完整藏文原文 · 德格版页 当前仅加载第 10 函德格 223b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པ་གནག་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་གནག་དགའ་བོ་ཤེས་པར་གྱིས་ཤིག །བཅོམ་ལྡན་འདས་ཀྱི་ཞལ་ནས་མི་མ་ཡིན་པ་འདི་ལ་ལ་བ་བྱིན་ཅིག །གལ་ཏེ་འདི་ལ་ལ་བ་མ་བྱིན་ན་གདོན་མི་ཟ་བར་ཁྲག་དྲོན་དུ་སྐྱུགས་ནས་འཆི་བར་འགྱུར་རོ། །གང་གི་ཚེ་བྱིན་པ་
D6.010.0223b01.01དེའི་ཚེ་ཡང་མདུན་དུ་སོང་ཤིག་ཅེས་བརྗོད་པར་བྱའོ། །གང་གི་ཚེ་དུར་ཁྲོད་དུ་ཕྱིན་པ་དེའི་ཚེ་ཡང་ཉོལ་ཅིག་ཅེས་བརྗོད་པར་བྱ་ཞིང་། གང་གི་ཚེ་ཉལ་བ་དེའི་ཚེ་དེའི་སྟེང་དུ་དགབ་པར་བྱའོ་ཞེས་དེ་སྐད་བཀའ་སྩལ་ཏོ། །ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་དེ་
D6.010.0223b02.01བཞིན་དུ་འཚལ་ལོ། །ཚེ་དང་ལྡན་པ་ཀུན་དགའ་བོ་སོང་བ་དང་། གནག་དགའ་བོས་མི་མ་ཡིན་པ་དེ་ལ་སྨྲས་པ། གལ་ཏེ་ཁྱོད་ལ་བ་འདོད་ན་མདུན་དུ་སོང་ཤིག་དང་སྦྱིན་ནོ། །དེ་མདུན་དུ་སོང་བ་དང་། ཡང་སྨྲས་པ། གལ་ཏེ་ཁྱོད་ལ་བ་འདོད་ན་ཉོལ་ཅིག་ཅེས་བྱས་པ་དང་། དེ་ཉལ་
D6.010.0223b03.01ནས་དེའི་སྟེང་དུ་བཀབ་བོ། །མི་མ་ཡིན་པས་ཀྱང་དེ་ལ་རྡོག་པས་བསྣུན་པ་དང་། དེ་སྟོབས་དང་ལྡན་པ་ཡིན་པས་དེས་མནགས་སོ། །སྐབས་དེ་དགེ་སློང་རྣམས་ལ་བསྙད་པ་དང་། དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་
D6.010.0223b04.01སློང་དག་གྱ་ཚོམ་དུ་རོའི་གོས་བླང་བའམ་སྦྱིན་པར་མི་བྱའི། ལེན་ན་དེས་རྐང་པའི་མཐའ་ནས་མགོའི་མཐར་སོང་སྟེ་བླང་བར་བྱའོ། །གང་ཞིག་སྦྱིན་པ་དེས་ཀྱང་མགོའི་མཐའ་ནས་རྐང་པའི་མཐར་སོང་སྟེ་སྦྱིན་པར་བྱའོ། །དགེ་སློང་རོའི་གོས་ལ་ཉེས་དམིགས་ལྔ་ཡོད་དེ། ལྔ་གང་ཞེ་ན།
D6.010.0223b05.01ཁ་དོག་ངན་པ་དང་། དྲི་མི་ཞིམ་པ་དང་། རྙིངས་པ་དང་། ཤིག་མང་བ་དང་། གནོད་སྦྱིན་མི་སྲུན་པ་མང་བའོ། །འོན་ཀྱང་ཕྱག་དར་ཁྲོད་པས་ཇི་སྲིད་དུ་རྨ་མ་ཕྱུང་བར་རོའི་གོས་བླང་བར་མི་བྱའོ། །བཅོམ་ལྡན་འདས་ཀྱིས་རྨ་མ་ཕྱུང་བར་ཤི་བའི་གོས་བླང་བར་མི་བྱའོ་ཞེས་གསུངས་པ་དང་།
D6.010.0223b06.01དྲུག་སྡེ་རྣམས་ཀྱིས་ཁྱི་ཁྲིད་དེ་དོང་བ་དང་། མ་དད་པ་དག་གིས་མཐོང་ནས། འཕགས་པ་ཁྱེད་ཅི་སྟེ་ཁྱི་ཁྲིད་ནས་དགོན་པར་འདོང་། ཅི་སྲོག་གཅོད་པར་བྱེད་དམ་ཞེས་ཁ་ཟེར་བ་དང་། དེ་དག་གིས་ལན་གཞན་དུ་གླན་ནོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་
D6.010.0223b07.01