完整藏文原文 · 德格版页 当前仅加载第 10 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་ཚུལ་དང་། རིལ་བ་གཟུང་བ་དང་། ས་བླང་བ་དང་། ཐལ་བ་བླང་བ་དང་། ཨོཾ་ཞེས་བྱ་བ་དང་། བྷོ་ཞེས་བྱ་བ་དང་། ངེས་བརྗོད་ཀྱི་རིག་བྱེད་དང་། མཆོད་སྦྱིན་གྱི་རིག་བྱེད་དང་། སྙན་ཚིག་གི་རིག་བྱེད་དང་། སྲིད་སྲུང་གི་རིག་བྱེད་དང་། དྲང་སྲོང་ག་རྒས་བྱས་པ་དང་། མཱ་ཐ་
D6.010.0081a01.01རས་བྱས་པ་དང་། ས་གཡོ་བའི་དཔྱད་དང་། བར་སྣང་གི་དཔྱད་དང་། བྲམ་ཟེའི་ལས་ཀྱི་མཐའ་དྲུག་པོ་མཆོད་སྦྱིན་བྱེད་པ་དང་། མཆོད་སྦྱིན་བྱེད་དུ་འཇུག་པ་དང་། ཀློག་པ་དང་། ཀློག་ཏུ་འཇུག་པ་དང་། སྦྱིན་པ་དང་། ལེན་པ་དག་ལ་མཁས་པར་གྱུར་ཏོ། །ཇི་ཙམ་དུས་གཞན་ཞིག་ན་
D6.010.0081a02.01འཕགས་སྐྱེས་པོ་དང་། མ་ལ་གནོད་ལྷན་ཅིག་{རི་དགས་,རི་དྭགས་}བཤོར་བའི་ཕྱིར་དོང་བ་དང་། དེ་རྟས་ཁ་ཁྱེར་ཏེ་སེར་སྐྱའི་གནས་སུ་ཕྱིན་ནས་དེ་དང་དེ་དག་ན་འཁྱམ་ཞིང་སེར་སྐྱ་ན་གནས་པའི་ཤཱཀྱ་རྣམས་ཀྱི་སྐྱེད་མོས་ཚལ་དུ་སོང་ངོ་། །སྐྱེད་མོས་ཚལ་སྲུང་བའི་མིས་སེར་སྐྱ་ན་གནས་པའི་ཤཱཀྱ་རྣམས་ལ་སྨྲས་
D6.010.0081a03.01པ། ཤེས་ལྡན་དག་འཕགས་སྐྱེས་པོ་རྟས་ཁ་ཁྱེར་ཏེ་ཁྱེད་ཀྱི་སྐྱེད་མོས་ཚལ་དུ་འོངས་སོ། །དེ་རྣམས་མི་བཟོད་པ་སྐྱེས་ནས་སྨྲས་པ། ཤེས་ལྡན་དག་གལ་ཏེ་དེ་ལྟ་ན་དུས་ལ་བབ་པ་འདི་ཡིན་གྱིས་འདོང་དེ་བསད་དོ། །དེ་བཞིན་བྱའོ་ཞེས་དེ་རྣམས་གོ་བགོས་ཏེ་དོང་བ་དང་། ཤཱཀྱ་རྒན་རབས་རྣམས་
D6.010.0081a04.01ཀྱིས་མཐོང་ནས་དེ་དག་གིས་སྨྲས་པ། གཞོན་ནུ་དག་གར་འདོང་། དེ་རྣམས་ཀྱིས་སྨྲས་པ། འཕགས་སྐྱེས་པོ་བདག་ཅག་གི་སྐྱེད་མོས་ཚལ་དུ་མཆིས་ཏེ། དེ་འགུམས་སུ་མཆིའོ། །ཤཱཀྱ་རྒན་རབས་རྣམས་ཀྱིས་སྨྲས་པ། གཞོན་ནུ་དག་དེ་གློ་བུར་པ་ཡིན་པས་དེའི་ཉེས་པ་འགའ་བཟོད་
D6.010.0081a05.01པ་གྱིས་ལ་ཕྱིར་ལོག་ཤིག །དེ་རྣམས་ཕྱིར་ལོག་པ་དང་། ཇི་ཙམ་ན་འཕགས་སྐྱེས་པོའི་དཔུང་གི་ཚོགས་ཡན་ལག་བཞི་པས་གཅིག་ནས་གཅིག་ཏུ་ཐོས་ནས་ཚོལ་ཞིང་སྐྱེད་མོས་ཚལ་དུ་འོངས་ནས་དཔུང་གི་ཚོགས་ཡན་ལག་བཞི་པས་སྐྱེད་མོས་ཚལ་ཀུན་ནས་ཁྱབ་པར་གྱུར་པ་དང་། སྐྱེད་
D6.010.0081a06.01མོས་ཚལ་སྲུང་བའི་མིས་སེར་སྐྱ་ན་གནས་པའི་ཤཱཀྱ་རྣམས་ལ་སྨྲས་པ། ཤེས་ལྡན་དག་འཕགས་སྐྱེས་པོའི་དཔུང་གི་ཚོགས་ཡན་ལག་བཞི་པ་རྣམས་སྐྱེད་མོས་ཚལ་དུ་ལྷགས་ཏེ། གླང་པོ་ཆེ་དང་། རྟའི་མི་གཙང་བ་དག་གིས་སྐྱེད་མོས་ཚལ་ཐམས་ཅད་མ་རུང་བར་བྱས་སོ། །དེ་རྣམས་
D6.010.0081a07.01