完整藏文原文 · 德格版页 当前仅加载第 10 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་བཅུར་གྲགས་པས་ཁྱབ་པ། བརྒྱ་ཕྲག་བཅུ་ལ་མངའ་སྒྱུར་བས་ཁྱད་པར་དུ་འཕགས་པ་རྣམས་ནི་ཆོས་ཉིད་ཀྱིས་ཉིན་ལན་གསུམ་མཚན་ལན་གསུམ་དུ་སངས་རྒྱས་ཀྱི་སྤྱན་གྱིས་འཇིག་རྟེན་ལ་གཟིགས་ཤིང་སུ་ནི་རྒུད། སུ་ནི་དར། སུ་ནི་ཕོངས་པར་གྱུར། སུ་ནི་ཉམ་ང་བར་
D6.010.0284b01.01འགྱུར། སུ་ནི་གནོད་པར་གྱུར། སུ་ནི་ཕོངས་པ་དང་ཉམ་ང་བ་དང་གནོད་པར་གྱུར། སུ་ནི་ངན་སོང་ལ་གཞོལ། སུ་ནི་ངན་སོང་ལ་འབབ། སུ་ནི་ངན་སོང་ལ་བབ། སུ་ནི་ངན་སོང་ནས་དྲངས་ཏེ་མཐོ་རིས་དང་ཐར་པ་ལ་གཞག །སུའི་དགེ་བའི་རྩ་བ་མ་སྐྱེད་པ་དག་ནི་བསྐྱེད་པར་
D6.010.0284b02.01བྱ། སུའི་བསྐྱེད་པ་དག་ནི་ཡོངས་སུ་སྨིན་པར་བྱ། སུའི་སྨིན་པ་ནི་རྣམ་པར་གྲོལ་བར་བྱ། སུ་ནི་འདོད་པའི་འདམ་དུ་བྱིང་བ་ལས་ལག་ནས་དྲང་བར་བྱ། སུ་ནི་འཕགས་པའི་ནོར་དང་བྲལ་བ་ལས་འཕགས་པའི་ནོར་གྱི་དབང་ཕྱུག་ལ་དབང་བྱེད་པར་གཞག །སུ་ནི་
D6.010.0284b03.01སངས་རྒྱས་འབྱུང་བས་བརྒྱན་པའི་འཇིག་རྟེན་འབྲས་བུ་དང་བཅས་པར་བྱའོ་ཞེས་ཡེ་ཤེས་གཟིགས་པ་འཇུག་གོ། །སྨྲས་པ། རྒྱ་མཚོ་ཆུ་སྲིན་རྣམས་ཀྱི་གནས། །དུས་རླབས་ཡོལ་བར་འགྱུར་སྲིད་ཀྱི། །གདུལ་བར་བྱ་བའི་སྲས་རྣམས་ལ། །སངས་རྒྱས་དུས་
D6.010.0284b04.01ལས་ཡོལ་བ་མེད། །ཇི་ལྟར་མ་ནི་བུ་གཅིག་སྡུག་པ་ལ། །ལྟ་བར་བྱེད་ཅིང་དེ་ཡི་སྲོག་བསྲུང་ལྟར། །དེ་བཞིན་གདུལ་བའི་སྐྱེ་བོ་རྣམས་ལ་ནི། །དེ་བཞིན་གཤེགས་པ་གཟིགས་ཤིང་དེའི་རྒྱུད་སྲུང་། །ཐམས་ཅད་མཁྱེན་པའི་རྒྱུད་ལ་གནས་པ་ཡི། །ཐུགས་
D6.010.0284b05.01རྗེའི་བ་དྲུས་སྲིད་པ་བགྲོད་དཀའ་བར། །འཁྱམས་པར་གདུལ་བར་བྱ་བའི་སྲས་དག་ནི། །བ་གཤིན་བེའུ་སྟོར་བཞིན་དུ་སྐྱོ་མེད་ཚོལ། །བཅོམ་ལྡན་འདས་ཀྱིས་དགོངས་པ། རྒྱལ་པོ་གཏུམ་པོ་རབ་སྣང་བཙུན་མོའི་འཁོར་དང་། གཞོན་ནུ་དང་། བློན་པོ་དང་། འཕགས་རྒྱལ་
D6.010.0284b06.01ན་གནས་པའི་སྐྱེ་བོའི་ཚོགས་དང་བཅས་པ་གང་གིས་གདུལ་བར་བྱ་བ་ཡིན་སྙམ་ན་དགེ་སློང་ཀ་ཏྱའི་བུ་ཆེན་པོ་ཡིན་པར་གཟིགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀ་ཏྱའི་བུ་ཆེན་པོ་ལ་བཀའ་སྩལ་པ། ཀ་ཏྱའི་བུ་འཕགས་རྒྱལ་གྱི་རྒྱལ་པོ་གཏུམ་པོ་རབ་སྣང་བཙུན་
D6.010.0284b07.01