完整藏文原文 · 德格版页 当前仅加载第 10 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་སྔོན་ཤཱཀྱའི་བུ་མོ་བྱེད་བྱེད་པའི་ལྷ་རྣམས་རྣ་ཆ་གདུབ་ཀོར་དྲི་མ་མེད་པ་གཡོ་བ་ཐོགས་ཤིང་། ལུས་དོ་ཤལ་དང་སེ་མོ་དོས་བརྒྱན་ནས་དེ་ཉིད་ཀྱི་མཚན་མོ་ལྷ་རྫས་ཀྱི་མེ་ཏོག་ཨུཏྤ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དང་། མན་དཱ་ར་བ་རྣམས་ཀྱིས་ཐུ་བ་བཀང་ནས་
D6.010.0098a01.01རྒྱལ་བུ་རྒྱལ་བྱེད་ཀྱི་ཚལ་ཐམས་ཅད་སྣང་བ་རྒྱ་ཆེན་པོས་སྣང་བར་བྱས་ཏེ། བཅོམ་ལྡན་འདས་ལ་མེ་ཏོག་རྣམས་ཀྱིས་གཏོར་ནས་བཅོམ་ལྡན་འདས་ཀྱི་སྤྱན་སྔར་ཆོས་མཉན་པའི་ཕྱིར་འདུག་གོ། །བཅོམ་ལྡན་འདས་ཀྱིས་དེ་རྣམས་ཀྱི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་
D6.010.0098a02.01མཁྱེན་ནས་འཕགས་པའི་བདེན་པ་བཞི་རྟོགས་པར་འགྱུར་བ་དེ་ལྟ་བུའི་ཆོས་བསྟན་པ་མཛད་པ་དང་། དེ་རྣམས་ཀྱིས་དེ་ཐོས་ནས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ། །དེ་རྣམས་ཀྱིས་བདེན་པ་མཐོང་ནས་ཆེད་དུ་
D6.010.0098a03.01བརྗོད་པ་ལན་གསུམ་བརྗོད་པ། བཅོམ་ལྡན་འདས་ཀྱིས་གང་བདག་ཅག་ལ་སྨན་བཏགས་པ་འདི་ལྟ་བུ་ནི་བདག་ཅག་ལ་མས་མ་བགྱིས། ཕས་མ་ལགས། རྒྱལ་པོས་མ་ལགས། ལྷ་རྣམས་ཀྱིས་མ་ལགས། རང་གི་སྐྱེ་བོ་དང་གཉེན་སྡུག་པའི་ཚོགས་ཀྱིས་མ་ལགས། སྔོན་གྱི་མེས་པོ་རྣམས་
D6.010.0098a04.01ཀྱིས་མ་ལགས། དགེ་སྦྱོང་དང་བྲམ་ཟེ་རྣམས་ཀྱིས་མ་ལགས་ཏེ། ཁྲག་དང་མཆི་མའི་རྒྱ་མཚོ་ནི་བསྐམས། རུས་པའི་རི་ལས་ནི་བསྒྲལ། ངན་སོང་གི་སྒོ་རྣམས་ནི་བཅད། མཐོ་རིས་དང་ཐར་པའི་སྒོ་རྣམས་ནི་ཕྱེ། ལྷ་དང་མི་རྣམས་ལ་ནི་བཀོད་དོ། །ཡང་སྨྲས་པ། ཁྱོད་ཀྱི་མཐུ་ཡིས་ངན་སོང་ལམ་
D6.010.0098a05.01དག་ནི། །ཤིན་ཏུ་མི་བཟད་ཉེས་མང་ལྡན་པ་བཅད། །མཐོ་རིས་སྒོ་ཕྱེ་བདག་གིས་བསོད་ནམས་ནི། །ཤིན་ཏུ་བཟང་དང་མྱ་ངན་འདས་ལམ་ཐོབ། །ཁྱོད་བསྙེན་དེ་རིང་བདག་གིས་སྐྱོན་བྲལ་ཞིང་། །ཤིན་ཏུ་རྣམ་པར་དག་མིག་དག་པ་ཐོབ། །འཕགས་པ་དགྱེས་པའི་གོ་འཕང་ཞི་བའང་ཐོབ། །སྡུག་བསྔལ་
D6.010.0098a06.01རྒྱ་མཚོ་ཕ་རོལ་མཆོག་ཏུ་རྒལ། །འགྲོ་བར་ལྷ་མིན་ལྷ་དང་མིས་མཆོད་ཅིང་། །སྐྱེ་རྒ་འཆི་བའི་སྐྱོན་དང་བྲལ་བ་པོ། །སྲིད་པ་སྟོང་དུ་མཐོང་རབ་རྙེད་དཀའ་བ། །ཐུབ་པ་ཁྱོད་དེང་མཐོང་བ་འབྲས་བུ་མཆིས། །དེ་ནས་སེ་མོ་དོ་འཕྱང་དགའ་སྐྱེས་རྣམས། །ཞབས་གཉིས་ལ་ནི་གདུད་པ་བྱས་ནས་ཀྱང་། །དགྲ་
D6.010.0098a07.01