.010.0049a03.01གོས་དག་བརྙས་ཏེ་བྱིན་གྱིས་བརླབ་པར་བྱའོ། །དེ་རྣམས་ཆོས་གོས་དག་བརྙས་ནས་ཇི་ལྟར་བྱིན་གྱིས་བརླབ་པར་བྱ་བ་མ་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། སྔ་མ་རང་གི་སེམས་ཀྱིས་ཕྱུང་བ་བྱིན་གྱིས་བརླབ་པར་བྱའོ། །ལྔ་པོ་འདི་དག་ནི་སེམས་བསྐྱེད་པས་འགྲུབ་སྟེ། གསོ་སྦྱོང་
D6.010.0049a04.01དང་། དགག་དབྱེ་དང་། ཆོས་གོས་བྱིན་གྱིས་བརླབ་པ་དང་། ཆོས་གོས་དབྱུང་བ་དང་། གང་ཟག་མགྲོན་དུ་བོས་པའོ། །དགེ་སློང་དེ་དག་གིས་ཆོས་གོས་དྲས་ཤིང་ཁ་དོག་མ་བསྒྱུར་བ་དག་རྙེད་ནས། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དྲས་ཤིང་ཁ་དོག་མ་བསྒྱུར་བ་དག་རྙེད་ན་དྲས་
D6.010.0049a05.01ཤིང་ཁ་དོག་མ་བསྒྱུར་བ་དག་བྱིན་གྱིས་བརླབ་པར་བྱའོ། །ཇི་སྟེ་ཁ་དོག་མ་བསྒྱུར་ཅིང་མ་དྲས་པ་དག་རྙེད་ན་ལྷན་ཐབས་ཀྱིས་གླན་ལ་བྱིན་གྱིས་བརླབ་པར་བྱའོ། །གལ་ཏེ་རྙེད་ན་དེ་ལྟ་ན་ལེགས། གལ་ཏེ་མ་རྙེད་ན་དེ་བཞིན་བྱིན་གྱིས་བརླབ་པར་བྱའོ། །ཐ་ན་ཁྱིམ་པའི་གོས་ལ་ཡང་བྱིན་གྱིས་བརླབ་པར་བྱ་སྟེ།
D6.010.0049a06.01འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དག་ཅིག་གདིང་བ་མེད་པར་ཡུལ་གཞན་དུ་འདོང་བ་དང་། དེར་དོང་བ་དེ་རྣམས་འགྱོད་པར་གྱུར་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་
D6.010.0049a07.01