完整藏文原文 · 德格版页 当前仅加载第 10 函德格 64b 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱ་དང་ཀུན་དོང་དང་། ཀིའུ་ཡོངས་སུ་ལོངས་སྤྱད་པར་མི་བྱ་སྟེ། ཡོངས་སུ་ལོངས་སྤྱོད་ན་འགལ་ཚབས་ཅན་དུ་འགྱུར་རོ། །ཡང་དེའི་ཚེ་ཚེ་དང་ལྡན་པ་ཤཱ་རིའི་བུ་འཁོར་དེ་ཉིད་དུ་འདུས་པར་གྱུར་ཏེ་འདུག་པ་དེས་བསམས་པ། དགེ་སློང་འདིས་དེ་རིང་བདེན་པ་དག་མ་མཐོང་ན་རེ་ཞིག་སང་མཐོང་བར་འགྱུར་
D6.010.0064b01.01རམ་བལྟའོ་སྙམ་ནས་སེམས་པ་ལ་ཞུགས་པ་དང་མ་མཐོང་ངོ་། །དེས་རབ་ཀྱི་མཐའ་བའི་བསམ་གཏན་བཞི་པ་ལ་རྣམ་པར་བལྟས་ནས་དུས་ཇི་ཙམ་ན་མཐོང་བར་འགྱུར་བ་སེམས་པ་ལ་ཞུགས་ན། འོན་ཀྱང་མ་མཐོང་སྟེ། ཚེ་དང་ལྡན་པ་ཤཱ་རིའི་བུ་ཏིང་ངེ་འཛིན་དེ་ལས་ལངས་ནས་ཚིགས་སུ་བཅད་དེ་སྨྲས་པ།
D6.010.0064b02.01དལ་བའི་མཆོག་འདི་འདིར་བོར་ནས། །འདི་ཡིས་འདི་ན་བདེན་པ་དག །ནམས་ཀྱང་ཤིན་ཏུ་མཐོང་བར་ནི། །མི་འགྱུར་བ་ཡི་གནས་དེ་ཡོད། །དེ་ནས་བཅོམ་ལྡན་འདས་ཀྱི་ཐུགས་ཀྱིས་ཚེ་དང་ལྡན་པ་ཤཱ་རིའི་བུའི་སེམས་མཁྱེན་ནས། ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་ཁྱོད་སངས་
D6.010.0064b03.01རྒྱས་ཀྱི་ཡུལ་ལ་ལག་འཇུག་པར་མ་བྱེད་ཅིག །འདི་ནི་འདི་ནས་ཉན་ཐོས་དང་རང་སངས་རྒྱས་ཀྱི་ཡེ་ཤེས་ཀྱི་ཡུལ་ལས་འདས་པའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ་སྐྱེས་བུ་
D6.010.0064b04.01འདུལ་བའི་ཁ་ལོ་སྒྱུར་བ། བླ་ན་མེད་པ་ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཐམས་ཅད་ཟིལ་གྱིས་གནོན་པ་ཞེས་བྱ་བའི་སྟོན་པ་འབྱུང་བར་འགྱུར་ཏེ། དེའི་བསྟན་པ་ལ་འདི་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་ཏེ་དགྲ་བཅོམ་པ་ཉིད་མངོན་སུམ་དུ་བྱེད་པར་འགྱུར་རོ། །དེ་སྐད་ཅེས་
D6.010.0064b05.01གསུངས་ནས། བཅོམ་ལྡན་འདས་ཀྱིས་དགོངས་པ་ཉེས་དམིགས་གང་ཅུང་ཟད་བྱུང་བ་ནི་དགེ་སློང་སྒོག་སྐྱ་ཟ་བ་ལས་གྱུར་གྱིས་དེ་ལྟ་བས་ན་དགེ་སློང་གིས་སྒོག་སྐྱ་བཟའ་བར་མི་བྱའོ། །ཟ་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་སྒོག་སྐྱ་བཟའ་བར་མི་བྱའོ་ཞེས་བཀའ་སྩལ་པ་
D6.010.0064b06.01དང་། དགེ་སློང་ཞིག་ན་བ་དེ་སྨན་པའི་དྲུང་དུ་སོང་སྟེ། ནད་མེད་ཅིག་ཅེས་བྱས་ནས་སྨྲས་པ། བཞིན་{བཟངས་,བཟང་}ཁོ་བོ་ལ་ནད་འདི་ལྟ་བུ་ཞིག་བྱུང་ན་སྨན་སྟོན་ཅིག །སྨན་པས་སྨྲས་པ། འཕགས་པ་སྒོག་སྐྱ་གསོལ་ཅིག་དང་ཁྱོད་སོས་པར་འགྱུར་རོ། །དེས་སྨྲས་པ། བཞིན་{བཟངས་,བཟང་}བཅོམ་ལྡན་འདས་ཀྱིས་
D6.010.0064b07.01