完整藏文原文 · 德格版页 当前仅加载第 10 函德格 23b 版页；藏文 NFD、目录标记与异常页序保留在来源切片中，重复版页行以稳定序号区分。
ནུ་ད་ཁྱོད་ཀྱིས་ལྷ་དང་མིའི་དཔལ་ཡང་མྱོང་བར་གྱུར་ཏམ། ལྷ་མྱོང་བར་གྱུར་ཏོ། །གཞོན་ནུ་གལ་ཏེ་དེ་ལྟ་ན་ཅིའི་ཕྱིར་ང་སྤྱན་འདྲེན་པར་མི་བྱེད། ལྷ་སྤྱན་འདྲེན་ཏོ། །སོང་ལ་ཡོ་ལང་གི་ཞལ་ཏ་དག་ཤོམས་ཤིག །ལྷ་གང་གིས་ལྷ་དང་མིའི་དཔལ་ཡང་མྱོང་བར་གྱུར་པ་ལ་ཞལ་ཏ་བགྱི་
D6.010.0023b01.01ཅི་འཚལ་མོད་ཀྱི། འོན་ཀྱང་བདག་ཞལ་ཏ་བགྱིད་དུ་མཆིའོ། །རྒྱལ་པོ་མེ་སྐྱེས་ཀྱི་ཁྱིམ་དུ་སོང་ནས་བུད་མེད་ཀྱི་འཁོར་ཕྱི་པ་དག་མཐོང་བ་དང་དབང་པོ་དག་ཕྱིར་གློན་པར་བྱེད་དོ། །མེ་སྐྱེས་ཀྱིས་སྨྲས་པ། ལྷ་ཅིའི་སླད་དུ་དབང་པོ་དག་སླར་གློན་པར་མཛད། དེས་སྨྲས་པ། གཞོན་
D6.010.0023b02.01ནུ་མནའ་མ་ཡིན་པས་དེ་ལྟར་བྱས་སོ། །ལྷ་སྣམ་ཟུངས་མ་ལགས་ཏེ། འདི་ལྟར་བུད་མེད་ཀྱི་འཁོར་ཕྱི་པ་དག་ལགས་སོ། །དེ་ངོ་མཚར་ཆེན་པོ་སྐྱེས་ནས་ཡང་བུད་མེད་ཀྱི་འཁོར་བར་མ་དག་མཐོང་བ་དང་། དབང་པོ་དག་ཕྱིར་ལྡོན་པར་བྱེད་དོ། །མེ་སྐྱེས་ཀྱིས་དེ་བཞིན་དུ་དྲིས་པ་
D6.010.0023b03.01དང་རྒྱལ་པོས་ཀྱང་དེ་བཞིན་སྨྲས་སོ། །མེ་སྐྱེས་ཀྱིས་སྨྲས་པ། ལྷ་འདི་དག་ཀྱང་སྣམ་ཟུངས་ནི་མ་ལགས་ཏེ། འདི་ལྟར་བུད་མེད་ཀྱི་འཁོར་བར་མ་དག་ལགས་སོ། །དེ་ངོ་མཚར་ཆེན་པོ་ལྷག་པར་སྐྱེས་སོ། །རྒྱལ་པོས་དེའི་བར་སྒོའི་ཕྱོགས་རིན་པོ་ཆེའི་རང་བཞིན་ལས་གྱུར་
D6.010.0023b04.01པ་རྫིང་ཆུས་གང་བ་ལྟ་བུ་དེ་ན་ཉ་དག་རྒྱུ་བ་འདྲ་བའི་འཁྲུལ་འཁོར་གྱི་སྦྱོར་བ་བྱས་པ་དག་མཐོང་སྟེ། ནང་དུ་འགྲོ་བར་འདོད་ནས་ལྷམ་དག་འབུད་པར་བརྩམས་པ་དང་། མེ་སྐྱེས་ཀྱིས་སྨྲས་པ། ལྷ་ཅིའི་སླད་དུ་ཆགས་དག་བསིལ་བར་མཛད། དེས་སྨྲས་པ། གཞོན་ནུ་
D6.010.0023b05.01ཆུ་ལ་འབོག་པར་བྱ་བའི་ཕྱིར་རོ། །མེ་སྐྱེས་ཀྱིས་སྨྲས་པ། ལྷ་འདི་ཆབ་མ་ལགས་ཏེ། ཆབ་ལྟ་བུར་གདའ་བ་ནི་རིན་པོ་ཆེའི་ས་གཞི་ལགས་སོ། །དེས་སྨྲས་པ། གཞོན་ནུ་ཉ་རྒྱུ་བ་དག་འདི་ལྟར་སྣང་ངོ་། །ལྷ་འཁྲུལ་འཁོར་གྱི་སྦྱོར་བ་ལས་དེ་དག་རྒྱུ་བར་གདའོ། །
D6.010.0023b06.01རྒྱལ་པོ་ཡིད་མ་ཆེས་པ་དང་། དེས་སོར་གདུབ་རྒྱ་འཕངས་པ་ན་སྒྲ་ཀྲྭ་ལ་ལ་ཟེར་ཏེ་རིན་པོ་ཆེའི་ས་གཞིའི་སྟེང་དུ་འཇོལ་བར་གྱུར་ནས། དེ་ངོ་མཚར་སྐྱེས་ཏེ་ནང་དུ་སོང་ནས་སེང་གེའི་ཁྲི་ལ་འདུག་གོ། །མནའ་མ་དག་རྐང་པ་ལ་ཕྱག་འཚལ་དུ་ལྷགས་པ་དེ་དག་མཆི་མ་བྱུང་ནས་རྒྱལ་པོས་
D6.010.0023b07.01