完整藏文原文 · 德格版页 当前仅加载第 10 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་པར་བྱའོ། །གལ་ཏེ་མཐོང་བའི་ལམ་ན་མི་འདུག་ན་དེ་ལྟ་ན་ལེགས། ཇི་སྟེ་འདུག་ན་དབྱུག་གུ་སྐམ་ཁས་དལ་གྱིས་བླངས་ཏེ་བུམ་པའམ་རྫ་མར་བཅུག་ལ་དེ་ལ་བུ་ག་བཏོད་དེ་ཁ་བཅད་ནས་དབྱུང་བར་བྱའོ། །གལ་ཏེ་དབྱུག་གུ་སྐམ་ཁ་མེད་ན་ཤུར་བུའམ། ལྕགས་པོད་
D6.010.0189b01.01དམ། རྒྱ་ཅང་གིས་སྐེ་ནས་བཏགས་ཏེ་དབྱུང་བར་བྱའོ། །ཇི་སྟེ་ཤུར་བུའམ། ལྕགས་པོད་དམ། རྒྱ་ཅང་མེད་ན་གདང་ཐག་གི་རྙིའམ། གྲེས་ཐག་གི་རྙི་ལ་རས་མས་དཀྲིས་ནས་དེས་གདགས་པར་བྱ་ཞིང་དེ་ནས་བུམ་པར་བཅུག་སྟེ་དབྱུང་བར་བྱའོ། །དགེ་སློང་དག་གིས་
D6.010.0189b02.01དེ་དེ་བཞིན་དུ་ཕྱུང་ནས་ནགས་ཀྱི་ནང་དུ་བོར་བ་དང་། དེ་ཁྲོས་པའི་མེས་ནགས་བསྲེགས་ཏེ་དེ་ཡང་དེ་ཉིད་དུ་ཚིག་པ་དང་། བཅོམ་ལྡན་འདས་ཀྱིས་བཀའ་སྩལ་པ། ནགས་ཀྱི་ནང་དུ་དོར་བར་མི་བྱའོ། །དགེ་སློང་དག་གིས་སྣང་བའི་གནས་སུ་བོར་བ་དང་། སྐད་ཅིག་ཀྱང་མ་ཐོགས་
D6.010.0189b03.01པར་སྲོག་ཆགས་འོལ་བས་ཁྱེར་ནས། བཅོམ་ལྡན་འདས་ཀྱིས་བཀའ་སྩལ་པ། དེའི་མོད་ཁོ་ན་ལ་ལྡོག་པར་མི་བྱའི་འོན་ཀྱང་སྣང་བའི་གནས་སུ་བཞག་ནས་ཇི་སྲིད་གནས་སུ་མ་ཞུགས་པ་དེ་སྲིད་དུ་བསྡད་པར་བྱའོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་ཀ་
D6.010.0189b04.01ལན་ད་ཀ་གནས་པ་ན་བཞུགས་སོ། །རྒྱལ་པོའི་ཁབ་ན་ཁྱིམ་བདག་ཅིག་འདུག་པ་རྡོའི་ལས་ལ་མཁས་པ་ཞིག་སྟེ། རྡོ་ཕྲུ་དག་བྱས་ཤིང་བྱས་ཤིང་འཚོང་ངོ་། །དུས་གཞན་ཞིག་ན་དེ་ལ་རྙེད་པ་མང་དུ་གྲུབ་ནས་དེས་བསམས་པ། གང་གིས་ན་བསོད་ནམས་སུ་ཡང་འགྱུར་ལ་རྙེད་པ་
D6.010.0189b05.01ཡང་མང་དུ་འགྲུབ་པར་འགྱུར་བའི་ཐབས་དེ་གང་ཞིག་ཡིན་སྙམ་པ་དང་། དེ་དད་པ་ཅན་ཞིག་པས་དེ་འདི་སྙམ་དུ་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་དུ་སྤྱན་དྲངས་ལ། རྡོ་ཕྲུ་དག་ནས་བཤོས་གསོལ་ན་བདག་གི་བསོད་ནམས་སུ་ཡང་འགྱུར་ལ། རྙེད་པ་ཡང་མང་དུ་
D6.010.0189b06.01འགྱུར་རོ་སྙམ་དུ་བསམས་སོ། །དེ་བཅོམ་ལྡན་འདས་ག་ལ་བ་དེར་སོང་སྟེ་ཞེས་བྱ་བ་ནས། དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །ཞེས་བྱ་བའི་བར་སྔ་མ་བཞིན་ནོ། །དེ་ནས་ཁྱིམ་བདག་དེས་སངས་རྒྱས་ལ་སོགས་པ་དགེ་སློང་གི་དགེ་འདུན་
D6.010.0189b07.01