完整藏文原文 · 德格版页 当前仅加载第 10 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བོ་ཞག་བདུན་པ་ཉི་ཤུ་རྩ་བརྒྱད་པ་ལ་ནི་མངལ་ན་གནས་པ་དེས་མའི་མངལ་གྱི་ནང་དུ་ཕྱིན་ཅི་ལོག་གི་འདུ་ཤེས་བརྒྱད་པོ་ཁྱིམ་གྱི་འདུ་ཤེས་དང་། བཞོན་པའི་འདུ་ཤེས་དང་། སྐྱེད་མོས་ཚལ་གྱི་འདུ་ཤེས་དང་། ཁང་པ་བརྩེགས་པའི་འདུ་ཤེས་དང་། ཀུན་དགའ་ར་བའི་
D6.010.0136a01.01འདུ་ཤེས་དང་། ཁྲིའི་འདུ་ཤེས་དང་། ཆུ་བོའི་འདུ་ཤེས་དང་། རྫིང་བུའི་འདུ་ཤེས་ཐོབ་པར་འགྱུར་རོ། །དགའ་བོ་ཞག་བདུན་པ་ཉི་ཤུ་རྩ་དགུ་པ་ལ་ནི་མངལ་ན་གནས་པ་དེ་ལ་མའི་ལྟོར་ནང་ནས་རླུང་ཡང་དག་སྐྱེད་པ་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་ལུས་ཀྱི་པགས་པའི་
D6.010.0136a02.01མདོག་ཡོངས་སུ་བྱང་བར་བྱེད། རབ་ཏུ་དང་བར་བྱེད་དོ། །དགའ་བོ་དེ་ལ་ཁ་ཅིག་གི་པགས་པའི་མདོག་ནི་ལས་ཀྱི་རྣམ་པར་སྨིན་པས་ནག་པོ། ཁ་དོག་ནག་པོ། ནག་པོ་ལྟ་བུར་སྟོན་པ། འོད་ནག་པོ་འབྱུང་བ་ཡོངས་སུ་བྱང་བར་བྱེད། རབ་ཏུ་དང་བར་བྱེད་དོ། །ཁ་ཅིག་གི་པགས་པའི་མདོག་ནི་
D6.010.0136a03.01སྔོ་བསངས། ཁ་དོག་སྔོ་བསངས། སྔོ་བསངས་ལྟ་བུར་སྟོན་པ། འོད་སྔོ་བསངས་འབྱུང་བ་ཡོངས་སུ་བྱང་བར་བྱེད། རབ་ཏུ་དང་བར་བྱེད་དོ། །ཁ་ཅིག་གི་པགས་པའི་མདོག་ནི་རྩུབ་པ། ཁ་དོག་རྩུབ་པ། རྩུབ་པ་ལྟ་བུར་སྟོན་པ། འོད་རྩུབ་པོ་འབྱུང་བ་ཡོངས་སུ་བྱང་བར་བྱེད། རབ་ཏུ་དང་བར་
D6.010.0136a04.01བྱེད་དོ། །དེ་བཞིན་དུ་ཁ་ཅིག་གི་མདོག་སྣུམ་པ་དང་། དཀར་པོ། ཁ་དོག་དཀར་པོ་ཞེས་བྱ་བ་ལ་སོགས་པ་སྔ་མ་བཞིན་ནོ། །ཁ་ཅིག་གི་པགས་པའི་མདོག་ནི་རྩྭ་དཱུར་བའི་ཤུན་པའི་མདོག་ལྟ་བུ། མདོག་རྩྭ་དཱུར་བའི་ཤུན་པའི་ལྟ་བུ། མདོག་རྩ་དཱུར་བའི་ཤུན་པའི་མདོག་ལྟ་བུར་སྟོན་པ། རྩྭ་དཱུར་བའི་
D6.010.0136a05.01ཤུན་པའི་མདོག་ཡོངས་སུ་བྱང་བར་བྱེད། རབ་ཏུ་དང་བར་བྱེད་དོ། །དགའ་བོ་ཞག་བདུན་པ་སུམ་བཅུ་པ་ལ་ནི་མངལ་ན་གནས་པ་དེ་ལ་མའི་ལྟོར་ནང་ནས་རླུང་ལྕགས་ཀྱི་སྒོ་ཞེས་བྱ་བ་དག་ལྡང་སྟེ། དེ་དག་གིས་མངལ་ན་གནས་པ་དེའི་ལུས་ལ་སྐྲ་དང་སྤུ་དང་སེན་མོའི་བར་ཡོངས་སུ་བྱང་བར་བྱེད། རབ་ཏུ་དང་
D6.010.0136a06.01བར་བྱེད་ཅིང་། ཁ་ཅིག་གི་ནི་སྐྲ་དང་སྤུ་དང་སེན་མོའི་བར་གནག་པ། ཁ་དོག་གནག་པ། ཁ་ཅིག་གི་ནི་སེར་སྐྱ། ཁ་དོག་སེར་སྐྱ། རྩུབ་པ། ཁ་དོག་རྩུབ་པ། སྣུམ་པ་ཁ་དོག་སྣུམ་པ་ཡོངས་སུ་བྱང་བར་བྱེད། རབ་ཏུ་དང་བར་བྱེད་དོ། །དགའ་བོ་ཞག་བདུན་པ་སུམ་བཅུ་རྩ་གཅིག་པ་ལ་ནི་མངལ་ན་
D6.010.0136a07.01