完整藏文原文 · 德格版页 当前仅加载第 10 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིགས་པ་ཆེ་བྱེད་ཉི་མ་འཆར་ཀའི་འོད་དང་འདྲ་བ་འདིར། །ཆོས་ཕྱིར་སྲོག་ལ་འཛེམ་མེད་ངེས་པའི་ཡིད་ཀྱིས་རབ་ཏུ་མཆོང་བར་བྱ། །བདག་གི་བསོད་ནམས་མཐུ་ཡིས་མེ་དོང་འདི་ཡང་པད་མ་འཁྲིགས་པ་ཡི། །མཚོ་ཆུ་ཙན་དན་འདེ་གུས་བཅིན་པ་ལྟ་བུར་བསིལ་བ་
D6.010.0175a01.01བཟང་གྱུར་ཅིག །དེ་སྐད་ཅེས་སྨྲས་ནས་བྱང་ཆུབ་སེམས་དཔའ་མེ་དོང་དེར་མཆོངས་པ་དང་། དེ་མཆོངས་མ་ཐག་ཏུ་མེའི་དོང་དེ་མཚོར་གྱུར་ཏོ། །དེ་ནས་ལྷའི་དབང་པོ་བརྒྱ་བྱིན་གྱིས་རྒྱལ་པོའི་ཡ་མཚན་ལྷ་དང་མི་དད་པར་བྱེད་པའི་ཆོ་འཕྲུལ་དེ་མཐོང་ནས་གནོད་སྦྱིན་གྱི་གཟུགས་མི་སྣང་
D6.010.0175a02.01བར་བྱས་ནས་རང་གི་གཟུགས་ཀྱིས་འདུག་སྟེ། དེའི་ཚེ་ཚིགས་སུ་བཅད་པ་སྨྲས་པ། ལེགས་པར་སྤྱད་པའི་ཆོས་སྤྱད་བྱ། །ཉེས་སྤྱད་དེ་ནི་སྤྱད་མི་བྱ། །ཆོས་སྤྱོད་འཇིག་རྟེན་འདི་དང་ནི། །ཕ་རོལ་དུ་ཡང་བདེ་བར་གནས། །དེ་ནས་བྱང་ཆུབ་སེམས་དཔས་ཚིགས་
D6.010.0175a03.01སུ་བཅད་པ་དེ་བཟུང་ནས་གསེར་གྱི་གླེགས་མ་དག་ལ་བྲིས་ཏེ་འཛམ་བུའི་གླིང་མཐའ་དག་གི་གྲོང་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དག་ཏུ་བསྐུར་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཇི་སྙམ་དུ་སེམས། དེའི་ཚེ་
D6.010.0175a04.01དེའི་དུས་ན་རྒྱལ་པོར་གྱུར་པ་གང་ཡིན་པ་དེ་ནི་ང་ཡིན་ཏེ། དེའི་ཚེ་ཡང་ངས་ཆོས་ཀྱི་ཕྱིར་སྲོག་ཡོངས་སུ་བཏང་ན་ད་ལྟ་ལྟ་སྨོས་ཀྱང་ཅི་དགོས། དགེ་སློང་དག་དེ་ལྟ་བས་ན་འདི་ལྟར་བསླབ་པར་བྱ་སྟེ། ཆོས་ལ་གུས་པར་བྱ་བླ་མར་བྱ། མཉེས་པར་བྱ་མཆོད་པར་བྱ་སྟེ་ཆོས་ལ་གུས་པར་
D6.010.0175a05.01བྱས། བླ་མར་བྱས། མཉེས་པར་བྱས། མཆོད་པར་བྱས་ཤིང་ཉེ་བར་བརྟེན་ཏེ་གནས་པར་བྱའོ་ཞེས་དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དགེ་སློང་དེ་དག་ཡི་རངས་ཏེ་བཅོམ་ལྡན་འདས་ཀྱིས་གསུངས་པ་ལ་
D6.010.0175a06.01མངོན་པར་བསྟོད་དོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་ཕྱག་དར་འཕྱག་པ་ལ་ཕན་ཡོན་ལྔ་ཡོད་དོ་ཞེས་བཀའ་སྩལ་པ་དང་དགེ་སློང་གནས་བརྟན་གནས་བརྟན་དག་བསམ་
D6.010.0175a07.01