完整藏文原文 · 德格版页 当前仅加载第 10 函德格 27b 版页；藏文 NFD、目录标记与异常页序保留在来源切片中，重复版页行以稳定序号区分。
བཀའ་སྩལ་པ། རྒྱལ་པོ་ཆེན་པོ་གལ་ཏེ་ཁྱིམ་བདག་ཉེས་མེད་འདྲང་ན་ངས་དེ་བཞིན་གནང་བར་བྱའོ། །རྒྱལ་པོ་གཉེན་ལྡན་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱི་ཞབས་གཉིས་ལ་མགོ་བོས་ཕྱག་འཚལ་ནས་སྟན་ལས་ལངས་ཏེ་རང་གི་གནས་ག་ལ་བ་དེར་སོང་སྟེ་ཕྱིན་ནས། རྒྱལ་
D6.010.0027b01.01པོ་གཉེན་ལྡན་གྱིས་ཁྱིམ་བདག་ཉེས་མེད་ཕོ་ཉས་བཀུག་ནས་སྨྲས་པ། ཁྱིམ་བདག་ཤེས་པར་བྱོས་ཤིག །ཡང་དག་པར་རྫོགས་པའི་སངས་རྒྱས་རྣམ་པར་གཟིགས་དང་པོ་ནས་ངས་གདུགས་ཚོད་གསོལ་བར་དེའི་འོག་ཏུ་ཁྱོད་ཀྱིས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་
D6.010.0027b02.01གདུགས་ཚོད་གསོལ་ན་ཁྱོད་ལ་གནོད་པ་མེད་དམ། དེས་སྨྲས་པ། ལྷ་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་དང་པོ་ཁོ་ནར་བདག་གིས་སྤྱན་དྲངས་ལགས་པས་བདག་གིས་གདུགས་ཚོད་གསོལ་བར་འཚལ་ལོ། །རྒྱལ་པོས་སྨྲས་པ། ཁྱིམ་བདག་གལ་ཏེ་དེ་ལྟ་
D6.010.0027b03.01མོད་ཀྱི། འོན་ཀྱང་ཁྱོད་ངའི་ཡུལ་ན་གནས་པས་དང་པོ་ཁོ་ནར་ངས་གདུགས་ཚོད་གསོལ་བར་འོས་སོ། །ལྷ་འདི་ལྟར་བདག་ཁྱོད་ཀྱི་ཡུལ་ན་མཆིས་མོད་ཀྱི། འོན་ཀྱང་གང་གིས་སྔར་སྤྱན་དྲངས་པ་དེ་ཉིད་ཀྱིས་གདུགས་ཚོད་གསོལ་བ་འདི་ལ་ལྷས་གནོད་པར་བགྱི་བ་མི་རིགས་སོ། །
D6.010.0027b04.01ཁྱིམ་བདག་ཁྱོད་འདོད་རྒྱལ་དུ་མི་གཏང་གིས་གདུགས་ཚོད་གང་བཟང་བས་སྤྱན་དྲང་བར་བྱ་སྟེ། གང་གི་གདུགས་ཚོད་བཟང་བས་སྔར་གསོལ་བར་བྱ་ཞིང་། གང་གིས་མ་ཐུབ་པ་དེས་ཕྱིས་གདུགས་ཚོད་གསོལ་བར་བྱའོ། །ཁྱིམ་བདག་ཉེས་མེད་ཀྱིས་དེ་བཞིན་བགྱིའོ་ཞེས་མཉན་ནས།
D6.010.0027b05.01དེ་ཉིད་ཀྱི་ནུབ་མོ་ཁྱིམ་བདག་ཉེས་མེད་ཀྱིས་བཟའ་བ་དང་བཅའ་བ་གཙང་ཞིང་བསོད་པ་དག་སྦྱར་ཏེ། ནང་པར་སྔར་ལངས་ནས་གདན་ཐབས་མང་པོ་བཤམས་ཤིང་ཆུ་ར་དག་ཉེ་བར་བཞག་ནས། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་གདུགས་ཚོད་ཀྱི་དུས་སུ་སྤྱན་འདྲེན་
D6.010.0027b06.01གྱིས་བཅོམ་ལྡན་འདས་གདུགས་ཚོད་གཡར་དགོངས་འཚལ་ལགས་ཏེ། བཙུན་པས་ད་དེའི་དུས་ལ་བབ་པར་དགོངས་སུ་གསོལ་ཞེས་གསོལ་པ་དང་། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་སྔ་དྲོ་ཤམ་ཐབས་གསོལ། ལྷུང་བཟེད་དང་ཆོས་གོས་བསྣམས་ཏེ། དགེ་
D6.010.0027b07.01