完整藏文原文 · 德格版页 当前仅加载第 10 函德格 203b 版页；藏文 NFD、目录标记与异常页序保留在来源切片中，重复版页行以稳定序号区分。
གཙུག་ལག་ཁང་ལམ་པོ་ཆེར་གྱུར་གྱིས་དེའི་ཕྱིར་གལ་ཏེ་བཅོམ་ལྡན་འདས་ཀྱིས་གནང་ན་བདག་གིས་ར་བས་བསྐོར་རོ་སྙམ་དུ་བསམས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་
D6.010.0203b01.01ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཁྱིམ་བདག་མགོན་མེད་ཟས་སྦྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་གཙུག་ལག་ཁང་འདི་ཤུལ་པོ་ཆེར་གྱུར་ཏེ་དེའི་སླད་དུ་གལ་ཏེ་བཅོམ་ལྡན་འདས་ཀྱིས་གནང་ན་
D6.010.0203b02.01བདག་གིས་འདི་ར་བས་བསྐོར་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་དེ་ལྟ་བས་ན་གནང་གིས་སྐོར་ཅིག །དེས་ར་བས་བསྐོར་བ་དང་། གང་གི་ཚེ་དབྱར་གྱི་དུས་ལ་བབ་པའི་ཚེ་རྒྱལ་བྱེད་ཀྱི་ཚལ་ཆུས་སྦྱང་བཞིན་གང་སྟེ་འདུག་གོ། །
D6.010.0203b03.01ཇི་ཙམ་ན་ཁྱིམ་བདག་མགོན་མེད་ཟས་སྦྱིན་བཅོམ་ལྡན་འདས་ཀྱི་ཞབས་ལ་ཕྱག་འཚལ་དུ་སོང་བ་དང་། དེས་རྒྱལ་བྱེད་ཀྱི་ཚལ་ཆུས་སྦྱང་བཞིན་དུ་གང་བ་མཐོང་ནས། དེས་བསམས་པ་བདག་གིས་རྒྱལ་བྱེད་ཀྱི་ཚལ་ར་བས་བསྐོར་གྱི་སྟོར་ཁུང་མ་བཏོད་པས་དེས་ན་
D6.010.0203b04.01འདི་ཆུས་སྦྱང་བཞིན་དུ་གང་སྟེ་འདུག་གོ། །དེའི་ཕྱིར་གལ་ཏེ་བཅོམ་ལྡན་འདས་ཀྱིས་གནང་ན་སྟོར་ཁུང་གདོད་དོ་སྙམ་དུ་བསམས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བདག་གིས་རྒྱལ་བྱེད་ཀྱི་ཚལ་ར་བས་བསྐོར་གྱི་སྟོར་ཁུང་མ་བཏོད་པས་
D6.010.0203b05.01དེས་ན་འདི་ཆབ་ཀྱིས་སྦྱང་བཞིན་བལྟམ་སྟེ་མཆིས་སོ། །དེའི་སླད་དུ་གལ་ཏེ་བཅོམ་ལྡན་འདས་ཀྱིས་གནང་ན་བདག་གིས་སྟོར་ཁུང་གདོད་པར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ཁྱིམ་བདག་དེ་ལྟ་བས་ན་གནང་གིས་ཐོད་ཅིག །དེས་སྟོར་ཁུང་བཏོད་དོ། །
D6.010.0203b06.01བ་ལང་དག་འོངས་ཤིང་འོངས་ནས་རྩིག་པ་ལ་ལུས་ཀྱིས་བསྙོགས་ཤིང་རྭས་བྲུད་པ་དང་། ཇི་ཙམ་ན་ཁྱིམ་བདག་མགོན་མེད་ཟས་སྦྱིན་གྱིས་མཐོང་ནས་དེས་བསམས་པ། བདག་གིས་རྒྱལ་བྱེད་ཀྱི་ཚལ་ར་བས་བསྐོར་གྱི་ཤིང་ཐགས་མ་བྲེས་པས་དེས་ན་བ་ལང་དག་འོངས་ཤིང་
D6.010.0203b07.01