完整藏文原文 · 德格版页 当前仅加载第 10 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
ཐུལ་བ་ལ་ཡོངས་སུ་བསྐོར་བྱས་ནས། །སླར་ཡང་ལྷ་ཡི་འཇིག་རྟེན་མངོན་ཕྱོགས་དོང་། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པར་མཛད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཤཱཀྱའི་བུ་མོ་ལྔ་བརྒྱ་པོ་དག་གིས་ལས་ཅི་ཞིག་བགྱིས་ན་དེས་ལག་པ་དང་རྐང་པ་དག་བཀུམ།
D6.010.0098b01.01ལས་ཅི་ཞིག་བགྱིས་ན་དེས་ལྷ་རྣམས་ཀྱི་ནང་དུ་སྐྱེས། ལས་ཅི་ཞིག་བགྱིས་ན་དེས་བཅོམ་ལྡན་འདས་ཀྱི་སྤྱན་སྔར་བདེན་པ་མཐོང་བར་བགྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་འདི་དག་ཉིད་ཀྱིས་ལས་བྱས་ཤིང་བསགས་པ། ཚོགས་རྙེད་པ་ཞེས་བྱ་བ་ནས། ལུས་ཅན་
D6.010.0098b02.01རྣམས་ལ་འབྲས་བུར་སྨིན། །ཅེས་བྱ་བའི་བར་སྔ་མ་བཞིན་ནོ། །དགེ་སློང་དག་སྔོན་བྱུང་བ་བསྐལ་པ་བཟང་པོ་འདི་ཉིད་ལ་སྐྱེ་དགུའི་ཚེ་ལོ་ཉི་ཁྲི་ཐུབ་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ།
D6.010.0098b03.01སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་སྟོན་པ་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། དེའི་གསུང་རབ་ལ་འདི་རྣམས་རབ་ཏུ་བྱུང་བར་གྱུར་ཏོ། །དེ་ན་འདི་རྣམས་ཀྱིས་སློབ་པ་དང་མི་སློབ་པའི་དགེ་སློང་རྣམས་ལ་ལག་རྡུམ་རྐང་
D6.010.0098b04.01རྡུམ་ཞེས་བྱ་བའི་ཚིག་ཀུན་དུ་སྤྱོད་པ་ཀུན་དུ་སྤྱད་དེ་ལས་དེའི་རྣམ་པར་སྨིན་པས་ལོ་མང་པོར་དམྱལ་བ་རྣམས་ཀྱི་ནང་དུ་སྐྱེས་སོ། །ལས་དེ་ཉིད་ཀྱི་ལྷག་མས་འདི་རྣམས་ཚེ་རབས་ལྔ་བརྒྱར་ལག་པ་དང་། རྐང་པ་དག་བཅད་དེ། ད་ལྟའི་བར་དུ་ཡང་ལག་པ་དང་རྐང་པ་དག་བཅད་པ་ཡིན་ནོ། །གང་ང་ལ་སེམས་
D6.010.0098b05.01རབ་ཏུ་དང་བར་བྱས་པའི་ལས་དེའི་རྣམ་པར་སྨིན་པས་ནི་ལྷ་རྣམས་ཀྱི་ནང་དུ་སྐྱེས་སོ། །གང་འདི་རྣམས་ཀྱིས་དེ་ན་ལུང་མནོས་པ་དང་། བཀླགས་པ་དང་། ཁ་ཏོན་བྱས་པ་དེས་ན་ངའི་སྤྱན་སྔར་བདེན་པ་མཐོང་བར་བྱས་པ་ཡིན་ནོ། །དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་ཞེས་བྱ་བ་ནས།
D6.010.0098b06.01བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟ་བུར་བསླབ་པར་བྱའོ་ཞེས་བྱ་བའི་བར་སྔ་མ་བཞིན་ནོ། །དེ་ནས་མི་དེ་འཕགས་སྐྱེས་པོའི་དྲུང་དུ་འོངས་པ་དང་། འཕགས་སྐྱེས་པོས་སྨྲས་པ། ཀྱེ་སྐྱེས་བུ་བཅོམ་ལྡན་འདས་ཅི་གསུང་། དེས་སྨྲས་པ། ལྷ་བཅོམ་ལྡན་འདས་ཀྱི་ཞལ་ནས་འདི་ནས་ཞག་བདུན་
D6.010.0098b07.01