完整藏文原文 · 德格版页 当前仅加载第 10 函德格 14a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་གོམས་པར་མཛད་པ། མི་འཇིགས་པ་བཞིས་མི་སྙེངས་པ། ཡན་ལག་ལྔ་རྣམ་པར་སྤངས་པ། འགྲོ་བ་ལྔ་ལས་ཡང་དག་པར་འདས་པ། ཡན་ལག་དྲུག་དང་ལྡན་པ། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པ། དྲུག་ལ་རྟག་ཏུ་གནས་པ། བྱང་
D6.010.0014a01.01ཆུབ་ཀྱི་ཡན་ལག་བདུན་གྱི་མེ་ཏོག་གིས་ཕྱུག་པ། ལམ་ཡན་ལག་བརྒྱད་པ་སྟོན་པ། མཐར་གྱིས་གནས་པའི་སྙོམས་པར་འཇུག་པ་དགུ་ལ་མཁས་པ། སྟོབས་བཅུའི་སྟོབས་མངའ་བ། གྲགས་པས་ཕྱོགས་བཅུར་ཁྱབ་པ། སྟོང་ལ་དབང་སྒྱུར་བ་བས་ཁྱད་པར་དུ་
D6.010.0014a02.01འཕགས་པ་རྣམས་ནི་ཆོས་ཉིད་ཀྱིས་ཉིན་ལན་གསུམ་མཚན་ལན་གསུམ་དུ་སངས་རྒྱས་ཀྱི་སྤྱན་གྱིས་འཇིག་རྟེན་ལ་གཟིགས་ཤིང་སུ་ནི་ཉམས། སུ་ནི་དར། སུ་ནི་ཉམ་ང་བར་གྱུར། སུ་ནི་སྐོབས་སུ་ཆུད་པར་གྱུར། སུ་ནི་གནོད་པར་གྱུར། སུ་ནི་ཉམ་ང་བ་དང་། སྐོབས་
D6.010.0014a03.01སུ་ཆུད་པ་དང་། གནོད་པར་གྱུར། སུ་ནི་ངན་སོང་ལ་གཞོལ། སུ་ནི་ངན་སོང་ལ་བབ། སུ་ནི་ངན་སོང་ལ་འབབ། གང་ནི་ངན་སོང་ལས་དྲངས་ནས་མཐོ་རིས་དང་། ཐར་པ་དང་། འབྲས་བུ་ལ་དགོད། གང་ཞིག་གིས་དགེ་བའི་རྩ་བ་མ་བསྐྱེད་པ་ནི་བསྐྱེད་པར་བྱ། གང་
D6.010.0014a04.01ཞིག་གིས་བསྐྱེད་པ་ནི་ཡོངས་སུ་སྨིན་པར་བྱ། གང་ཞིག་སྨིན་པ་ནི་གྲོལ་བར་བྱ་ཞེས་ཡེ་ཤེས་གཟིགས་པ་འཇུག་གོ། །ཡང་སྨྲས་པ། ཆུ་སྲིན་གནས་ཀྱི་རྒྱ་མཚོ་ནི། །དུས་རླབས་འདའ་བར་འགྱུར་སྲིད་ཀྱི། །གདུལ་བར་བྱ་བའི་སྲས་རྣམས་ལ། །སངས་རྒྱས་དུས་ལས་
D6.010.0014a05.01མི་འདའོ། །ཇི་ལྟར་མ་ནི་སྡུག་པའི་བུ་གཅིག་ལ། །ལྟ་ཞིང་དེ་ཡི་སྲོག་ཀྱང་སྲུང་བ་ལྟར། །དེ་བཞིན་གཤེགས་པ་གདུལ་བའི་སྐྱེ་བོ་ལ། །དེ་བཞིན་གཟིགས་ཤིང་དེ་ཡི་རྒྱུད་ཀྱང་སྲུང་། །ཐམས་ཅད་མཁྱེན་པའི་རྒྱུ་ལ་གནས་པ་ཡི། །ཐུགས་རྗེའི་བ་དྲུས་བ་གཤིན་བེའུ་སྟོར་
D6.010.0014a06.01བཞིན། །སྲིད་པ་བགྲོད་དཀར་འཁྱམས་པར་གྱུར་པ་ཡི། །གདུལ་བའི་སྲས་རྣམས་སྐྱོ་མི་མཁྱེན་པར་ཚོལ།། །།འདུལ་བ་ཕྲན་ཚེགས་ཀྱི་གཞི། བམ་པོ་གཉིས་པ། དེ་ནས་བཅོམ་ལྡན་འདས་ཀྱིས་ཕྱོགས་ཞིག་ཏུ་འཛུམ་པ་མཛད་དོ། །ཆོས་ཉིད་ཀྱིས་གང་གི་
D6.010.0014a07.01