完整藏文原文 · 德格版页 当前仅加载第 10 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
ཅིང་ལས་ཅི་ཡང་མི་བྱེད་པར་འདུག་པ་ནི་བདག་གི་ཚུལ་དང་མཐུན་པ་མ་ཡིན་ནོ་སྙམ་ནས། དེ་ཚོང་དུས་སུ་སོང་སྟེ་རས་བལ་ཉོས་ནས་སེལ་གྱིས་ཞག་པར་བྱས་ཤིང་བཀལ་ཏེ་ཐ་ག་པ་མཁས་པ་ལ་ཀཱར་ཥཱ་པ་ཎ་སྟོང་རི་བའི་རས་ཟུང་གཅིག་འཐག་ཏུ་བཅུག་གོ། །དེ་ནས་དེས་
D6.010.0022a01.01བྲམ་ཟེ་ལ་སྨྲས་པ། རས་ཟུང་འདི་ཀཱར་ཥཱ་པ་ཎ་སྟོང་རི་བ་ལགས་ཀྱིས། ཚོང་དུས་སུ་བཞུད་ལ་གང་དག་ཀཱར་ཥཱ་པ་ཎ་སྟོང་གིས་འཇལ་བ་ལ་ནི་སྩོལ་ཅིག །གལ་ཏེ་དེས་མི་འཇལ་ན་ཚོང་འདུས་མ་ཡིན་ནོ་ཞེས་བསྒྲགས་ནས་གཞན་དུ་བཞུད་པར་མཛོད་ཅིག །དེས་དེ་ཁྱེར་ཏེ་ཚོང་འདུས་སུ་སོང་
D6.010.0022a02.01བ་ན་ཀཱར་ཥཱ་པ་ཎ་སྟོང་གིས་ཉོ་བ་སུ་ཡང་མེད་ནས། དེས་ཚོང་འདུས་མ་ཡིན་ནོ་ཞེས་བསྒྲགས་ཏེ། རས་ཟུང་དེ་གདུགས་ཀྱི་རྩ་བའི་ནང་དུ་བཅུག་སྟེ་འགྲོན་པ་དག་དང་ལྷན་ཅིག་རྒྱལ་པོའི་ཁབ་ཏུ་སོང་ངོ་། །ཇི་ཙམ་ན་རིམ་གྱིས་ཤོ་གམ་གྱི་གནས་སུ་ཕྱིན་པ་དང་། ཤོ་གམ་པས་འགྲོན་པ་དེ་དག་ལ་ཤོ་གམ་
D6.010.0022a03.01བཅད་པ་ན་དེ་དག་གིས་ཤོ་གམ་ཕུལ་ནས་དོང་ངོ་། །དེ་ན་དྲིལ་སྒྲ་འབྱིན་པར་བྱེད་ནས་ཤོ་གམ་པ་དག་གིས་སྨྲས་པ། ཤེས་ལྡན་དག་དྲིལ་འདི་ལྟར་སྒྲ་འབྱིན་པ་ལས་ན་འགྲོན་པ་དག་གིས་ཤོ་གམ་ལེགས་པར་མ་ཕུལ་གོར་མ་ཆག་གིས། ཡང་ཤོ་གམ་གཅད་དོ་ཞེས་དེ་དག་གིས་འགྲོན་པ་དག་ཡང་ཕྱིར་
D6.010.0022a04.01བཀུག་སྟེ་བཙལ་ན་ཤོ་གམ་མ་ཕུལ་བ་འགའ་ཡང་མེད་དོ། །དེ་དག་དོང་བ་དང་ཡང་དྲིལ་སྒྲ་འབྱིན་པ་ཉིད་དུ་བྱེད་ནས། དེ་དག་གིས་འགྲོན་པ་དག་ཡང་ཕྱིར་བཀུག་སྟེ་བཙལ་ན་ཤོ་གམ་མ་ཕུལ་བ་འགའ་ཡང་མེད་པར་གྱུར་ནས། འགྲོན་པ་དག་དེང་ལ་ཁྱེད་ཅག་ཆོམ་པོ་བྱེད་པར་སེམས་སམ། ཅི་ན་ཡང་དང་
D6.010.0022a05.01ཡང་དུ་ཕྱིར་འགུགས་པར་བྱེད་ཅེས་སྨོད་པར་བྱེད་དོ། །དེ་དག་གིས་འགྲོན་པ་དེ་དག་ཚོམས་གཉིས་སུ་བྱས་ཏེ་བཀྱེ་བ་དང་། ཚོམས་གང་གི་ནང་ན་བྲམ་ཟེ་དེ་མེད་པ་དག་ནི་དེ་བཞིན་དོང་ངོ་། །ཚོམས་ཅིག་ཤོས་འདོང་བ་ན་དྲིལ་དེ་དེ་བཞིན་དུ་སྒྲ་འབྱིན་པར་བྱེད་ནས་དེ་དག་གིས་དེ་དག་ཀྱང་དེ་བཞིན་དུ་ཚོམས་གཉིས་
D6.010.0022a06.01སུ་བྱས་ཤིང་བྱས་ཤིང་བཀྱེ་བ་དང་། ཐ་མར་བྲམ་ཟེ་དེ་གཅིག་པུ་ཉི་ཚེ་ལུས་པར་གྱུར་ནས་དེ་དེ་དག་གིས་བཟུང་ངོ་། །དེས་བདག་ལ་ཅུང་ཟད་ཀྱང་མེད་ཀྱིས་ཚོལ་ཅིག་ཅེས་སྨྲས་པ་དང་། དེ་དག་གིས་བཙལ་ན་ཅི་ཡང་མེད་ནས་བཏང་བ་ན་ཡང་དྲིལ་དེ་སྒྲ་འབྱིན་པ་ཉིད་དུ་བྱེད་དོ། །དེ་དག་གིས་བྲམ་ཟེ་དེ་ཡང་ཕྱིར་
D6.010.0022a07.01