完整藏文原文 · 德格版页 当前仅加载第 10 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ལ་བཅོམ་ལྡན་འདས་ལ་ཆོས་ལས་བྱུང་བའི་དད་པ་གཞན་ཡང་མཆིས་ཏེ། འདི་ན་བདག་གིས་བྲམ་ཟེ་དང་ཁྱིམ་བདག་མཁས་པ་མཁས་པའི་ང་རྒྱལ་ཅན་ཞེས་བྱ་བ་ནས། ཁ་ཅིག་མཐོང་ཞེས་བྱ་བའི་བར་སྔ་མ་བཞིན་ནོ། །དེ་དག་གིས་ཞུས་པ་དེ་དག་བསྔོགས་ནས་བཅོམ་ལྡན་འདས་ག་
D6.010.0084a01.01ལ་བ་དེར་སོང་སྟེ་ཕྱིན་ནས། ཞུ་བ་རྫོགས་པར་ཞུས་པ་དང་། བཅོམ་ལྡན་འདས་ཀྱིས་དེ་དག་ལ་ཆོས་ཡོངས་སུ་རྫོགས་པར་ལུང་བསྟན་ནས། དེ་དག་ལུང་བསྟན་པ་དེས་ཡི་རངས་ཤིང་མགུ་ནས་བཅོམ་ལྡན་འདས་ལ་རབ་ཏུ་བྱུང་བ་དང་། བསྙེན་པར་རྫོགས་པ་དགེ་སློང་གི་དངོས་པོ་གསོལ་ཞིང་། བཅོམ་ལྡན་
D6.010.0084a02.01འདས་ཀྱིས་རབ་ཏུ་བྱུང་བར་མཛད། བསྙེན་པར་རྫོགས་པར་མཛད་དེ། རབ་ཏུ་བྱུང་བ་བསྙེན་པར་རྫོགས་པ་དགྲ་བཅོམ་པ་ཉིད་ཐོབ་པ་རྣམ་པར་གྲོལ་བའི་དགའ་བ་དང་བདེ་བ་ཉམས་སུ་མྱོང་བ་དེ་དག་འདི་སྙམ་དུ་སེམས་ཏེ། བདག་ཅག་དེའུ་མ་རུང་ངོ་། །བདག་ཅག་རབ་ཏུ་དེའུ་མ་རུང་ངོ་། །བདག་ཅག་
D6.010.0084a03.01སྔོན་དགེ་སྦྱོང་མ་ཡིན་བཞིན་དུ་བདག་ཅག་དགེ་སྦྱོང་ངོ་སྙམ་དུ་ཁས་འཆེ་འཆེ། བདག་ཅག་བྲམ་ཟེ་དང་། དགྲ་བཅོམ་པ་མ་ཡིན་བཞིན་དུ་བདག་ཅག་དགྲ་བཅོམ་པའོ་སྙམ་དུ་ཁས་འཆེའི། ང་ནི་བདག་ཅག་དགེ་སྦྱོང་དང་། བྲམ་ཟེ་དང་། དགྲ་བཅོམ་པ་ཡིན་ནོ་སྙམ་སྟེ། བཙུན་པ་འདི་ཡང་བདག་བཅོམ་ལྡན་
D6.010.0084a04.01འདས་ལ་ཆོས་ལས་བྱུང་བའི་དད་པ་ལགས་ཏེ་ཞེས་བྱ་བ་སྔ་མ་བཞིན་ནོ། །བཙུན་པ་བདག་ལ་བཅོམ་ལྡན་འདས་ལ་ཆོས་ལས་བྱུང་བའི་དད་པ་གཞན་ཡང་མཆིས་ཏེ། བཙུན་པ་འདི་ལ་བདག་གིས་དགེ་སྦྱོང་དང་བྲམ་ཟེ་སྐྱ་བོ་བསེང་བསེང་པོ་ཤ་བྲི་སྲབ་པ། ཉམ་ཆུང་བ་མདོག་ངན་པ། དབང་པོ་ཉམས་པ་སྐྱེ་བོ་
D6.010.0084a05.01མང་པོའི་མིག་གིས་བལྟར་མི་ཆགས་པ་དག་ཅིག་མཐོང་ངོ་། །མཐོང་ནས་ཀྱང་བདག་འདི་སྙམ་དུ་སེམས་ཏེ། ཤེས་ལྡན་འདི་དག་མི་འདོད་བཞིན་དུ་ཚངས་པར་སྤྱད་པ་སྤྱོད་པ་འམ། ནད་ཡུན་རིང་པོ་འགའ་ཞིག་གིས་ཐེབས་སམ། སྡིག་པ་མི་དགེ་བའི་ལས་འགའ་ཞིག་ལྐོག་ཏུ་བྱས་ནས་བཅབས་པར་མ་
D6.010.0084a06.01གྱུར་གྲང་། འདི་ལྟར་ཤེས་ལྡན་འདི་དག་སྐྱ་བོ་བསེང་བསེང་པོ་ཤ་བྲི་ངན་པ། ཉམ་ཆུང་བ་དབང་པོ་ཉམས་པ། སྐྱེ་བོ་མང་པོའི་མིག་གིས་བལྟར་མི་ཆགས་སོ་སྙམ་མོ། །དེ་དག་གི་དྲུང་དུ་མཆིས་ཤིང་མཆིས་ནས་འདི་སྐད་ཅེས་བགྱིས་ཏེ། ཤེས་ལྡན་དག་ཅིའི་ཕྱིར་སྐྱ་བོ་བསེང་བསེང་པོ་ཤ་བྲི་ངན་པ།
D6.010.0084a07.01