完整藏文原文 · 德格版页 当前仅加载第 10 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
གཅན་ཡང་མེད། གྲུ་བཙས་ཀྱང་མེད་ཀྱིས་དེ་བག་ཡངས་སུ་འདིར་ཤོག་ཤིག །ཅེས་བསྒོ་བ་ཐོས་ནས་རེ་ཞིག་རྒྱལ་པོ་འདི་རང་གི་བསོད་ནམས་ཀྱི་འབྲས་བུ་ལ་གནས་ཀྱང་བསོད་ནམས་དག་གིས་ངོམས་མི་ཤེས་ཏེ། སྦྱིན་པ་དག་སྦྱིན། བསོད་ནམས་དག་བྱེད་
D6.010.0247a01.01ན་བདག་གིས་ཅིའི་ཕྱིར་སྦྱིན་པ་དག་མི་སྦྱིན། བསོད་ནམས་དག་མི་བྱ་སྙམ་ནས། དེ་དག་ཡིད་རབ་ཏུ་དང་བ་སྐྱེས་ཏེ། དུས་སྟོན་དེའི་དུས་སུ་དུང་དང་། ནོར་བུ་དང་མུ་ཏིག་ལ་སོགས་པ་ཕུལ་བ་དང་། དགེ་སློང་དག་གིས་ཇི་ལྟར་བསྒྲུབ་པ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་
D6.010.0247a02.01པ། པུད་དུད་གང་ཡིན་པ་དེ་དག་ནི་ཤིང་འཛམ་བུའི་གྲིབ་མ་ན་བཞུགས་པའི་སྐུ་གཟུགས་ལ་དབུལ་བར་བྱའོ། །གཞན་ཡང་ཆུང་ཤས་ཤིག་ནི་ཤཱ་རིའི་བུའི་མཆོད་རྟེན་དེའི་བཅོས་ལེགས་བྱ་བར་བཞག་ལ་ལྷག་མ་ནི་དགེ་འདུན་ཚོགས་པས་བགོ་བར་བྱའོ། །དེ་དེ་བཞིན་གཤེགས་
D6.010.0247a03.01པའི་མཆོད་རྟེན་གྱི་མ་ཡིན་གྱི། ཤཱ་རིའི་བུའི་མཆོད་རྟེན་གྱི་ཡིན་ཏེ། དེ་ལྟ་བས་ན་འགྱོད་པར་མི་བྱའོ།། །།སྡོམ་ནི། གླེང་དང་དྲན་པ་ཉིད་དང་ནི། །སྐབས་དབྱེ་བ་དང་སྨྲ་མི་བྱ། །ལུང་འབོགས་པ་དང་གསོ་སྦྱོང་དང་། །དགག་དབྱེ་འཇོག་པར་བྱེད་པའོ། །སངས་རྒྱས་བཅོམ་ལྡན་འདས་
D6.010.0247a04.01མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་དྲུག་སྡེ་དག་གིས་ཉེས་པར་མཐོང་བ་དང་། ཉེས་པར་ཐོས་པ་དང་། ཉེས་པར་དོགས་པས་དགེ་སློང་དག་ལ་གླེངས་སོ། །དགེ་སློང་དག་ལ་ཉེས་པར་མཐོང་བ་དང་། ཉེས་པར་ཐོས་
D6.010.0247a05.01པ་དང་། ཉེས་པར་དོགས་པས་གླེངས་པ་ན་དེ་དག་བག་ཚ་བཞིན་དུ་གནས་སོ། །དེ་དག་བག་ཚ་བཞིན་དུ་གནས་པས་རིད་པ་དང་། སྐེམ་པ་དང་། རྙིས་པ་དང་། ལུས་ལས་སུ་མ་རུང་བར་གྱུར་ཏེ་ལུང་སྟོན་པ་དང་། ཀློག་པ་དང་། ཁ་ཏོན་དང་། རྣལ་འབྱོར་དང་། ནང་གི་ཚུལ་བཞིན་ཡིད་ལ་བྱེད་པ་དག་ཤོར་ནས་
D6.010.0247a06.01སྐབས་དེ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དགེ་སློང་དག་དགེ་སློང་ལ་ཉེས་པར་མཐོང་བ་དང་། ཉེས་པར་ཐོས་པ་དང་། ཉེས་པར་དོགས་པས་གླེང་བ་ལས་གྱུར་གྱིས་དེ་ལྟ་བས་ན་དགེ་སློང་གིས་དགེ་སློང་ལ་ཉེས་པར་
D6.010.0247a07.01