完整藏文原文 · 德格版页 当前仅加载第 10 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ལུས་ཀྱི་རྒྱབ་ཏུ་ཉིས་བརྒྱ་ཉི་ཤུ་རྩ་ལྔ་དང་། ལུས་ཀྱི་གཡས་སུ་ཉིས་བརྒྱ་ཉི་ཤུ་རྩ་ལྔ་དང་། ལུས་ཀྱི་གཡོན་དུ་ཉིས་བརྒྱ་ཉི་ཤུ་རྩ་ལྔ་སྐྱེད་པར་བྱེད་དོ། །དགའ་བོ་ཞག་བདུན་པ་{བཅྭ་,བཅོ་}ལྔ་པ་ལ་ནི་མངལ་ན་གནས་པ་དེ་ལ་མའི་ལྟོར་ནང་ནས་རླུང་པད་མ་ཞེས་བྱ་བ་དག་ལྡང་སྟེ། དེ་དག་
D6.010.0132a01.01གིས་མངལ་ན་གནས་པ་དེའི་ལུས་ལ་རྩ་ཉི་ཤུ་སྐྱེད་པར་འགྱུར་ཏེ། དགའ་བོ་དེ་ལ་ལུས་ཀྱི་མདུན་དུ་རྩ་ལྔའོ། །ལུས་ཀྱི་རྒྱབ་ཏུ་རྩ་ལྔའོ། །ལུས་ཀྱི་གཡས་སུ་རྩ་ལྔའོ། །ལུས་ཀྱི་གཡོན་དུ་རྩ་ལྔའོ། །རྩ་དེ་དག་ལ་ཡང་མིང་དུ་མ་དང་། མིང་སྣ་ཚོགས་དང་། ཁ་དོག་དུ་མ་དང་། ཁ་དོག་སྣ་ཚོགས་
D6.010.0132a02.01ཏེ། གྲོགས་ཞེས་བྱ་བ་ཡོད། སྟོབས་ཞེས་བྱ་བ་ཡོད། བརྟན་པ་ཞེས་བྱ་བ་ཡོད། མཐུ་ཅན་ཞེས་བྱ་བ་ཡོད་དོ། །ཁ་དོག་སྔོན་པོ་དང་། ཁ་དོག་སེར་པོ་དང་། ཁ་དོག་དམར་པོ་དང་། ཁ་དོག་དཀར་པོ་དང་། བ་བླ་ལྟ་བུའི་སེར་སྐྱ་དང་། ཁྲ་བོ་དང་། མར་གྱི་ཁ་དོག་དང་། ཞོའི་ཁ་དོག་
D6.010.0132a03.01དང་། འབྲུ་མར་གྱི་ཁ་དོག་དང་། མཁྲིས་པ་མ་སྨིན་པས་ཁྱབ་པ་དང་། མཁྲིས་པ་སྨིན་པས་ཁྱབ་པ་དག་ཡོད་དོ། །དགའ་བོ་རྩ་ཉི་ཤུ་པོ་དེ་དག་རེ་རེ་ལ་ཡང་འཁོར་རྩ་བཞི་བཅུ་བཞི་བཅུ་ཡོད་པས་རྩ་དེ་དག་བརྒྱད་བརྒྱར་འགྱུར་རོ། །དགའ་བོ་དེ་ལ་ཉིས་བརྒྱ་ནི་ལུས་ཀྱི་མདུན་དུ། ཉིས་
D6.010.0132a04.01བརྒྱ་ནི་ལུས་ཀྱི་རྒྱབ་ཏུ། ཉིས་བརྒྱ་ནི་ལུས་ཀྱི་གཡས་སུ། ཉིས་བརྒྱ་ནི་ལུས་ཀྱི་གཡོན་དུ་འབྱུང་བར་འགྱུར་ཏེ། ཉིས་བརྒྱ་ནི་གྲོགས་རྣམས་ཀྱི་ཡིན། ཉིས་བརྒྱ་ནི་སྟོབས་རྣམས་ཀྱི་ཡིན། ཉིས་བརྒྱ་ནི་བརྟན་པ་རྣམས་ཀྱི་ཡིན། ཉིས་བརྒྱ་ནི་མཐུ་ཅན་རྣམས་ཀྱི་ཡིན་ནོ། །
D6.010.0132a05.01དགའ་བོ་ཡང་རྩ་བརྒྱད་བརྒྱ་པོ་དེ་དག་རེ་རེ་ལ་ཡང་འཁོར་རྩ་བརྒྱ་བརྒྱ་ཡོད་དེ། དེ་དག་ན་རྩ་དེ་དག་བརྒྱད་ཁྲིར་འགྱུར་རོ། །དགའ་བོ་དེ་ལ་ཉི་ཁྲི་ནི་ལུས་ཀྱི་མདུན་དུ། ཉི་ཁྲི་ནི་ལུས་ཀྱི་རྒྱབ་ཏུ། ཉི་ཁྲི་ནི་ལུས་ཀྱི་གཡས་སུ། ཉི་ཁྲི་ནི་ལུས་ཀྱི་གཡོན་དུ་འབྱུང་བར་འགྱུར་རོ། །དགའ་
D6.010.0132a06.01བོ་ཡང་རྩ་བརྒྱད་ཁྲི་པོ་དེ་དག་གི་གཞི་ལ་བུ་གུ་དུ་མ་དང་། བུ་གུ་སྣ་ཚོགས་ཏེ། བུ་གུ་གཅིག་པ་ཡང་ཡོད། བུ་གུ་གཉིས་པ་དང་། བུ་གུ་གསུམ་པ་དང་། བཞི་པ་དང་། ལྔ་པ་དང་། དྲུག་པ་དང་། བུ་གུ་བདུན་པ་དག་ཀྱང་ཡོད་དེ། དགའ་བོ་འདི་ལྟ་སྟེ། དཔེར་ན་པད་མའི་
D6.010.0132a07.01