完整藏文原文 · 德格版页 当前仅加载第 10 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་བཅོམ་ལྡན་འདས་བལྟམ་པ་དེའི་ཚེ་རྒྱལ་པོ་ཆེན་པོ་བཞིའི་བུ་ཡང་བཙས་ཏེ། རྒྱལ་པོའི་ཁབ་ཏུ་ནི་རྒྱལ་པོ་པད་མ་ཆེན་པོའི་བུ་བཙས་སོ། །མཉན་ཡོད་དུ་ནི་ཚངས་བྱིན་གྱི་འཕགས་རྒྱལ་དུ་ནི་མུ་ཁྱུད་མཐའ་ཡས་ཀྱི། ཀཽ་ཤཱམྦཱིར་ནི་རྒྱལ་
D6.010.0266a01.01པོ་དམག་བརྒྱ་པའི་བུ་བཙས་སོ། །བྱང་ཆུབ་སེམས་དཔའ་བལྟམ་པ་ན་ས་ཆེན་པོ་འདི་གསེར་ཞུན་མ་ལྟ་བུར་སྣང་བར་གྱུར་པ་དང་། རྒྱལ་པོ་སོ་སོ་ནས་བསམས་པ། བདག་གི་བུའི་མཐུའོ་བདག་གི་བུའི་མཐུའོ་སྙམ་ནས་དེ་དག་སོ་སོ་ནས་མིང་འདོགས་པར་བྱེད་དེ། རྒྱལ་པོ་
D6.010.0266a02.01པད་མ་ཆེན་པོས་སྨྲས་པ། ཤེས་ལྡན་དག་ངའི་བུ་བཙས་པ་ན་ཉི་མའི་གཟུགས་བཞིན་དུ་འཇིག་རྟེན་སྣང་བར་བྱས་པས་དེའི་ཕྱིར་གཞོན་ནུའི་མིང་གཟུགས་ཅན་སྙིང་པོ་ཞེས་གདགས་སོ། །རྒྱལ་པོ་ཚངས་བྱིན་རིང་དུ་འཕུར་གྱིས་སྨྲས་པ། ངའི་བུ་བཙས་པ་ན་གཞོངས་རྣམས་
D6.010.0266a03.01གསལ་ཞིང་གསལ་བ་ལྟ་བུར་སྣང་བས་དེའི་ཕྱིར་གཞོན་ནུའི་མིང་གསལ་རྒྱལ་ཞེས་བྱ་བར་གདགས་སོ། །རྒྱལ་པོ་མུ་ཁྱུད་མཐའ་ཡས་ཀྱིས་སྨྲས་པ། ངའི་བུ་བཙས་པ་ན་འཇིག་རྟེན་རབ་ཏུ་སྣང་བ་ཁོ་ནས་སྣང་བར་བྱས་པས་དེའི་ཕྱིར་གཞོན་ནུའི་མིང་རབ་སྣང་ཞེས་བྱ་བར་
D6.010.0266a04.01གདགས་སོ། །རྒྱལ་པོ་དམག་བརྒྱ་པས་སྨྲས་པ། ངའི་བུ་བཙས་པ་ན་འཇིག་རྟེན་ཉི་མ་ཤར་བ་བཞིན་དུ་སྣང་བར་བྱས་པས་དེའི་ཕྱིར་གཞོན་ནུའི་མིང་ཤར་བར་གདགས་སོ། །དེའི་ཚེ་རི་ཀི་སྐིན་ད་ལ་དྲང་སྲོང་མི་དཀར་བ་ཞེས་བྱ་བ་འཇིག་རྟེན་འདིའི་འཇིག་པ་ལ་མཁས་པ།
D6.010.0266a05.01འཆགས་པ་ལ་མཁས་པ་ཞིག་གནས་སོ། །དེའི་ཚ་བོ་ན་ལ་ད་ཞེས་བྱ་བ་ཞིག་ཡོད་པ་དེ་དེའི་དྲུང་དུ་ཡང་དང་ཡང་དུ་ཉེ་བར་འགྲོའོ། །དེས་ཉེ་བར་འོངས་པ་དེ་ལ་རྟག་ཏུ་འཇིག་པ་དང་འཆགས་པའི་གཏམ་བྱས་ཏེ། དེ་འཇིག་པ་དང་འཆགས་པའི་གཏམ་ཐོས་ནས་སྐྱོ་སྟེ་དེའི་ཐད་
D6.010.0266a06.01དུ་རབ་ཏུ་བྱུང་ངོ་། །དེས་དུས་གཞན་ཞིག་ན་དྲང་སྲོང་མི་དཀར་བའི་ཕུག་སྣང་བ་རྒྱ་ཆེན་པོས་ཁྱབ་པ་མཐོང་ངོ་། །མཐོང་ནས་ཀྱང་ཚིགས་སུ་བཅད་དེ་སྨྲས་པ། ཉི་མ་ཐམས་ཅད་ཅིག་ཅར་དུ། །འདིར་ནི་ཤར་བར་གྱུར་ཏམ་ཅི། །འདི་ལྟར་རི་དང་ཕུག་བཅས་པར། །འོད་ཟེར་དག་
D6.010.0266a07.01