完整藏文原文 · 德格版页 当前仅加载第 10 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་ལུས་བརྒྱན་ཏེ་ཉི་མ་མ་ནུབ་པ་ཁོ་ནར་དེས་ཁྱིམ་མི་དག་མ་བརྟགས་པར་ཁྱོ་དང་ལྷན་ཅིག་གསང་བ་སྤྱོད་དོ། །དེ་ནས་མནའ་མ་དེས་ཁྱོ་དེ་ཁྲིད་ནས་ཅི་ནས་ཀྱང་ཕྱོགས་དེར་སོན་པ་དེ་ལྟར་བྱས་པ་དང་། ཇི་ཙམ་ན་ཕ་དང་མ་གཉིས་གསང་བ་སྤྱོད་པ་མཐོང་ནས། དེས་བསམས་པ།
D6.010.0243b01.01འདུག་ཅན་འདི། བདག་ལ་ནི་ཁྱོད་བུད་མེད་ལ་ཤིན་ཏུ་ཆགས་སོ། །ཞེས་གཤེ་བར་བྱེད་ན་འདི་ད་རུང་ཡང་ཞི་བ་མེད་དེ། ཁྱིམ་མི་དག་ལ་ཡང་མི་རྟོག་པར་ཉི་མ་མ་ནུབ་པ་ཉིད་དུ་གསང་བ་སྤྱོད་དོ། །སྙམ་དུ་བསམས་ནས་ཁྲོས་ཏེ། གང་ཞིག་འདི་གཉིས་ཀྱི་ཡན་ལག་དང་ཉིང་
D6.010.0243b02.01ལག་འདམ་བུ་བཞིན་བཅོམ་པ་དེ་འགའ་མེད་དམ་ཞེས་ངག་གི་ལས་རྩུབ་མོ་སྨྲས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ན་བྲམ་ཟེའི་ཁྱེའུར་གྱུར་པ་གང་ཡིན་པ་དེ་ནི། དགེ་སློང་མཽད་གལ་གྱི་བུ་འདི་ཉིད་ཡིན་ཏེ། གང་
D6.010.0243b03.01འདིས་སེམས་འཁྲུགས་ཏེ། ཕ་དང་མ་ལ་ངག་གི་ལས་རྩུབ་མོ་སྨྲས་པ་དེའི་ལས་ཀྱི་རྣམ་པར་སྨིན་པས་ཚེ་རབས་ལྔ་བརྒྱར་འདིའི་ཡན་ལག་དང་ཉིང་ལག་འདམ་བུ་བཞིན་དུ་བཅོམ་སྟེ། ད་ལྟར་སྲིད་པ་ཐ་མ། གནས་ཐ་མ། ལུས་ཐ་མ། བདག་ཉིད་ཐ་མ་ཐོབ་སྟེ། རྫུ་འཕྲུལ་ཅན་གྱི་ནང་
D6.010.0243b04.01ན་མཆོག་ཏུ་བསྟན་པའི་བར་དུ་ཡང་ཡན་ལག་དང་ཉིང་ལག་འདམ་བུ་བཞིན་དུ་བཅོམ་པར་གྱུར་ཏོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་གནག །གཅིག་ཏུ་དཀར་བ་རྣམས་ཀྱི་ཡང་གཅིག་དུ་དཀར། འདྲེན་མ་རྣམས་
D6.010.0243b05.01ཀྱི་ཡང་འདྲེན་མའོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་དང་། འདྲེན་མ་རྣམས་སྤངས་ནས། ལས་གཅིག་ཏུ་དཀར་བ་དག་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་།
D6.010.0243b06.01དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །ཡང་སངས་རྒྱས་བཅོམ་ལྡན་འདས་ལ་དགེ་སློང་རྣམས་ཀྱིས་ཞུས་པ། བཙུན་པ་ཀུན་ཏུ་རྒྱུ་དབྱུག་ཐོགས་སྤྱི་ཕུད་ཅན་རྣམས་ཀྱིས་ཚེ་དང་ལྡན་པ་ཤཱ་རིའི་བུ་ནི་བཏང་། ཚེ་དང་ལྡན་པ་མཽད་གལ་གྱི་
D6.010.0243b07.01