完整藏文原文 · 德格版页 当前仅加载第 10 函德格 298a 版页；藏文 NFD、目录标记与异常页序保留在来源切片中，重复版页行以稳定序号区分。
བྲམ་ཟེ་གལ་ཏེ་དེ་ལྟ་ན་བདག་ནི་བ་ལང་བརྒྱའོ། །བུས་སྨྲས་པ། ཡབ་བདག་ནི་ཅང་ཤེས་ཀྱི་ཤིང་རྟའོ། །བུ་མོས་སྨྲས་པ། བདག་ནི་ནོར་བུའི་རྣ་ཆ་གདུབ་འཁོར་རོ། །དེའི་བྲན་མོ་སྐྱེད་མས་སྨྲས་པ། ཅི་སྟེ་ཁྱེད་ཅག་དེ་ལྟ་བུ་འདོད་ན་བདག་ནི་
D6.010.0298a01.01རྡོ་ལེབ་བཟང་པོའོ། །བྲམ་ཟེས་བསམས་པ། ཚིགས་སུ་བཅད་པའི་དབྱངས་ཀྱིས་ལྷ་ལས་དམ་པ་གསོལ་གྱི་ཕལ་པ་གཞན་ལྟར་ནི་མི་བྱའོ། །སྙམ་དུ་བསམས་ནས་ཚིགས་སུ་བཅད་པ་སེམས་ཤིང་རྒྱལ་པོའི་དྲུང་དུ་སོང་སྟེ་སྨྲས་པ། ལྷ་བདག་ཅག་ཅི་
D6.010.0298a02.01འཚལ་བ་དེ་གསན་དུ་གསོལ། བདག་ནི་གྲོང་ཁྱེར་ལྔ་ཞིག་འཚལ། །བྲམ་ཟེ་མོ་ཡང་བ་ལང་བརྒྱ། །བུ་ནི་ཅང་ཤེས་ཤིང་རྟ་སྟེ། །བུ་མོ་ནོར་བུའི་རྣ་ཆ་འཚལ། །བདག་གི་བྲན་མོ་སྐྱེད་མ་སྟེ། །དེ་ཡང་རྡོ་ལེབ་བཟང་པོ་འཚལ། །རྒྱལ་པོ་གཏུམ་
D6.010.0298a03.01པོ་རབ་སྣང་གིས་ཀྱང་དེ་ལ་དེ་བཞིན་དུ་སླར་ཚིགས་སུ་བཅད་དེ་སྨྲས་པ། ཁྱོད་ལ་གྲོང་མཆོག་ལྔ་སྦྱིན་ཏེ། །ཆུང་མ་ལ་ཡང་བ་ལང་བརྒྱ། །བུ་ལ་རྟ་ཡི་ཤིང་རྟ་བརྒྱན། །བུ་མོ་ལ་ཡང་རྣ་ཆ་དག །བྲན་མོ་སྐྱེད་མ་སློང་བ་ཡི། །རྡོ་ལེབ་བཟང་པོ་འདོད་པ་ཡང་། །
D6.010.0298a04.01དེ་ཡི་རེ་བ་འབྲས་ཡོད་པར། །ཇི་ལྟར་འདོད་པ་བསྐང་བར་བྱ། །དེ་ནས་རྒྱལ་པོས་དེ་ལ་ཇི་ལྟར་འདོད་པའི་དམ་པ་བྱིན་ནས་སྨྲས་པ། མཁན་པོ་རུབ་སྟེ་རྒྱལ་སྲིད་བགྱིས། བདག་ལ་གྲོས་སྟོན་ཅིག །དེས་ལྷ་བདག་ཅག་ནི་བྲམ་ཟེ་ལགས་པས་དེ་ནི་བདག་
D6.010.0298a05.01གི་ཆ་མ་ལགས་སོ་ཞེས་སྨྲས་པ་དང་། དེས་དེ་ནན་ཏན་གྱིས་མདུན་ན་འདོན་དུ་བཅུག་གོ། །རེ་ཞིག་ཅིག་ན་རྒྱལ་པོ་གཏུམ་པོ་རབ་སྣང་ལ་རི་ཁྲོད་པ་སྐྱ་བསེང་པ་ཞེས་བྱ་བ་དག་ལོག་པ་དང་། དེས་གསོས་པ་ལ་བཀའ་སྩལ་པ། སོང་ལ་སྐྱ་བསེང་དག་རྣལ་དུ་ཕོབ་
D6.010.0298a06.01ཤིག །དེས་ཀྱང་དཔུང་གི་ཚོགས་ཡན་ལག་བཞི་པ་གླང་པོ་ཆེའི་ཚོགས་དང་། རྟ་པའི་ཚོགས་དང་། ཤིང་རྟ་པའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ནས་སོང་ངོ་། །དེས་དེ་དག་རྣལ་དུ་ཕབ་སྟེ། དེ་ནས་དེར་གཏེའུ་ཡང་བཟུང་། དཔྱ་ནར་མ་
D6.010.0298a07.01