完整藏文原文 · 德格版页 当前仅加载第 10 函德格 142b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དྲན་པ་མ་ཉམས་པར་འཆི་བའི་དུས་བྱེད་དེ། དེ་ནས་དེ་དྲན་པ་མ་ཉམས་པར་ཤེས་བཞིན་དུ་མའི་མངལ་དུ་འཇུག་པར་འགྱུར་རོ། །དེ་དེར་ཞུགས་ནས་ལས་བདག་གིར་བྱ་བ། ལས་ཀྱི་སྐྱེ་གནས་པ། ལས་ཀྱི་བགོ་སྐལ་ལ་སྤྱོད་པ། ལས་ལ་བརྟེན་པ། སེམས་པས་བྱས་པ། རྟེན་ཅིང་འབྲེལ་པར་འབྱུང་བ་དེ་
D6.010.0142b01.01ཕུག་རབ་ཏུ་ཚ་བ། ལས་བདག་གིར་བྱ་བ། ལས་ཀྱི་བགོ་སྐལ་ལ་སྤྱོད་པ། ལས་ལ་རྟོན་པ། སེམས་པས་བྱས་པ། རྟེན་ཅིང་འབྲེལ་པར་འབྱུང་བ། བདུད་ལ་རག་ལས་པ། བདུད་ཀྱི་སྣོད་བདུད་ཀྱི་ཁྱིམ། མི་གཙང་བ་ཐམས་ཅད་ཀྱི་གཏེར། མི་བརྟན་པ། སླུ་བའི་ཆོས་ཅན་བྱིས་པ་འདྲིད་པ། རུས་པའི་
D6.010.0142b02.01འཁྲུལ་འཁོར་རྩའི་བྲེང་ཆགས་པ་ཅན། ཆུ་རྒྱུས་ཀྱི་དྲ་བས་ཆེ་ལོང་སྦྲེལ་བ། ཤ་དང་། ཁྲག་དང་། ཚིལ་གྱིས་དཀྲིས་པ། པགས་པ་ཙམ་གྱིས་གཡོགས་པ། སླ་ཚའི་ཚོགས་བཅེར་བ་སྐྲ་དང་སེན་མོ་དང་། སོ་དང་། སྤུ་སྐྱེ་བར་འགྱུར་བར་མངོན་པ་ཅན་ངའོ་སྙམ་པའི་ང་རྒྱལ་ངར་འཛིན་པ་དང་། ང་ཡིར་འཛིན་
D6.010.0142b03.01པ། གསལ་བས་མངོན་པར་ཞེན་པ། རང་དབང་མེད་པ། སྣབས་རུལ་པའི་རླན་སུངས་ཤིང་མྱགས་པ་དང་། ཚིལ་དང་། ཆུ་སེར་དང་། རྔུལ་གྱི་དྲི་མ་དང་། ཁ་ཆུ་དང་། མཁྲིས་པ་དང་། བད་ཀན་དང་། གློ་བ་དང་། རྒྱུ་མ་དང་། གཉེ་མ་དང་། མཆེར་པ་དང་། ལྒང་པ་དང་། མི་གཙང་བ་རྣམ་པ་མང་པོས་ཡོངས་སུ་གང་
D6.010.0142b04.01བ། སྲིན་བུའི་རིགས་སྟོང་ཕྲག་མང་པོའི་གནས་ཤིན་ཏུ་དྲི་ང་བའི་སྒོ་གཉིས་དང་ལྡན་པ། རུས་པའི་བུ་ག་དང་། ཁུང་བུ་ཕུག་དུ་མ་དང་ལྡན་པ། གཅིན་དང་། ཀླད་པ་དང་། ཀླད་རྒྱས་དང་། རྐང་གི་ཚོགས་ཀྱི་ལྗན་ལྗིན་ཅན་དུ་ཕོ་བའི་འོག་ལོང་ཀའི་སྟེང་ན་ཁ་ནི་སྒལ་ཚིགས་ལ་བལྟས། རྒྱབ་ནི་ལྟོ་བའི་པགས་
D6.010.0142b05.01པ་ལ་བསྟན་ཏེ། ཟླ་བ་རེ་རེ་ཞིང་ཟླ་མཚན་འབྱུང་བས་ནི་བརྟ་མའི་ཟས་ཀྱི་རྣམ་པ་སོའི་ཕྲེང་བ་གཉིས་ཀྱིས་ཞིབ་མོར་བྱས་ཤིང་མིད་པར་མིད་པ། འོག་ནས་ཁའི་རྨའི་དྲི་མ་དང་ཁ་ཆུས་བརླན་པ་སྟེང་ནས་ཀླད་རྒྱས་ཀྱིས་སྦགས་པ། སྐྱུགས་པ་དང་འདྲ་བའི་ཟས་ཀྱི་རོ་ཁོང་ན་ལྟེ་བའི་བུ་གནས་འཇུག་པས་ནི་སྐྱེད་ཅིང་། ནུར་
D6.010.0142b06.01ནུར་པོ་དང་མེར་མེར་པོ་དང་། ནར་ནར་པོ་དང་། གོར་གོར་པོ་དང་། རྐང་ལག་འགྱུས་པའི་ངོ་བོར་ཡོངས་སུ་འགྱུར་བར་འགྱུར་ཞིང་། ལག་པ་དང་། རྐང་པ་དང་། འགྲམ་པ་ནི་ཤ་མའི་སྣོད་ཀྱིས་དཀྲིས། སྣམ་ཕྱིས་བཞིན་དུ་དྲི་ང་བ་མནམ་པ་མི་བཟད་པ། མུན་གནག་འགྲེང་བར་ནི་ཡན་མན་རྒྱུ། ཟས་ཀྱི་རོ་ཁ་བ་དང་།
D6.010.0142b07.01