完整藏文原文 · 德格版页 当前仅加载第 10 函德格 285b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ་འཕགས་རྒྱལ་དུ་འོང་འདོད་ན་ཁྱོད་ཀྱི་ཕ་ནི་དུས་ལས་འདས། བདག་ཅག་གི་ཁྱིམ་གྱི་གནས་སྐབས་ནི་འདི་ལྟ་བུར་གྱུར་པས་རིང་ཞིག་ན་འོངས་པ་དེ་ལ་ཉི་མ་འགའི་བསོད་སྙོམས་ཀྱང་སྦྱིན་མི་ནུས་པས་སོ། །དེས་སྨྲས་པ། མ་གལ་ཏེ་དེ་ལྟ་ན་གར་མཁན་གྱི་སློབ་དཔོན་དེ་
D6.010.0285b01.01བདག་གི་སྐྲ་ཀཱར་ཥཱ་པ་ཎ་སྟོང་གིས་ཉོ་བས་དེ་ཉིད་དུ་ཚོངས་ལ་འཕགས་པ་ཀ་ཏྱའི་བུ་ཆེན་པོ་ལ་བསོད་སྙོམས་ཕུལ་ཅིག །བདག་གི་སྐྲ་ནི་ཡང་སྐྱེ་བར་འགྱུར་གྱིས་མྱ་ངན་མ་མཛད་ཅིག །དེས་དེའི་ཚིག་དད་པ་ལས་བྱུང་བ་དེ་ཐོས་ནས། བུ་མོ་ལེགས་ཀྱིས་དེ་ལྟར་བྱའོ་ཞེས་སྨྲས་ཏེ།
D6.010.0285b02.01གར་མཁན་གྱི་སློབ་དཔོན་གང་ན་བ་དེར་སོང་སྟེ་ཕྱིན་ནས་སྨྲས་པ། སློབ་དཔོན་ཁྱོད་ཀྱིས་ངའི་བུ་མོའི་སྐྲ་ཀཱར་ཥཱ་པ་ཎ་སྟོང་གིས་འཇལ་ན་དེ་སྣོམས་ལ་ཀཱར་ཥཱ་པ་ཎ་སྟོང་སྩོལ་ཅིག །དེས་སྨྲས་པ། སྲིང་མོ་དེའི་ཚེ་ནི་ཁོ་བོ་ལ་དེ་དག་དགོས་ཀྱི་ད་ནི་དེ་དག་མི་དགོས་མོད་ཀྱི་འོན་ཀྱང་ཀཱར་ཥཱ་
D6.010.0285b03.01པ་ཎ་ལྔ་བརྒྱར་འཚོང་ན་བླང་ངོ་། །དེས་སྨྲས་པ། སློབ་དཔོན་སྩོལ་ལ་འདི་དག་བཞེས་ཤིག །དེ་བླངས་སོ། །ཇི་ཙམ་ན་ཚེ་དང་ལྡན་པ་ཀ་ཏྱའི་བུ་ཆེན་པོ་ཡུལ་ཀ་ནྱཱ་ཀུབ་ཛར་ཕྱིན་ནས་དེ་དབེན་པ་བླ་གབ་མེད་པ་ཞིག་ཏུ་འདུག་གོ། །དེ་ནས་བྲམ་ཟེ་མོ་དེ་རྟབས་པོར་གོམ་པ་
D6.010.0285b04.01བསླང་སྟེ། ཚེ་དང་ལྡན་པ་ཀ་ཏྱའི་བུ་ཆེན་པོ་གང་ན་བ་དེར་སོང་ནས་ཕྱིན་པ་དང་། ཚེ་དང་ལྡན་པ་ཀ་ཏྱའི་བུ་ཆེན་པོ་ལ་འདི་སྐད་ཅེས་སྨྲས་སོ། །འཕགས་པ་ཀ་ཏྱའི་བུ་ཆེན་པོ་སང་བདག་གི་སྡུམ་པར་གདུགས་ཚོད་གསོལ་བར་ཅི་གནང་། དེས་སྨྲས་པ། བྲམ་ཟེ་མོ་ངའི་འཁོར་སྐྱེ་བོ་
D6.010.0285b05.01ཕལ་པོ་ཆེའོ། །དེས་སྨྲས་པ། འཕགས་པ་འཁོར་ཇི་སྙེད་ཅིག་མཆིས། བྲམ་ཟེ་མོ་ངའི་འཁོར་ལྔ་བརྒྱ་ཡོད་དོ། །འཕགས་པ་ལེགས་ཏེ་དེ་བཞིན་བགྱི་ཡིས་གནང་བར་མཛོད་ཅིག །ཚེ་དང་ལྡན་པ་ཀ་ཏྱའི་བུ་ཆེན་པོས་བྲམ་ཟེ་མོ་དེ་ལ་ཅང་མི་ཟེར་བས་ཁས་བླངས་སོ། །དེ་ནས་
D6.010.0285b06.01བྲམ་ཟེ་མོ་དེ་ཚེ་དང་ལྡན་པ་ཀ་ཏྱའི་བུ་ཆེན་པོས་ཅང་མི་ཟེར་བས་ཁས་བླངས་པར་རིག་ནས་རྐང་པ་ལ་ཕྱག་བྱས་ནས་སྟན་ལས་ལངས་ཏེ་སོང་ངོ་། །དེ་ནས་བྲམ་ཟེ་མོ་དེས་དེ་ཉིད་ཀྱི་ནུབ་མོ་གཙང་ཞིང་བསོད་པའི་བཟའ་བ་དང་བཅའ་བ་དག་བཤམས་ཏེ་ནང་པར་སྔར་ལངས་ནས་སྟན་བཏིང་།
D6.010.0285b07.01