完整藏文原文 · 德格版页 当前仅加载第 10 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ནུབ་མོ་གཙང་ཞིང་བསོད་པའི་བཟའ་བ་དང་བཅའ་བ་དག་བཤམས་ཏེ། ནང་པར་སྔར་ལངས་ནས་གདན་བཏིང་ཆུ་ར་བཞག་སྟེ། ཚེ་དང་ལྡན་པ་ཀ་ཏྱའི་བུ་ཆེན་པོ་ལ་སྤྱན་འདྲེན་པས་འཕགས་པ་ཀ་ཏྱའི་བུ་ཆེན་པོ་གདུགས་ཚོ་དེ་བཤམས་ལགས་ཏེ་ད་དེའི་དུས་ལ་བབ་པར་དགོངས་
D6.010.0288a01.01སུ་གསོལ་ཞེས་དུས་ཚོད་གདས་པར་བྱས་སོ། །ཚེ་དང་ལྡན་པ་ཀ་ཏྱའི་བུ་ཆེན་པོ་སྔ་དྲོ་ཆོས་གོས་དང་ཤམ་ཐམས་བགོས་ལྷུང་བཟེད་ཐོགས་ཏེ་དགེ་སློང་གི་ཚོགས་ཀྱིས་བསྐོར་ཅིང་དགེ་སློང་གི་དགེ་འདུན་གྱིས་མདུན་དུ་བདར་ཏེ་རྒྱལ་པོ་གཏུམ་པོ་རབ་སྣང་གི་བཀད་ས་གང་ན་བ་དེར་སོང་སྟེ་ཕྱིན་
D6.010.0288a02.01པ་དང་། དགེ་སློང་གི་དགེ་འདུན་གྱི་གུང་ལ་སྟན་བཤམས་པ་ཉིད་ལ་འདུག་པ་དང་། དེ་ཡང་འདུག་སྟེ་རོལ་མོའི་སྒྲ་ཕྱུང་ནས་བྲོ་གར་མཁན་རྣམས་ཀྱིས་བྲོ་གར་རྣམ་པ་དུ་མ་དག་བྱ་བར་བརྩམས་པ་དང་། ཚེ་དང་ལྡན་པ་ཀ་ཏྱའི་བུ་ཆེན་པོ་དང་དགེ་སློང་དག་དབང་པོ་བསྡམས་ཏེ་འཁོད་དོ། །
D6.010.0288a03.01གླུ་གར་དང་རོལ་མོའི་སྒྲ་དེ་དག་ཞི་ནས་རྒྱལ་པོ་གཏུམ་པོ་རབ་སྣང་གིས་འཕགས་པ་ཅི་གར་བཟང་ལགས་སམ། གླུ་སྙན་ལགས་སམ་ཞེས་སྨྲས་པ་དང་། ཚེ་དང་ལྡན་པ་ཀ་ཏྱའི་བུ་ཆེན་པོས་སྨྲས་པ། རྒྱལ་པོ་ཆེན་པོ་གང་གིས་ཐོས་པའམ། མཐོང་བ་དག་ལའོ། །དེས་སྨྲས་པ། འཕགས་
D6.010.0288a04.01པ་དབང་པོ་ནང་དུ་བསྡུས་པ་རྣམས་ཀྱིས་མ་གཟིགས་སུ་ནི་སྩོལ་ན་ཇི་ལྟར་མ་གསན། དེས་སྨྲས་པ། ལྷ་ཁྱོད་ལ་མི་གསད་པ་ལ་ཐུག་པ་འགའ་ཡོད་དམ། འཕགས་པ་མཆིས་ན་དེ་ཅིར་འཚལ། ལྷ་སྐྱེས་བུ་དེའི་ལག་ཏུ་སྣོད་ཏིལ་མར་གྱིས་ཁོང་སྟེ་བསྐུར་ལ་ཕྱི་བཞིན་གཤེད་མའི་མི་ཐོང་སྟེ་དེ་ལ་
D6.010.0288a05.01འདི་སྐད་ཅེས་ཀྱི་མི་ཁྱོད་ཚུར་ཤོག །སྣོད་འབྲུ་མར་གྱིས་ཁ་ད་ཆད་དུ་གང་བ། བྱ་རོག་གིས་བཏུང་དུ་རུང་བ་འདི་ཁྱེར་ལ་ལྗོངས་བཟང་པོ་ཐམས་ཅད་སྐོར་ལ་འདིར་ཁྱེར་ཏེ་ཤོག་ཤིག །ཇི་སྟེ་ཏིལ་མར་ཐིགས་པ་གཅིག་ས་ལ་བོ་ན་མི་རལ་གྲི་གདེངས་པ་འདིས་ཁྱོད་ཀྱི་མགོ་དྲུངས་ནས་བཅད་དེ་ས་ལ་
D6.010.0288a06.01འདོར་དུ་གཞུག་གོ་ཞེས་བསྒོ་ལ། དེའི་མདུན་དུ་རོལ་མོའི་སྒྲ་སྣ་ཚོགས་ཕྱུང་སྟེ་བྲོ་གར་རྣམ་པ་སྣ་ཚོགས་བྱེད་དུ་ཆུག་ཤིག་དང་། དེ་ནས་ཁྱོད་ཡིད་ཆེས་པར་འགྱུར་རོ་ཞེས་སྨྲས་སོ། །རྒྱལ་པོ་གཏུམ་པོ་རབ་སྣང་དེས་ཇི་སྐད་བསྟན་པ་ཐམས་ཅད་རིམ་གྱིས་བྱས་ནས་མི་དེ་ལ་ཀྱེ་སྐྱེས་བུ་ཅི་གར་
D6.010.0288a07.01