完整藏文原文 · 德格版页 当前仅加载第 10 函德格 150b 版页；藏文 NFD、目录标记与异常页序保留在来源切片中，重复版页行以稳定序号区分。
ནང་གི་ཆོས་རྣམས་དང་། ཕྱིའི་ཆོས་རྣམས་དང་། ཕྱི་དང་ནང་གི་ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང་གནས། ཆོས་རྣམས་ལ་ཀུན་འབྱུང་བའི་ཆོས་སུ་རྗེས་སུ་ལྟ་ཞིང་གནས། ཆོས་རྣམས་ལ་ཀུན་འབྱུང་བ་ལ་ཟད་པར་རྗེས་སུ་ལྟ་ཞིང་གནས། ཆོས་རྣམས་ཡོད་
D6.010.0150b01.01དོ་ཞེས་དེའི་དྲན་པ་འདི་ལྟ་སྟེ། ཤེས་པ་ཙམ་དང་། མཐོང་བ་ཙམ་དང་། སོ་སོར་དྲན་པ་ཙམ་དུ་ལེགས་པར་གནས་ཤིང་མི་རྟེན་པར་གནས་ལ། འཇིག་རྟེན་ན་ཅུང་ཟད་ཀྱང་ཉེ་བར་ལེན་པར་མི་བྱེད་དེ། དགའ་བོ་དེ་ལྟར་ན་དགེ་སློང་བདག་ཉིད་གླིང་དང་། བདག་ཉིད་
D6.010.0150b02.01སྐྱབས་ཅན་དང་། ཆོས་གླིང་དང་། ཆོས་སྐྱབས་ཅན་དང་། གཞན་མ་ཡིན་པ་གླིང་དང་། གཞན་མ་ཡིན་པ་སྐྱབས་ཅན་དུ་གནས་པ་ཡིན་ནོ། །དགའ་བོ་ཚུར་སྐྱེས་བུ་གཡོ་མེད་པ། སྒྱུ་མེད་པ། དྲང་པོ། བརྟན་པའི་རང་བཞིན་ཅན་དེ་ནི་ངས་ནང་བཏམས་ན། ནུབ་
D6.010.0150b03.01ཀུན་ཤེས་པ་ལུང་སྟོན་པར་འགྱུར། ནུབ་བཏམས་ན་ནང་ཀུན་ཤེས་པ་ལུང་སྟོན་པར་འགྱུར་རོ། །དགའ་བོ་ངའི་ཆོས་ནི་ལེགས་པར་གསུངས་པ། ཡང་དག་པར་མཐོང་བ། ནད་མེད་པ། དུས་ཆད་པ་མེད་པ། ཉེ་བར་གཏོད་པ། འདི་མཐོང་བ་ལ་དོན་ཡོད་པ།
D6.010.0150b04.01མཁས་པ་རྣམས་ཀྱིས་རང་གིས་རིག་པར་བྱ་བ་ཡིན་ནོ། །གསུང་རབ་འདི་ནི་འདི་ལྟ་སྟེ། སྟོན་པ་ཡང་མངོན་སུམ་དུ་གྱུར། དམ་པའི་ཆོས་ཉེ་བར་གཏོད་པ། ཡོངས་སུ་མྱ་ངན་ལས་འདའ་བར་འགྱུར་བ། རྫོགས་པའི་བྱང་ཆུབ་ཏུ་འགྲོ་བ། བདེ་བར་གཤེགས་པས་ཐུགས་
D6.010.0150b05.01སུ་ཆུད་པ་ཡང་སྟོན་པས་སྙིང་པོ་བཏུང་བར་བྱ་བ་ཡིན་ནོ། །དགའ་བོ་དེ་ལྟ་བས་ན་ཁྱོད་ཀྱིས་རང་གི་དོན་དང་། གཞན་གྱི་དོན་དང་། གཉི་གའི་དོན་ལ་ལྟ་ཞིང་སོ་སོར་ཡང་དག་པར་བསླབ་པར་བྱ་སྟེ། ཅི་ནས་ཀྱང་བདག་རབ་ཏུ་བྱུང་ནས་དོན་ཡོད་པ་དང་། འབྲས་བུ་དང་བཅས་པ་དང་། རྣམ་
D6.010.0150b06.01པར་སྨིན་པ་བདེ་བར་འགྱུར་བ་དང་། གང་དག་གི་ཆོས་གོས་དང་། བསོད་སྙོམས་དང་། གནས་མལ་དང་། ན་བའི་རྐྱེན་གྱི་ཡོ་བྱད་སྨན་དག་ཡོངས་སུ་སྤྱད་པ། དེ་དག་གི་བྱ་བ་བྱས་པ་དེ་དག་ཀྱང་ཅི་ནས་ཀྱང་ཤིན་ཏུ་འབྲས་བུ་ཆེ་བ་དང་། ཤིན་ཏུ་ཕན་ཡོན་ཆེ་བ་དང་།
D6.010.0150b07.01