完整藏文原文 · 德格版页 当前仅加载第 10 函德格 18a 版页；藏文 NFD、目录标记与异常页序保留在来源切片中，重复版页行以稳定序号区分。
ཆགས་བརྒྱ་སྟོང་དག་གིས་མཐོང་ནས་མཆོག་ཏུ་ངོ་མཚར་ཆེན་པོ་སྐྱེས་པར་གྱུར་པ་དང་གཅེར་བུ་པ་དག་གི་རྒྱགས་པ་དང་། ང་རྒྱལ་དང་། ཁེངས་པ་དག་ཉམས་སོ། །དེ་ནས་བཅོམ་ལྡན་འདས་ཀྱིས་ཁྱིམ་བདག་ཤིན་ཏུ་བཟང་པོ་ལ་བཀའ་སྩལ་པ། ཁྱིམ་
D6.010.0018a01.01བདག་གཞོན་ནུ་ལོང་ཤིག །དེས་གཅེར་བུ་པའི་གདོང་དུ་བལྟས་པ་དང་། དེས་སྨྲས་པ། ཁྱིམ་བདག་མེ་ཕུང་རབ་ཏུ་འབར་བའི་ནང་དུ་ཞུགས་ན་ཐམས་ཅད་ཀྱི་ཐམས་ཅད་དུ་ཚིག་པར་མི་འགྱུར་རམ། དེ་སྐད་སྨྲས་པས་དེས་མ་བླངས་སོ། །དེ་ནས་བཅོམ་ལྡན་འདས་ཀྱིས་
D6.010.0018a02.01འཚོ་བྱེད་གཞོན་ནུས་གསོས་ལ་བཀའ་སྩལ་པ། འཚོ་བྱེད་གཞོན་ནུ་ལོང་ཤིག །དེས་བསམས་པ། བཅོམ་ལྡན་འདས་ཀྱིས་གནས་མ་ཡིན་སྐབས་མ་ཡིན་པར་བདག་མི་བསྐོས་ཀྱིས་བླང་ངོ་སྙམ་ནས་དེ་ཐེ་ཚོམ་མེད་པར་མེ་ཕུང་གི་ནང་དུ་ཞུགས་ཏེ་བླངས་སོ། །རྒྱལ་བའི་
D6.010.0018a03.01བཀའ་ཡིས་མེ་ཡི་ཕུང་པོར་ཞུགས་གྱུར་ཏེ། །དེ་ཡིས་གཞོན་ནུ་མེ་ཡི་ནང་ནས་བླངས་པ་ན། །རྒྱལ་བའི་མཐུ་ཡིས་མེ་ནི་ཞི་བ་ཉིད་གྱུར་ཅིང་། །ཁ་བའི་ཚོགས་ལྟར་བསིལ་བའང་སྐད་ཅིག་དེ་ལ་བྱུང་། །དེ་ནས་བཅོམ་ལྡན་འདས་ཀྱིས་འཚོ་བྱེད་གཞོན་ནུ་ལ་བཀའ་སྩལ་པ། འཚོ་
D6.010.0018a04.01བྱེད་ཁྱོད་ཉམས་པའམ། གནོད་པ་དག་ཏུ་མ་གྱུར་ཏམ། དེས་གསོལ་པ། བཙུན་པ་བདག་རྒྱལ་པོའི་ཕོ་བྲང་དུ་བཙས་ཞིང་རྒྱལ་པོའི་ཕོ་བྲང་དུ་སྐྱེས་པར་གྱུར་ཀྱང་འདི་ལྟར་བཅོམ་ལྡན་འདས་ཀྱི་བྱིན་གྱི་རླབས་ཀྱིས་ཞུགས་ཀྱི་ཕུང་པོ་ཙན་དན་ས་མཆོག་ལྟ་བུར་བསིལ་བར་གྱུར་པ་
D6.010.0018a05.01འདི་ལྟ་བུ་ནི་སྔོན་ཆད་མ་མྱོང་ལགས་སོ། །དེའི་ཚེ་བཅོམ་ལྡན་འདས་ཀྱིས་ཁྱིམ་བདག་ཤིན་ཏུ་བཟང་པོ་ལ་བཀའ་སྩལ་པ། ཁྱིམ་བདག་གཞོན་ནུ་འདི་ལོང་ཤིག །དེ་ལོག་པར་བལྟ་བ་ལ་ཕྱོགས་པས་རེ་ཞིག་ལེན་པར་མི་བྱེད་ཅིང་། གཅེར་བུ་པ་དེ་ཉིད་ཀྱི་གདོང་དུ་ལྟ་བར་
D6.010.0018a06.01བྱེད་དོ། །དེས་སྨྲས་པ། ཁྱིམ་བདག་མང་དུ་སྨྲ་ཅི་དགོས། མེས་ནི་ཐམས་ཅད་འཚིག་པ་ཡིན་ན། གཞོན་ནུ་ཤིན་ཏུ་སྐལ་བ་ཆུང་བ་འདི་མ་ཚིག་པ་ལས་ན། འདི་ཁྱོད་ཀྱི་ཁྱིམ་དུ་ཁྱེར་ན་ཁྱོད་ཀྱི་ཁྱིམ་ཡང་ཚིག་ཅིང་ཁྱོད་ཀྱི་སྲོག་གི་བར་ཆད་དུ་ཡང་འགྱུར་བར་ངེས་སོ། །དེས་
D6.010.0018a07.01