完整藏文原文 · 德格版页 当前仅加载第 10 函德格 110a 版页；藏文 NFD、目录标记与异常页序保留在来源切片中，重复版页行以稳定序号区分。
ཁང་པ་བྱའོ་ཞེས་བཀའ་སྩལ་པ་དང་། དགེ་སློང་དག་གིས་ཕྱོགས་གང་དུ་ཇི་ལྟ་བུ་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། གཙུག་ལག་ཁང་གི་ནང་ལྷོ་དང་ནུབ་ཀྱི་ངོས་སུ་ཆུའི་ཁང་པ་བྱའོ། །མུན་གནག་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་
D6.010.0110a01.01པ། སྐར་ཁུང་དག་གདོད་པར་བྱའོ། །རྫབ་ཆགས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། སོ་ཕག་གི་གཅལ་དགྲམ་པར་བྱ་ཞིང་སྟོར་ཁུང་གདོད་པར་བྱའོ། །སྒོ་གདོད་པར་བྱ་ཞིང་སྒོ་གླེགས་དང་ཡང་མིང་ཀྱང་གཞུག་པར་བྱའོ། །ཆུ་ས་ལ་འཇོག་པར་བྱེད་ནས། བཅོམ་ལྡན་
D6.010.0110a02.01འདས་ཀྱིས་བཀའ་སྩལ་པ། ཤིང་གི་ཁྲི་ལ་གཞག་པར་བྱའོ། །ཤིང་དག་མེད་ནས། བཅོམ་ལྡན་འདས་ཀྱིས་བཀའ་སྩལ་པ། སོ་ཕག་གི་སྟེགས་བུ་བྱས་ལ་དེའི་སྟེང་དུ་རྟེན་མ་བྱ་ཞིང་བུམ་པ་གཞག་པར་བྱའོ། །བུམ་པའི་ནང་གི་ཆུ་རུལ་ནས། བཅོམ་ལྡན་འདས་ཀྱིས་བཀའ་
D6.010.0110a03.01སྩལ་པ། བཅོམ་ལྡན་འདས་ཀྱིས་དུས་དུས་སུ་བུམ་པ་བཀྲུ་བར་བྱའོ་ཞེས་བཀའ་སྩལ་པ་དང་། དགེ་སློང་དག་གིས་ཅིས་བཀྲུ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། ཤིང་ལ་པུ་ཤེལ་ཙིའི་ཁྲུད་ཤིང་ངམ། ལོ་མ་སྦམས་པའམ། རས་མའི་ཐུམ་པོ་བཅིངས་ནས་རུང་
D6.010.0110a04.01བར་བྱ་སྟེ་བཀྲུ་བར་བྱའོ། །འོན་ཀྱང་ཆུ་རུལ་བ་ཉིད་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། བུམ་པ་དག་ལ་ཕྱེད་ནི་བཀྲུ་བར་བྱ་ཞིང་། ཕྱེད་དུ་ཆུ་བླུག་པར་བྱའོ། །བཅོམ་ལྡན་འདས་ཀྱིས་ཆུ་བླུག་པར་བྱའོ་ཞེས་བཀའ་སྩལ་པ་དང་། དགེ་སློང་དག་གིས་སུས་ཆུ་བླུགས་པ་མི་
D6.010.0110a05.01ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། གནས་པ་དག་གིས་ཆུ་བླུག་པར་བྱ་སྟེ། དེ་ལྟ་བས་ན་ཆུའི་ཁང་པ་འཁོར་དང་བཅས་པ་གནང་ངོ་། །སངས་རྒྱས་བཅོམ་ལྡན་འདས་སེར་སྐྱའི་གནས་ན་ཤིང་ནྱ་གྲོ་དྷའི་ཀུན་དགའ་ར་བ་ན་བཞུགས་སོ། །དེ་ནས་སྐྱེ་དགུའི་བདག་མོ་ཆེན་མོ་གཽ་
D6.010.0110a06.01ཏ་མཱི་འཁོར་ལྔ་བརྒྱ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ། །སྐྱེ་དགུའི་བདག་མོ་ཆེན་མོ་གཽ་ཏ་མཱི་འདུག་པ་དང་། བཅོམ་ལྡན་འདས་ཀྱིས་ཆོས་དང་མཐུན་པའི་གཏམ་གྱིས་ཞེས་བྱ་བ་
D6.010.0110a07.01