完整藏文原文 · 德格版页 当前仅加载第 10 函德格 4a 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཤེས་སམ། དེ་དག་གིས་སྨྲས་པ། འདི་ལ་ཅི་ཞིག་འཚལ་བར་བགྱི། བྲམ་ཟེ་རྒན་པ་རྒན་པ་རྣམས་ནི་གུས་པར་སྨྲ་བར་བྱ་བ་ཡིན་ལ། དགེ་སློང་རྣམས་ནི་ཕྱག་བྱ་བ་ཡིན་ན། དེ་ཅིའི་ཕྱིར་ཁྱེད་དགེ་སློང་རྣམས་ལ་གུས་པར་སྨྲ་བ་བྱེད་ཀྱི་ཕྱག་མ་ཡིན།
D6.010.0004a01.01འཕགས་པ་དག་བདག་ཅག་གིས་ཁྱེད་བྲམ་ཟེ་ལགས་པར་འཚལ་གྱི་དགེ་སློང་དུ་ནི་མ་ལགས་སོ། །དེའི་སླད་དུ་བདག་ཅག་གིས་མ་འཚལ་གྱིས། བཟོད་པར་གསོལ་ལོ་ཞེས་བྱས་པ་དང་། དེ་དག་ཅང་མི་སྨྲ་བར་འདུག་གོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་
D6.010.0004a02.01ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་ཅི་བྱུང་བ་ནི་དགེ་སློང་དག་གིའུ་ཝང་གི་ཐིག་ལེ་དག་གིས་བདག་ཉིད་བརྒྱན་པ་ལས་གྱུར་གྱིས། དེ་ལྟ་བས་ན་དགེ་སློང་གིས་གིའུ་ཝང་གི་ཐིག་ལེ་དག་གིས་བརྒྱན་པར་མི་བྱའོ། །བརྒྱན་
D6.010.0004a03.01ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་གིའུ་ཝང་གི་ཐིག་ལེ་དག་གིས་བདག་ཉིད་བརྒྱན་པར་མི་བྱའོ་ཞེས་བཀའ་སྩལ་པ་དང་། དགེ་སློང་ཞིག་འཕྲལ་བར་རྨ་བྱུང་བ་དེ་སྨན་པའི་དྲུང་དུ་སོང་ནས་བཞིན་{བཟངས་,བཟང་}བདག་ལ་སྨན་སྟོན་ཅིག །
D6.010.0004a04.01འཕགས་པ་རྨའི་ཐན་ཀོར་གིའུ་ཝང་གིས་སྐུས་ཤིག་དང་ཁྱོད་འཚོ་བར་འགྱུར་རོ། །དེས་སྨྲས་པ། བཅོམ་ལྡན་འདས་ཀྱིས་མ་གནང་ངོ་། །འཕགས་པ་ཁྱོད་ཀྱི་སྟོན་པ་ནི་ཐུགས་རྗེ་ཅན་ཡིན་པས་གནང་བར་འགྱུར་རོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་
D6.010.0004a05.01གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་སྨན་པས་བསྒོ་བ་ནི་མ་གཏོགས་སོ། །བཅོམ་ལྡན་འདས་ཀྱིས་དགེ་སློང་གིས་སོ་ཕག་གིས་ལུས་དྲུད་པར་མི་བྱའོ་ཞེས་བཀའ་སྩལ་པ་དང་། དགེ་སློང་རྣམས་ཉ་ཕྱིས་ཀྱིས་འདྲུད་
D6.010.0004a06.01པར་བྱེད་དོ། །བཅོམ་ལྡན་འདས་ཀྱིས་བཀའ་སྩལ་པ། ཉ་ཕྱིས་ཀྱིས་དྲུད་པར་མི་བྱའོ། །འདྲུད་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དྲུག་སྡེ་རྣམས་
D6.010.0004a07.01