完整藏文原文 · 德格版页 当前仅加载第 10 函德格 222b 版页；藏文 NFD、目录标记与异常页序保留在来源切片中，重复版页行以稳定序号区分。
དག་དབྲོག་པར་མི་ནུས་སམ་ཅི། མ་བྱིན་པར་ལེན་པ་འགའ་ཞིག་གིས་འདི་དག་བརྐུས་པ་ལས་ཁོ་བོ་ཅག་གིས་ཉལ་ཉིལ་བསྡུས་པར་ཟད་དོ། །དེས་སྨྲས་པ། གལ་ཏེ་དེ་ལྟ་ན་ཡང་འདི་ལྟར་ཁྱེད་རབ་ཏུ་བྱུང་བ་ཡིན་པས་འདི་ནི་འཚམ་པ་མ་ཡིན་ནོ། །དེ་དག་ཅང་མི་ཟེར་བར་
D6.010.0222b01.01འདུག་ནས་སྐབས་དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གིས་དེ་ལྟ་བུའི་ཕྱག་དར་བླང་བར་མི་བྱའོ། །དགེ་སློང་གིས་དེ་ལྟ་བུའི་ཕྱག་དར་བླངས་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་
D6.010.0222b02.01ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེའི་ཚེ་མཉན་ཡོད་ན་སྤོས་འཚོང་གི་ཁྱེའུ་ཞིག་འདུག་པ་དེ་ལ་ལ་བ་བཟང་པོ་ཞིག་བདོག་ནས་དེ་དེ་ལ་ཤིན་ཏུ་ཆགས་སོ། །དེ་དུས་གཞན་ཞིག་ན་ན་བར་གྱུར་པ་དང་། ལ་བ་དེ་ལ་
D6.010.0222b03.01ཇི་ལྟ་བར་དབྱིག་དག་ལ་ནི་མྱ་ངན་མི་བྱེད་དོ། །དེ་རྩ་བ་དང་། སྡོང་བུ་དང་། འདབ་མ་དང་། མེ་ཏོག་དང་། འབྲས་བུའི་སྨན་དག་བྱས་ཀྱང་ཕན་པར་མ་གྱུར་ཏེ། དེས་གང་གི་ཚེ་ལུས་ཀྱི་གནས་སྐབས་ཤེས་པ་དེའི་ཚེ་ཉེ་དུ་རྣམས་བསོགས་ཏེ་སྨྲས་པ། གང་གི་ཚེ་ཁོ་བོ་ཤི་བར་གྱུར་ན་དེའི་
D6.010.0222b04.01ཚེ་ཁྱེད་ཅག་གིས་མ་བསྲེགས་པར་འོན་ཀྱང་ལ་བ་འདིས་དཀྲིས་ནས་འོར་ཅིག །དེ་དག་གིས་དེ་དབུགས་ཕྱུང་སྟེ་སྨྲས་པ། ཇི་སྙེད་ནད་ཀྱིས་བཏབ་པ་ཐམས་ཅད་འཆིའམ་ཅི་སོས་པར་འགྱུར་བས་མ་འཇིགས་ཤིག །དེ་ཚེ་ཟད་པ་ཞིག་པས་རིམ་གྲོ་དང་གསོས་བྱས་ཀྱང་མ་ཕན་ཏེ་ཤི་
D6.010.0222b05.01ནས་ལ་བ་ལ་ལྷག་པར་ཆགས་པས་{ཡི་དགས་,ཡི་དྭགས་}ལྦ་བ་ཅན་རྣམས་ཀྱི་ནང་དུ་སྐྱེས་སོ། །དེ་ཉེ་དུ་རྣམས་ཀྱིས་གོས་སྔོན་པོ་དང་། སེར་པོ་དང་། དམར་པོ་དང་། དཀར་པོ་དག་གིས་ཁྱོགས་བརྒྱན་ནས་ལ་བ་དེ་ཉིད་ཀྱིས་དཀྲིས་ཏེ་དུར་ཁྲོད་དུ་བོར་རོ། །དེ་དགེ་སློང་དག་གིས་མཐོང་ནས།
D6.010.0222b06.01དེ་དག་གིས་དགེ་སློང་དུར་ཁྲོད་པ་གནག་དགའ་བོ་ཞེས་བྱ་བ་དེ་ལ་སྨྲས་པ། ཚེ་དང་ལྡན་པ་སྤོས་འཚོང་གི་ཁྱེའུ་ཤི་བ་དེ་ཉེ་དུ་དག་གིས་ལ་བས་དཀྲིས་ནས། དུར་ཁྲོད་དུ་བོར་གྱིས་སོང་ལ་ཕྱག་དར་ཁྲོད་ལོང་ཤིག །དེ་མྱུར་བ་མྱུར་བར་དུར་ཁྲོད་དུ་སོང་ནས་ལ་བ་བླངས་པ་དང་། མི་མ་ཡིན་པ་
D6.010.0222b07.01