完整藏文原文 · 德格版页 当前仅加载第 10 函德格 176a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེད་ཅིང་དཀྱིལ་འཁོར་བྱེད་དེ་དེས་ན་ཕྱོགས་དེར་འགྲོར་མི་རུང་ངོ་སྙམ་ནས་དགེ་སློང་དག་མི་འགྲོ་བ་དང་། བཅོམ་ལྡན་འདས་ཀྱིས་བཀའ་སྩལ་པ། གཙུག་ལག་གི་ཚིགས་སུ་བཅད་པ་གདོན་ཞིང་འགྲོ་བར་བྱ་སྟེ། དེ་ལ་འགྱོད་པར་མི་བྱའོ། །དྲི་གཙང་ཁང་གི་གྲིབ་མ་
D6.010.0176a01.01དང་། སྐུ་གཟུགས་དང་། མཆོད་རྟེན་གྱི་སྲོག་ཤིང་གི་གྲིབ་མ་དག་བྱུང་བ་དང་། དེ་དག་ལ་ཡང་དགེ་སློང་རྣམས་འགྱོད་ཅིང་མ་བགོམས་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གྲིབ་མ་ནི་མི་བརྟན་པ་ཡིན་པས་དེ་ལ་ཡང་གཙུག་ལག་གི་ཚིགས་སུ་བཅད་
D6.010.0176a02.01པ་གདོན་ཅིང་བགོམ་པར་བྱ་སྟེ། འདི་ལ་འགྱོད་པར་མི་བྱའོ། །གེ་རའི་རྒྱལ་པོས་ཀོ་ས་ལའི་རྒྱལ་པོ་གསལ་རྒྱལ་ལ་གེ་རའི་ཁྱེའུ་བྲན་བུ་དང་། སྐྱོང་བ་ཞེས་བྱ་བ་གཉིས་སྐྱེས་སུ་བསྐུར་ཏེ། དེ་གཉིས་ལས་བྲན་བུ་ནི་བཟའ་བ་དང་བཏུང་བའི་ཆོ་ག་ལ་མཁས། སྐྱོང་བ་ནི་གནས་
D6.010.0176a03.01མལ་གྱི་ཆོ་ག་ལ་མཁས་སོ། །མཐའ་འཁོབ་ན་གནས་པ་རྣམས་ནི་ཕལ་ཆེར་བརྐམ་ཆགས་ཅན་གྱི་རང་བཞིན་ཅན་ཡིན་པས་གང་གི་ཚེ་སྲང་དུ་འགྲོ་བ་དེའི་ཚེ་ཡུལ་མི་ལས་ཉ་དང་། ཤ་དང་། སྣུམ་ཁུར་དག་ཕྲོགས་ཤིང་ཟ་ནས་དེ་རྣམས་ཀྱིས་དེ་དག་ལ་བརྒྱབ་པ་དང་། དེ་གཉིས་ཀྱིས་
D6.010.0176a04.01རྒྱལ་པོ་ལ་སྨྲས་པ། ལྷ་དེང་བདག་ཅག་སྲང་དུ་མཆིས་ནས་དེར་བདག་ཅག་གིས་ཉ་ལས་ཅུང་ཟད་ཅིག་སུག་ཉ་བགྱིས་ན་དེ་རྣམས་ཀྱིས་བདག་ཅག་བཙོགས་ཏེ་ཐ་མ་མ་གུམ་ཙམ་དུ་བགྱིས་སོ། །རྒྱལ་པོ་གསལ་རྒྱལ་གྱིས་དྲིལ་བསྒྲགས་ནས་སུས་ཀྱང་བྲན་བུ་དང་། སྐྱོང་བ་དག་བརྡེག་
D6.010.0176a05.01པར་མི་བྱའི་འོན་ཀྱང་བདག་ཉིད་ཀྱི་རྫས་བསྲུང་བར་བྱའོ་ཞེས་བསྒོ་ནས་གང་གི་ཚེ་དེ་གཉིས་སྲང་དུ་འགྲོ་བ་དེའི་ཚེ་སྐྱེ་བོའི་ཚོགས་ཀྱིས་དེ་གཉིས་མཐོང་ནས་བདག་ཉིད་ཀྱི་རྫས་སྦེད་པར་བྱེད་དོ། །ཇི་ཙམ་དུས་གཞན་ཞིག་ན་རྒྱལ་པོ་ལས་བྱེད་པ་ལས་ངལ་ཏེ་མལ་དུ་འཕྲེས་པ་དང་། བྲན་
D6.010.0176a06.01བུ་དང་སྐྱོང་བ་དག་དེའི་རྐང་པ་མཉེད་ཅིང་དྲུང་ན་འཁོད་པས་རྒྱལ་པོ་བསྒུལ་ནས་བྲན་བུས་སྐྱོང་བ་ལ་སྨྲས་པ། སྐྱོང་བ་ལྷ་མནལ་ལོག་གམ། དེས་སྨྲས་པ། མནལ་ལོག་གོ། །རྒྱལ་པོས་ཐོས་ནས་བསམས་པ་གདོན་མི་ཟ་བར་འདི་གཉིས་གསང་གཏམ་ཅུང་ཟད་ཅིག་བྱེད་འདོད་
D6.010.0176a07.01