完整藏文原文 · 德格版页 当前仅加载第 10 函德格 275a 版页；藏文 NFD、目录标记与异常页序保留在来源切片中，重复版页行以稳定序号区分。
ས་འཛིན་པ་ཅི་སེམས། ལྷ་འཇིག་རྟེན་པའི་བསམ་པའོ། །ས་འཛིན་པ་འཇིག་རྟེན་པའི་བསམ་པ་ཇི་ལྟ་བུ་ཞིག །ལྷ་ཐ་ག་པས་ཉིན་མཚན་དུ་གོས་བཏགས་ན་གར་མཆིས་པ་མ་འཚལ་ཏོ། །ཀྱེ་ས་འཛིན་པ་གར་སོང་མི་ཤེས་པ་ཡུས་སོ། །ལྷ་སར་གྱུར་པ་ལགས་སོ། །ཀྱེ་ས་འཛིན་པ་
D6.010.0275a01.01སར་གྱུར་པ་ལྟ་ཞིག །ཡང་རྒྱལ་པོས་དེ་བཞིན་དུ་མེལ་ཙེ་སུ་བྱེད་རྨས་པ་དང་། དེས་སྔ་མའི་སྔ་མའི་ཚུལ་དུ་སྨྲས་པ། ལྷ་ས་འཛིན་པ་བདག་གོ། །ས་འཛིན་པ་ཅི་སེམས། ལྷ་འཇིག་རྟེན་པའི་བསམ་པའོ། །ས་འཛིན་པ་འཇིག་རྟེན་པའི་བསམ་པ་ཇི་ལྟ་བུ་ཞིག །ལྷ་རྫ་མཁན་གྱིས་ཉིན་མཚན་དུ་
D6.010.0275a02.01སྣོད་བགྱིས་ན་དེ་གར་མཆིས་མ་འཚལ་ཏོ། །ཀྱེ་ས་འཛིན་པ་གར་སོང་མི་ཤེས་པ་ཡུས་སོ། །ལྷ་སར་གྱུར་ཏོ། །ཀྱེ་ས་འཛིན་པ་སར་གྱུར་པ་ལྟ་ཞིག །ཀྱེ་ས་འཛིན་པ་ཁྱོད་ནི་མཁས་པ་ཞིག་སྟེ། ཐམས་ཅད་ཤེས་ན་ང་གཉིད་མེད་པ་འདི་ལ་རྒྱུ་ཅི་ཡོད། ལྷ་མི་འཇིགས་པ་སྩལ་ན་སྨྲ་བར་བགྱིའོ། །ས་
D6.010.0275a03.01འཛིན་པ་མི་འཇིགས་པ་སྦྱིན་གྱིས་བག་མ་ཚ་བར་སྨྲོས་ཤིག །ལྷ་ཁྱོད་ནི་སྡིག་པ་ལས་སྐྱེས་སོ། །ས་འཛིན་པ་ཅི་ཁྱོད་ང་ལ་མི་སྙན་པར་ཟེར་རམ། ལྷ་དེ་སྐད་མ་གསུང་ཤིག །ལྷ་ལ་བདག་གིས་མི་སྙན་པ་ཇི་སྐད་དུ་བགྱིས། ལྷ་མི་སྙན་པ་མ་བགྱིས་ཏེ་ལྷའི་མངོན་སུམ་དུ་བགྱིའོ། །ས་འཛིན་པ་
D6.010.0275a04.01ལེགས་སོ། །དེས་དོང་བརྐོས་བ་ལང་གི་ལྕི་བ་སྐམ་པོས་བཀང་སྟེ། དེའི་སྟེང་དུ་མལ་བཅས་ནས་ཕྱི་དེ་ཉིན་རྒྱལ་པོ་ལ་ལྷ་མལ་འདིར་གཟིམས་ཤིག་ཅེས་སྨྲས་པ་དང་། རྒྱལ་པོས་དེར་ཉལ་ལོ། །ཉལ་མ་ཐག་ཏུ་གཉིད་ཀྱིས་ལོག་པར་གྱུར་ཏོ། །གང་གི་ཚེ་སད་པ་དེའི་ཚེ་ལྷ་ཁྱོད་ཀྱིས་གཟིགས་སམ་ཞེས་སྨྲས་པ་
D6.010.0275a05.01དང་། དེས་བདག་གིས་མངོན་སུམ་དུ་བྱས་པ་ཤེས་ནས་བཙུན་མོའི་འཁོར་དུ་སོང་སྟེ་མ་ལ་དྲིས་པ། ཡུམ་བདག་སུ་ལས་སྐྱེས་པ་{བརྫུན་,རྫུན་}མ་གསུང་བར་དྲང་པོར་གསུང་ཤིག །ལྷ་སྨྲ་བར་བགྱིའི། བདག་ལ་མི་འཇིགས་པ་སྩོལ་ཅིག །ཡུམ་གསོལ་ལོ། །ལྷ་ཁྱོད་ཀྱི་ཡབ་བཙུན་མོའི་འཁོར་རྒྱ་ཆེན་
D6.010.0275a06.01པོ་དང་ལྡན་པས་དེ་ལྗོངས་ཤིག་ཏུ་སོང་བ་ན་བདག་ཟླ་མཚན་དང་ལྡན་པར་གྱུར་ཏེ། དེའི་ཚེ་བདག་ཟླ་མཚན་གྱི་ཁྲུས་བགྱིད་པ་ན། སྡིག་པ་ཞིག་མཐོང་བ་དང་། བདག་གིས་བློ་སྐྱེས་པ། ཇི་སྟེ་འདི་ཕོ་ཞིག་ཏུ་གྱུར་ན་བདག་འདི་དང་ལྷན་ཅིག་འདོད་པའི་ལོངས་སྤྱོད་དགའ་མགུར་སྤྱད་པར་བྱའོ་སྙམ་པ་དང་། སྟེས་
D6.010.0275a07.01