完整藏文原文 · 德格版页 当前仅加载第 10 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
རེག་བྱ་དང་། ཆོས་རྣམས་སོ། །དགའ་བོ་དེ་ཐམས་ཅད་གང་གིས་ཀུན་ཏུ་འབར། རབ་ཏུ་འབར། ཀུན་ཏུ་རབ་ཏུ་འབར་ཞིང་མེ་ལྕེ་གཅིག་ཏུ་གྱུར་པ་ཡིན་ཞེ་ན། འདོད་ཆགས་ཀྱི་མེ་དང་། ཞེ་སྡང་གི་མེ་དང་། གཏི་མུག་གི་མེས་ཀྱང་ཀུན་ཏུ་
D6.010.0149a01.01འབར་ཀུན་ཏུ་རབ་ཏུ་འབར་ཞིང་མེ་ལྕེ་གཅིག་ཏུ་གྱུར་པ་ཡིན། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་ཀྱིས་ཀྱང་ཀུན་ཏུ་འབར་སྡུག་
D6.010.0149a02.01བསྔལ་གྱིས་ཀྱང་ཀུན་ཏུ་འབར་རོ་ཞེས་བཤད་དོ། །དགའ་བོ་ལེ་ལོ་ཅན་སྡིག་པ་མི་དགེ་བའི་ཆོས་ཀུན་ནས་ཉོན་མོངས་པར་བྱེད་པ། ཡང་སྲིད་པ་པ། རྣམ་པར་སྨིན་པ་སྡུག་བསྔལ་བ་ཅན། ཚེ་ཕྱི་མ་ལ་སྐྱེ་བ་དང་། རྒ་བ་དང་། འཆི་བར་འགྱུར་བ་དག་དང་།
D6.010.0149a03.01འདྲེས་པ་ཅན་ནི་སྡུག་བསྔལ་བར་གནས་སོ། །དགའ་བོ་བརྩོན་འགྲུས་བརྩམས་པ། མཐུ་དང་ལྡན་པ། བརྩོན་འགྲུས་དང་ལྡན་པ། སྤྲོ་བ་ཅན། ཕ་རོལ་གནོན་པ་བརྟན་པ། ནེམ་ནུར་མེད་པ། དགེ་བའི་ཆོས་རྣམས་ལ་བརྩོན་པ་མ་བཏང་བ་ནི་བདེ་བར་
D6.010.0149a04.01གནས་སོ། །དགའ་བོ་དེ་ལྟ་བས་ན་འདི་ལྟར་བསླབ་པར་བྱ་སྟེ། པགས་པ་དང་། ཆུ་རྒྱུས་དང་། རུས་པ་ཙམ་ལུས་ཀྱང་རུང་། ལུས་ལས་ཤ་དང་ཁྲག་དག་སྐམས་ཀྱང་བླ་འོན་ཀྱང་ཀྱེ་མ་བརྩོན་འགྲུས་བརྩམས་པ་མཐུ་དང་ལྡན་པ། བརྩོན་འགྲུས་དང་ལྡན་
D6.010.0149a05.01པ། སྤྲོ་བ་ཅན། ཕ་རོལ་གནོན་པ། བརྟན་པ། ནེམ་ནུར་མེད་པ། དགེ་བའི་ཆོས་རྣམས་ལ་བརྩོན་པ་མ་བཏང་བས་ཐོབ་པར་བྱ་བ་གང་ཡིན་པ་དེ་མ་ཐོབ་པར་བར་སྐབས་སུ་བརྩོན་འགྲུས་དོར་བར་མི་བྱའོ་ཞེས་དགའ་བོ་ཁྱོད་ཀྱིས་དེ་ལྟར་བསླབ་པར་བྱའོ། །དགའ་
D6.010.0149a06.01བོ་ང་ནི་འཇིག་རྟེན་དང་ལྷན་ཅིག་རྩོད་པར་མི་བྱེད་དེ། འཇིག་རྟེན་ཉིད་ང་དང་ལྷན་ཅིག་རྩོད་པར་བྱེད་དོ། །དེ་ཅིའི་ཕྱིར་ཞེ་ན། ཆོས་སྨྲ་བ་ནི་སུ་ཡང་འགའ་དང་ཡང་ལྷན་ཅིག་རྩོད་པར་མི་བྱེད་དེ། ངའོ་ཞེས་རྩོད་པར་མི་བྱེད། ལྟ་བ་རྟོག་པའི་བཟོད་པས་མ་ཡིན།
D6.010.0149a07.01