完整藏文原文 · 德格版页 当前仅加载第 10 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཞུགས་ཚེ་བགྱིད་དོ། །རྒྱལ་པོས་དེ་ཁོ་ན་བཞིན་དུ་ས་འཛིན་པ་ཅི་སེམས་ཞེས་སྨྲས་པ་དང་། དེས་སྨྲས་པ། ལྷ་འཇིག་རྟེན་པའི་བསམ་པ་སེམས་ལགས་སོ། །རྒྱལ་པོས་སྨྲས་པ། ས་འཛིན་པ་འཇིག་རྟེན་གྱི་བསམ་པ་ཇི་ལྟ་བུ་ཞིག་སེམས། ལྷ་
D6.010.0273a01.01ཁྲུང་ཁྲུང་ཞེས་བགྱི་བའི་བྱ་དེ་དག་ལ་འོ་མ་དང་ཆུ་བསྲེས་ཏེ་སྩལ་ན། དེ་དག་འོ་མ་ནི་འཚལ། ཆབ་ནི་འདོར་རོ། །ས་འཛིན་པ་ཅི་དེ་དེ་ལྟར་འགྱུར་རམ། ལྷ་སྤྱན་སྔར་བབ་པར་བགྱིའོ། །ས་འཛིན་པ་ལེགས་སོ། །དེས་ཕྱི་དེ་ཉིན་ཁྲུང་ཁྲུང་ཞིག་ཁྱེར་དེ་འོངས་ནས་དེ་རྒྱལ་པོའི་དྲུང་
D6.010.0273a02.01དུ་འོ་མ་ཆུ་དང་བསྲེས་ཏེ་བླུད་པ་དང་དེས་འོ་མ་ནི་འཐུངས་ཆུ་ནི་བོར་རོ།། །།འདུལ་བ་ཕྲན་ཚེགས་ཀྱི་གཞི། བམ་པོ་ཉི་ཤུ་བཞི་པ། རྒྱལ་པོས་སྨྲས་པ། ས་འཛིན་པ་འདི་ལ་རྒྱུ་ཅི་ཞིག་ཡོད། དེས་སྨྲས་པ། ལྷ་འདིའི་མཆུ་ལ་སྐྱུར་མཆིས་ཏེ་དེས་དེ་འཚལ་བའི་
D6.010.0273a03.01འོ་མ་ཞོར་འགྱུར་བའི་སླད་དུའོ། །རྒྱལ་པོས་སྨྲས་པ། ས་འཛིན་པ་ཁྱོད་ནི་མཁས་པ་ཞིག་གོ། །ལྷ་ཁྱོད་ཀྱི་བཀའ་དྲིན་ལགས་སོ་ཞེས་བྱས་པ་དང་། རྒྱལ་པོ་ཅང་མི་ཟེར་བར་འདུག་གོ། །ཡང་རྒྱལ་པོས་དེ་བཞིན་དུ་སུ་མེལ་ཙེ་བྱེད་ཅེས་སྨྲས་པ་དང་། དེས་སྔ་མའི་ཚུལ་
D6.010.0273a04.01དུ་སྨྲས་པ། ལྷ་བདག་ཞུགས་ཚེ་བགྱིད་དོ། །རྒྱལ་པོས་སྨྲས་པ། ས་འཛིན་པ་ཅི་སེམས། དེས་སྨྲས་པ། ལྷ་འཇིག་རྟེན་པའི་བསམ་པ་སེམས་ལགས་སོ། །ས་འཛིན་པ་འཇིག་རྟེན་པའི་བསམ་པ་ཇི་ལྟ་བུ་ཞིག་སེམས། ལྷ་རྩྭ་མུན་ཛ་ཐོ་བས་བརྡུངས་པ་དང་།
D6.010.0273a05.01མ་བརྡུངས་པ་སྲང་ལ་བཅལ་ན་མཉམ་པ་ཁོ་ནར་འགྱུར་ལགས་སོ། །ས་འཛིན་པ་ཅི་དེ་དེ་ལྟར་འགྱུར་རམ། ལྷ་སྤྱན་སྔར་བབ་པར་བགྱིའོ། །ས་འཛིན་པ་ལེགས་སོ། །དེས་ཕྱི་དེ་ཉིན་རྩྭ་མུན་ཛ་ཁྱེར་ཏེ་འོངས་ནས། རྒྱལ་པོའི་མདུན་དུ་ཇི་ལྟར་བསྟན་པ་བཞིན་བྱས་ན་
D6.010.0273a06.01ཐམས་ཅད་དེ་བཞིན་དུ་གྱུར་པ་དང་། རྒྱས་པོས་སྨྲས་པ། ས་འཛིན་པ་འདི་ལ་རྒྱུ་ཅི་ཞིག་ཡོད། །ལྷ་ཐོ་བས་བརྡུངས་པས་རླུང་བསྡུས་པའི་སླད་དུའོ། །ས་འཛིན་པ་ཁྱོད་ནི་མཁས་པ་ཞིག་གོ། །དེས་ལྷ་ཁྱོད་ཀྱི་བཀའ་དྲིན་ལགས་སོ་ཞེས་བྱས་པ་དང་། རྒྱལ་པོ་ཅང་མི་
D6.010.0273a07.01