完整藏文原文 · 德格版页 当前仅加载第 10 函德格 62a 版页；藏文 NFD、目录标记与异常页序保留在来源切片中，重复版页行以稳定序号区分。
སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། གང་དག་སྐས་ལ་འཛེག་པ་དེ་དག་གིས་མདུད་པ་བོར་བར་བྱའི་གཞན་དག་གིས་ནི་མ་ཡིན་ནོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་
D6.010.0062a01.01མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་ལུས་ཀྱིས་ཁུར་ཁྱེར་བ་དང་། བྲམ་ཟེ་དང་། ཁྱིམ་བདག་རྣམས་འཕྱ་སྟེ། འཕགས་པ་བདག་ཅག་ནི་རེ་ཞིག་ཕ་མ་དང་བུ་དང་ཆུང་མའི་སླད་དུ་ཁུར་ཐོགས་ན་ཁྱེད་སུའི་སླད་དུ་ལུས་ཀྱིས་ཁུར་བསྣམས། དེ་དག་གིས་སྨྲས་
D6.010.0062a02.01པ། བཞིན་{བཟངས་,བཟང་}དག་བདག་ཅག་ལ་ཡང་སྟོན་པ་མཆོད་པ་དང་། དགེ་འདུན་བཤོས་གསོལ་བ་དང་། ནད་པ་རྣམས་ཀྱི་རིམ་གྲོ་དང་། བྱ་བ་མང་པོ་ཡོད་དོ། །དེ་དག་ཅང་མི་སྨྲ་བར་འདུག་གོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་
D6.010.0062a03.01བཀའ་སྩལ་པ། དེ་ལྟ་བས་ན་དགེ་སློང་གིས་ལུས་ཀྱིས་ཁུར་བཀུར་བར་མི་བྱའོ། །ཁྱེར་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་རི་ལ་བཞུགས་སོ། །དགེ་སློང་རྣམས་བྱ་རྒོད་ཀྱི་ཕུང་པོའི་རི་ལ་འཛེག་ཅིང་འབབ་པ་ན་དེ་དག་གྲེད་ཅིང་རྡེག་
D6.010.0062a04.01འཆོས་ཏེ་སྣད་པར་གྱུར་ཏོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ་དང་། དེ་ལྟ་བས་ན་དགེ་སློང་རྣམས་ཀྱི་ཁར་བ་བཅང་བར་བྱའོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་ཁར་བ་བཅང་བར་བྱའོ་ཞེས་བཀའ་སྩལ་པ་
D6.010.0062a05.01དང་། དྲུག་སྡེ་རྣམས་ཀྱིས་གསེར་དང་། དངུལ་དང་། བཻ་ཌཱུརྱ་དང་། ཤེལ་ལས་བྱས་པའི་ཁར་བ་བསྲུབས་པ། བཀྲ་བ་ཉེ་བར་བཀྲ་བ་དག་བཅངས་པ། བྲམ་ཟེ་དང་ཁྱིམ་བདག་རྣམས་ཀྱིས་མཐོང་ནས་འཕྱ་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་
D6.010.0062a06.01འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན་གཉིས་ཀྱིས་ཁར་བ་བཅང་བར་བྱ་སྟེ། རྒན་པོ་རྒས་ཏེ་ཉམ་ཆུང་བ་དང་། ནད་པ་སྦྱོར་མི་ནུས་པས་སོ། །བཅོམ་ལྡན་འདས་ཀྱིས་གཉིས་ཀྱིས་ཁར་བ་བཅང་བར་བྱ་སྟེ། རྒན་པོ་རྒས་ཏེ་ཉམ་ཆུང་བ་དང་། ནད་པ་སྦྱོར་མི་བཟོད་པས་སོ་ཞེས་བཀའ་སྩལ་པ་
D6.010.0062a07.01