完整藏文原文 · 德格版页 当前仅加载第 10 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
གསུངས་པའི་ཆོས་འདུལ་བ་ལ་རབ་ཏུ་འབྱུང་ཞིང་བསྙེན་པར་རྫོགས་པ་དགེ་སློང་གི་དངོས་པོ་འཐོབ་ན་བཅོམ་ལྡན་འདས་ཀྱི་སྤྱན་སྔར་བདག་ཚངས་པར་སྤྱད་པ་སྤྱོད་པར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ན་ལ་ད་ཁྱོད་ཀྱིས་བྲམ་ཟེའི་ཁྱེའུ་དེ་ལ་དྲི་བའི་དོན་སྨྲའོ་ཞེས་དམ་བཅས་པས་དེའི་ཕྱིར་སོང་ལ་
D6.010.0279b01.01རེ་ཞིག་སྔར་དམ་བཅས་པ་དེ་ཚར་ཕྱུང་སྟེ་ཕྱིས་རབ་ཏུ་བྱུང་ཤིག །དེས་གསོལ་པ། བཙུན་པ་བདག་གིས་ཡོན་ཏན་གྱི་ཚོགས་འདི་ལྟ་བུ་ཐོབ་མོད་ཀྱི་འོན་ཀྱང་དྲི་བ་དེ་དག་གི་དོན་བདག་གིས་སྨྲ་རྔོ་མི་ཐོག་ན་དེར་མཆིས་ཏེ་ཅི་ཞིག་བགྱི། བཅོམ་ལྡན་འདས་ཀྱིས་བཀའ་སྩལ་པ། ན་ལ་ད་སོང་ལ་སོན་ནས་འདི་སྐད་དུ་རེ་ཞིག་དྲི་བ་
D6.010.0279b02.01དེ་དག་སྨོས་ཤིག་ཅེས་གྱིས་ཤིག །གང་གི་ཚེ་དེས་འདི་སྐད་ཅེས་ནི། བདག་པོ་རྒྱལ་པོ་གང་ཞིག་ནི། །ཆགས་ན་རྡུལ་དང་ལྡན་པ་ཡིན། །རྡུལ་མེད་ན་ནི་རྡུལ་བྲལ་འགྱུར། །གང་གིས་འདིར་ནི་ཆགས་ཞེས་བརྗོད། །བློ་ངན་ཇི་ལྟར་མྱ་ངན་བྱེད། །མཁས་པ་ཇི་ལྟར་དགའ་བར་འགྱུར། །གང་གི་ལྡན་པ་ལས་
D6.010.0279b03.01བྲལ་ནས། །འདི་ནི་གྲུབ་དང་བདེ་ཞེས་བརྗོད། །ཅེས་སྨྲས་པར་གྱུར་པ་དེའི་ཚེ་ཁྱོད་ཀྱིས་འདི་སྐད་ཅེས་སྨྲོས་ཤིག །དྲུག་པ་བདག་པོ་རྒྱལ་པོ་ནི། །ཆགས་ན་རྡུལ་དང་ལྡན་པ་ཡིན། །རྡུལ་མེད་ན་ནི་རྡུལ་བྲལ་འགྱུར། །ཆགས་ན་བྱིས་པ་ཞེས་འདིར་བརྗོད། །བློ་ངན་དེ་ལྟར་མྱ་ངན་བྱེད། །མཁས་པ་དེ་ལྟར་དགའ་
D6.010.0279b04.01བར་འགྱུར། །འདི་ཡི་ལྡན་པ་ལས་བྲལ་ནས། །འདི་ནི་གྲུབ་དང་བདེ་ཞེས་བརྗོད། །གལ་ཏེ་བརྡ་མ་ཕྲད་དོ་ཞེས་ཟེར་ན་དེ་ལ། །ལེགས་པར་གསུངས་པ་ཤེས་པ་གཅེས་པ་སྟེ། །ཐོས་དང་ཏིང་འཛིན་ཤེས་པ་གཅེས་པ་ཡིན། །མི་གང་གྱ་ཚོམ་བག་མེད་གྱུར་པས་ནི། །མི་ཤེས་དེ་ལ་ཐོས་པ་དོན་མི་ཆེ། །ཞེས་
D6.010.0279b05.01སྨྲོས་ཤིག །གལ་ཏེ་སངས་རྒྱས་གསུང་དག་སྨྲ་མོད་ཀྱི། ཁྱོད་ལ་མཚན་ནི་མི་སྣང་ངོ་། །འདི་ལ་བདག་གི་བློ་རྨོངས་ཀྱིས། ཐེ་ཚོམ་མྱུར་དུ་གཅད་པར་གྱིས་ཞེས་ཟེར་ན། །དེའི་མདུན་དུ་སེན་མོས་རྩྭ་ཆོད་ཅིག །གལ་ཏེ་ཅི་སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ངམ་ཞེས་ཟེར་ན་བྱུང་ངོ་ཞེས་
D6.010.0279b06.01སྨྲོས་ཤིག །ཇི་སྟེ་གང་ན་བཞུགས་ཞེས་ཟེར་ན་དྲང་སྲོང་སྨྲ་བ་{རི་དགས་,རི་དྭགས་}ཀྱི་ནགས་ནའོ་ཞེས་གྱིས་ཤིག །བཙུན་པ་དེ་བཞིན་དུ་འཚལ་ཞེས་རིགས་ཀྱི་བུ་ན་ལ་དས་བཅོམ་ལྡན་འདས་ཀྱི་ལྟར་མཉན་ཏེ་བྲམ་ཟེའི་ཁྱེའུ་གང་ན་བ་དེར་སོང་སྟེ་ཕྱིན་པ་དང་། བྲམ་ཟེའི་ཁྱེའུ་ལ་འདི་སྐད་ཅེས་སྨྲས་སོ། །བྲམ་ཟེའི་
D6.010.0279b07.01