完整藏文原文 · 德格版页 当前仅加载第 10 函德格 4b 版页；藏文 NFD、目录标记与异常页序保留在来源切片中，重复版页行以稳定序号区分。
དྲིས་བྱུགས་ཏེ་གཞོན་ནུ་རྣམས་ཀྱི་ནང་དུ་དོང་ནས་སྨྲས་པ། གཞོན་ནུ་དག་ངེད་ཀྱི་དྲི་ཇི་ལྟ་སྣོམས་ཤིག །དེ་དག་གིས་སྨྲས་པ། གནས་བརྟན་ཅི་ཁྱེད་དྲིས་བྱུགས་སམ། བྱུགས་སོ། །གནས་བརྟན་ཁྱེད་དྲིས་བྱུག་ཏུ་རུང་ངམ། རུང་ཡང་རུང་མི་རུང་ཡང་རུང་སྟེ། ངེད་
D6.010.0004b01.01ཀྱིས་ནི་བྱུགས་སོ། །དེ་དག་འཕྱ་སྨོད་ཁ་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་དགོངས་པ། ཉེས་དམིགས་གང་ཅུང་ཟད་བྱུང་བ་ནི་དྲིས་ཉུག་པ་ལས་གྱུར་གྱིས་དེ་ལྟ་བས་ན་དགེ་སློང་རྣམས་ཀྱིས་དྲིས་བྱུག་པར་
D6.010.0004b02.01མི་བྱའོ། །ཉུག་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་རྣམས་ཀྱིས་དྲིས་བྱུག་པར་མི་བྱའོ་ཞེས་བཀའ་སྩལ་པ་དང་། དགེ་སློང་ནད་པ་ཞིག་སྨན་པའི་དྲུང་དུ་སོང་སྟེ། བཞིན་{བཟངས་,བཟང་}བདག་ལ་སྨན་སྟོན་ཅིག །དེས་སྨྲས་པ། འཕགས་
D6.010.0004b03.01པ་དྲིས་བྱུགས་ན་ཁྱོད་འཚོ་བར་འགྱུར་རོ། །བཞིན་{བཟངས་,བཟང་}ཅི་ཁོ་བོ་འདོད་པ་སྤྱོད་དམ། འཕགས་པ་ཁྱོད་ཀྱི་སྨན་ནི་འདི་ཡིན་ཏེ། གཞན་གྱིས་ནི་འཚོ་བར་མི་ནུས་སོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་
D6.010.0004b04.01བཀའ་སྩལ་པ། དེ་ལྟ་བས་ན་གནང་གིས་སྨན་པའི་ལུང་གིས་དྲི་བཅང་བར་བྱའོ། །དགེ་སློང་དག་དྲིས་བྱུགས་ནས་དགེ་འདུན་གྱི་ནང་ན་འདུག་ཅིང་བྲམ་ཟེ་དང་ཁྱིམ་བདག་འོངས་ཤིང་ལྷགས་པ་རྣམས་ལ་ཆོས་སྟོན་པར་བྱེད། བྲམ་ཟེ་དང་ཁྱིམ་བདག་གི་ཁྱིམ་རྣམས་སུ་
D6.010.0004b05.01ཡང་འགྲོ་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། ངས་དགེ་སློང་དྲི་འཆང་བའི་ཀུན་དུ་སྤྱད་པའི་ཆོས་བཅའ་བར་བྱ་སྟེ། དགེ་སློང་དྲི་འཆང་བས་དྲིས་བྱུགས་ནས་དགེ་འདུན་གྱི་ནང་དུ་
D6.010.0004b06.01འདུག་པར་མི་བྱ། བྲམ་ཟེ་དང་ཁྱིམ་བདག་འོངས་ཤིང་ལྷགས་པ་རྣམས་ལ་ཆོས་བསྟན་པར་མི་བྱ། བྲམ་ཟེ་དང་ཁྱིམ་བདག་གི་ཁྱིམ་རྣམས་སུ་འགྲོ་བར་མི་བྱའི། ནམ་སོས་པར་གྱུར་པ་དེའི་ཚེ་ཁྲུས་བྱས་ནས་དྲི་མེད་པར་གྱུར་པ་དང་དགེ་འདུན་གྱི་ནང་དུ་འདུག་པར་
D6.010.0004b07.01