完整藏文原文 · 德格版页 当前仅加载第 10 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
འདུ་ཤེས་དང་། རླུང་གི་འདུ་ཤེས་དང་། ཆར་གྱི་འདུ་ཤེས་དང་། རྫི་ཆར་གྱི་འདུ་ཤེས་དང་། གྲང་བའི་འདུ་ཤེས་དང་། ཡུལ་ངན་གྱི་འདུ་ཤེས་དང་། རླུང་དམར་གྱི་འདུ་ཤེས་དང་། ཆར་དྲག་གི་འདུ་ཤེས་དང་། སྐྱེ་བོ་ཕལ་པོ་ཆེ་ཀུ་ཅོ་འདོན་པའི་འདུ་ཤེས་དེ་དང་དེ་དག་ཐོབ་པར་འགྱུར་རོ། །
D6.010.0127a01.01དགའ་བོ་དེའི་འདུ་ཤེས་དེ་དག་སྐྱེ་བ་ཐོབ་ཅིང་ལྡན་ནས་ཡང་དག་པ་མ་ཡིན་པའི་འདུ་ཤེས་གཞན་བཅུ་ནང་དུ་སྐྱེ་བ་ན་སྐྱེ་བར་འགྱུར་ཏེ། འོ་ན་བདག་ཁྱིམ་དུ་འཇུག་གོ་སྙམ་པ་དང་། ཁང་{བཟངས་,བཟང་}ལ་གཟེག་གོ་སྙམ་པ་དང་། ཁང་པ་བརྩེགས་མར་འཇུག་གོ་སྙམ་པ་དང་། ཁྲི་ལ་འཛེག་གོ་སྙམ་པ་དང་།
D6.010.0127a02.01རྩྭ་སྤྱིལ་དུ་འཇུག་གོ་སྙམ་པ་དང་། ལོ་མའི་སྤྱིལ་བུར་འཇུག་གོ་སྙམ་པ་དང་། རྩྭ་སྟུག་པོའམ། ནགས་ཐིབས་པོའམ། རྩིག་པའི་གསེབ་བམ། རྩིག་པའི་དྲུང་དུ་འགྲོའོ་སྙམ་པ་སྟེ། དགའ་བོ་འདུ་ཤེས་འདི་རྣམས་ལས་འདུ་ཤེས་གང་ཡང་རུང་བ་ཞིག་ལ་བརྟེན་ནས་མའི་མངལ་དུ་འཇུག་
D6.010.0127a03.01པར་འགྱུར་རོ། །དེ་དེར་སྐྱེས་ནས་ལུས་ནུར་ནུར་པོར་མངོན་པར་འགྲུབ་པར་འགྱུར་རོ། །དགའ་བོ་དེ་ལ་ནུར་ནུར་པོའི་ལུས་ནི་ཕ་མའི་མི་གཙང་བ་ཡིན་པར་ཡང་མི་བལྟ་ལ། ནུར་ནུར་པོའི་ལུས་ཕ་མའི་མི་གཙང་བ་ལས་གཞན་ཡང་མ་ཡིན་ཏེ། དགའ་བོ་འོན་ཀྱང་ཕ་མའི་མི་གཙང་བ་དེ་ཉིད་ལ་བརྟེན་
D6.010.0127a04.01ནས་རྒྱུ་དང་རྐྱེན་ཚོགས་པའི་དབང་གིས་ནུར་ནུར་པོའི་ལུས་འབྱུང་བར་འགྱུར་ཏེ། འདི་ལྟར་ཁུ་བ་དང་ཁྲག་ནི་དམིགས་པ་ཙམ་དང་། རྟེན་ཙམ་དུ་འགྱུར་བར་ཟད་དོ། །དགའ་བོ་དཔེར་ན་ཞོ་ལ་ཡང་བརྟེན། རྫ་མ་ལ་ཡང་བརྟེན། སྲུབ་མ་ལ་ཡང་བརྟེན། སྐྱེས་བུའི་དེ་ལས་བྱུང་བའི་རྩོལ་བ་ལ་
D6.010.0127a05.01ཡང་བརྟེན་ནས་ཞོ་ལས་མར་སར་འབྱུང་ངོ་། །དགའ་བོ་དེ་ལ་སོ་སོ་ལ་མར་སར་མི་དམིགས་མོད་ཀྱི། དགའ་བོ་འོན་ཀྱང་ཞོ་དེ་ཉིད་ལ་བརྟེན་ནས་རྒྱུ་དང་རྐྱེན་ཚོགས་པའི་དབང་གིས་མར་སར་འབྱུང་སྟེ། འདི་ལྟར་ཞོ་ནི་མར་སར་གྱི་དམིགས་པ་ཙམ་དང་རྟེན་ཙམ་དུ་འགྱུར་བར་ཟད་དོ། །དེ་བཞིན་དུ་ཕ་
D6.010.0127a06.01མའི་མི་གཙང་བ་ལས་ནུར་ནུར་པོའི་ལུས་བལྟ་བར་བྱ་སྟེ། ནུར་ནུར་པོའི་ལུས་ཕ་མའི་མི་གཙང་བ་ལས་གཞན་མ་ཡང་མ་ཡིན་ནོ། །དགའ་བོ་འོན་ཀྱང་ཕ་མའི་མི་གཙང་བ་དེ་ཉིད་ལ་བརྟེན་ནས་རྒྱུ་དང་རྐྱེན་ཚོགས་པའི་དབང་གིས་ནུར་ནུར་པོའི་ལུས་མངོན་པར་འགྲུབ་སྟེ། འདི་ལྟར་ཁུ་བ་དང་ཁྲག་ནི་དམིགས་
D6.010.0127a07.01