完整藏文原文 · 德格版页 当前仅加载第 10 函德格 31a 版页；藏文 NFD、目录标记与异常页序保留在来源切片中，重复版页行以稳定序号区分。
བཏབ་པ་དེའི་ལས་ཀྱི་རྣམ་པར་སྨིན་པས་ནི་ཕྱུག་ཅིང་ནོར་མང་ལ་ལོངས་སྤྱོད་ཆེ་བའི་རིགས་སུ་སྐྱེས་ཏེ། ལྷ་དང་མིའི་དཔལ་ཡང་མྱོང་བར་གྱུར་ཅིང་། ངའི་བསྟན་པ་ལ་ཡང་རབ་ཏུ་བྱུང་སྟེ། ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་ཤིང་། ཡང་
D6.010.0031a01.01དག་པར་རྫོགས་པའི་སངས་རྒྱས་རྣམ་པར་གཟིགས་དང་ཤུགས་མཉམ་པ་དང་། སྟོབས་མཉམ་པ་དང་། བརྩོན་འགྲུས་མཉམ་པས་ཀུན་དུ་མཉམ་པར་གྱུར་པའི་སྟོན་པ་ང་མཉེས་པར་བྱས་ཤིང་མི་མཉེས་པར་མ་བྱས་སོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་
D6.010.0031a02.01པར་སྨིན་པ་ནི་གཅིག་ཏུ་གནག་པ་ཡིན་ལ། ལས་གཅིག་ཏུ་དཀར་བ་རྣམས་ཀྱི་ནི་རྣམ་པར་སྨིན་པ་ཡང་དཀར་བ་ཡིན་ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང་འདྲེན་མ་རྣམས་སྤངས་ཏེ། ལས་གཅིག་ཏུ་དཀར་
D6.010.0031a03.01བ་རྣམས་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །དེ་སྐད་ཅེས་བཀའ་སྩལ་ནས། དགེ་སློང་རྣམས་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།སྡོམ་ལ། ལྷུང་བཟེད་གླན་དང་སྤྱད་རྣམས་དང་། །གྲིའུ་དང་ཁབ་དང་ཁབ་རལ་དང་། །
D6.010.0031a04.01གཏན་པ་དང་ནི་མང་པོ་དག །དྲང་སྲོང་ཆེན་པོས་རྗེས་སུ་གནང་། །གླེང་གཞི་ནི་མཉན་ཡོད་ནའོ། །མཉན་ཡོད་ན་དགེ་སློང་གཅིག་ཅིག་གི་ལྷུང་བཟེད་རྡོལ་ནས་དེས་དེ་མགར་བའི་གན་དུ་ཁྱེར་ཏེ་སོང་ནས་སྨྲས་པ། བཞིན་{བཟངས་,བཟང་}ཁོ་བོའི་ལྷུང་བཟེད་རྡོལ་བ་འདི་གློན་ལ་བྱིན་ཅིག །དེས་བསམས་
D6.010.0031a05.01པ། འདི་དག་ནི་ཁས་ལས་བྱེད་དུ་འཇུག་པ་ཡིན་གྱི། གླ་རྔན་ནི་མི་སྟེར་བས་ཅི་ནས་ཀྱང་ཡུན་རིང་དུ་བསྒྱངས་ཏེ་བཞག་ན་འདི་རང་གི་བློས་ཕྱིར་ལེན་པར་འགྱུར་སྙམ་ནས་སྨྲས་པ། འཕགས་པ་བཞུད་ལ་སང་ངམ་གནངས་སྤྱོན་ཅིག །སྔ་དྲོ་འམ། གུང་ཚིགས་སམ། ཕྱི་དྲོ་སྤྱོན་ཅིག་ཅེས་བསྒྱང་
D6.010.0031a06.01བར་བརྩམས་སོ། །དགེ་སློང་དེ་ཉིན་གཅིག་བཞིན་དེར་འགྲོ་བ་ན་སྐྱོ་བ་སྐྱེས་པ་དང་། དེའི་མཛའ་བོ་ཞིག་གིས་མཐོང་ནས་ཚེ་དང་ལྡན་པ་ཁྱོད་ཉིན་གཅིག་བཞིན་དེར་འགྲོ་ན། ཅི་དེ་ཁྱོད་ཀྱི་ཉེ་དུའི་ཁྱིམ་མམ་སྦྱིན་བདག་གི་ཁྱིམ་ཡིན། དེས་སྨྲས་པ། ཚེ་དང་ལྡན་པ་འདི་ཁོ་བོའི་ཉེ་དུའི་ཁྱིམ་ཡང་
D6.010.0031a07.01