完整藏文原文 · 德格版页 当前仅加载第 10 函德格 215b 版页；藏文 NFD、目录标记与异常页序保留在来源切片中，重复版页行以稳定序号区分。
མཆིས་པས་སོ། །དེས་སྨྲས་པ། བཞིན་{བཟངས་,བཟང་}གང་ཞིག་ཁྱོད་ལྟ་བུ་མ་གུས་ཤིང་ཞེ་ས་མེད་པ་ལ་གནས་སྟེར་བ་དེ་ལ་གནོས་ཏེ་འདུག་ལ་དེ་ཉིད་ལ་ཞུས་ཤིག །དེ་སྤོབས་པ་མེད་དེ་ཅང་མི་ཟེར་བར་འདུག་ནས། སྐབས་དེ་བཅོམ་ལྡན་འདས་ལ་དགེ་སློང་དག་གིས་གསོལ་པ་དང་།
D6.010.0215b01.01བཅོམ་ལྡན་འདས་ཀྱིས་དགོངས་པ་ཉེས་དམིགས་གང་ཅུང་ཟད་བྱུང་བ་ནི་དགེ་སློང་དག་དུས་གསུམ་དུ་མཁན་པོ་དང་སློབ་དཔོན་རྣམས་ལ་ལྟར་མི་འགྲོ་བ་ལས་གྱུར་ཏོ། །དེ་ལྟ་བས་ན་ལྷན་ཅིག་གནས་པ་དང་། ཉེ་གནས་རྣམས་ཀྱིས་དུས་གསུམ་དུ་མཁན་པོ་དང་། སློབ་དཔོན་
D6.010.0215b02.01རྣམས་བལྟ་བའི་ཕྱིར་འགྲོ་བར་བྱའོ་སྙམ་དུ་དགོངས་ནས། དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ལྷན་ཅིག་གནས་པ་དང་། ཉེ་གནས་རྣམས་ཀྱིས་དུས་གསུམ་དུ་མཁན་པོ་དང་སློབ་དཔོན་དག་བལྟ་བའི་ཕྱིར་འགྲོ་བར་བྱའོ། །སངས་རྒྱས་བཅོམ་
D6.010.0215b03.01ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་ཞིག་གིས་དགེ་སློང་གཞོན་ནུ་གཅིག་ཅིག་ལ་གནས་བྱིན་ནས་དེས་དེ་བུ་བཞིན་བསྐྱངས་སོ། །དེས་དུས་གཞན་ཞིག་ན་ལྗོངས་རྒྱུ་བར་ཆས་ཏེ་
D6.010.0215b04.01སྨྲས་པ། སློབ་དཔོན་ཕྱག་འཚལ་ལོ། །མཁྱེན་པར་མཛོད་ཅིག །ལྗོངས་རྒྱུར་མཆིའོ། །དེས་སྨྲས་པ། བུ་མི་བདེ་བ་ཅུང་ཟད་མེད་དམ། དེས་སྨྲས་པ། སློབ་དཔོན་མི་བདེ་བ་ནི་ཅུང་ཟད་ཀྱང་མ་མཆིས་ན་འོན་ཀྱང་བདག་ལྗོངས་རྒྱུ་བར་སྤྲོ་སྟེ་སླར་ཡང་མཆིའོ། །
D6.010.0215b05.01དེས་སྨྲས་པ། བུ་དེ་ལྟ་ན་སོང་ལ་ལམ་ཀར་འགྱོད་པར་གྱུར་ན་སླར་ལྡོག་པར་གྱིས་ཤིག །དེས་སྨྲས་པ། སློབ་དཔོན་ལེགས་ཀྱིས་སླར་ལྡོག་པར་བགྱིའོ་ཞེས་དེ་ཆས་པ་དང་། ཅི་ཙམ་ན་དེ་ལམ་ཀར་འགྱོད་པ་སྐྱེས་ཏེ་དེས་བསམས་པ། བདག་ལ་སློབ་དཔོན་དེས་
D6.010.0215b06.01ཡོ་བྱད་ཐམས་ཅད་སྦྱར་བ་ལས་བདག་སོང་བ་མ་ལེགས་ཀྱིས་སླར་ལྡོག་པར་བྱའོ་སྙམ་དུ་བསམས་ནས་དེར་སླར་ལོག་པ་དང་། སློབ་དཔོན་གྱིས་མཐོང་ནས་དེས་སྨྲས་པ། བུ་ཅི་སྟེ་སླར་ལོག །ཅུང་ཟད་བརྗེད་པ་ལྟ་མེད་དམ། དེས་སྨྲས་པ། སློབ་དཔོན་བརྗེད་པ་ལྟ་ཅི་ཡང་
D6.010.0215b07.01