完整藏文原文 · 德格版页 当前仅加载第 10 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱུན་འབྱུང་བར་བྱེད་དོ། །ཤར་ཕྱོགས་སུ་ཇི་ལྟ་བ་དེ་བཞིན་དུ་ལྷོ་དང་། ནུབ་དང་། བྱང་གི་ཕྱོགས་སུ་ཡང་དེ་བཞིན་བྱེད་དེ། འདི་ལྟར་ཕྱོགས་བཞིར་རྫུ་འཕྲུལ་གྱི་ཆོ་འཕྲུལ་རྣམ་པ་བཞི་པོ་དག་སྟོན་པར་བྱེད་ཅིང་བསམ་གཏན་དང་པོ་ལ་སྙོམས་པར་ཞུགས་སོ། །དགེ་སློང་མ་ལྔ་བརྒྱ་པོ་དེ་དག་
D6.010.0112b01.01ཀྱང་བསམ་གཏན་དང་པོ་ལ་སྙོམས་པར་ཞུགས་སོ། །བསམ་གཏན་དང་པོ་ལས་ལངས་ནས་བསམ་གཏན་གཉིས་པ་ལ། གཉིས་པ་ལས་བསམ་གཏན་གསུམ་པ་ལ། གསུམ་པ་ལས་བསམ་གཏན་བཞི་པ་ལ། བཞི་པ་ལས་ནམ་མཁའ་མཐའ་ཡས་སྐྱེ་མཆེད་ལ། ནམ་མཁའ་མཐའ་
D6.010.0112b02.01ཡས་སྐྱེ་མཆེད་ལས་རྣམ་ཤེས་མཐའ་ཡས་སྐྱེ་མཆེད་ལ། རྣམ་ཤེས་མཐའ་ཡས་སྐྱེ་མཆེད་ལས་ཅི་ཡང་མེད་པའི་སྐྱེ་མཆེད་ལ། ཅི་ཡང་མེད་པའི་སྐྱེ་མཆེད་ལས་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལ་སྙོམས་པར་འཇུག་ཅིང་། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་ལངས་
D6.010.0112b03.01ནས། ཡང་ཅི་ཡང་མེད་པའི་སྐྱེ་མཆེད་ལ་སྙོམས་པར་ཞུགས་སོ། །ཅི་ཡང་མེད་པའི་སྐྱེ་མཆེད་ལས་རྣམ་ཤེས་མཐའ་ཡས་སྐྱེ་མཆེད་ལ། རྣམ་ཤེས་མཐའ་ཡས་སྐྱེ་མཆེད་ལས་ནམ་མཁའ་མཐའ་ཡས་སྐྱེ་མཆེད་ལ། ནམ་མཁའ་མཐའ་ཡས་སྐྱེ་མཆེད་ལས་བསམ་གཏན་བཞི་པ་ལ།
D6.010.0112b04.01བཞི་པ་ལས་གསུམ་པ་ལ། གསུམ་པ་ལས་གཉིས་པ་ལ། གཉིས་པ་ལས་བསམ་གཏན་དང་པོ་ལ་སྙོམས་པར་ཞུགས་སོ། །དེ་ནས་བསམ་གཏན་དང་པོ་ཉིད་ལ་བརྟེན་ནས་ཡོངས་སུ་མྱ་ངན་ལས་འདས་སོ། །དགེ་སློང་མ་ལྔ་བརྒྱ་པོ་དེ་དག་ཀྱང་དེ་བཞིན་དུ་ལུགས་དང་མཐུན་པ་དང་། ལུགས་
D6.010.0112b05.01ལས་ལྡོག་པར་སྙོམས་པར་ཞུགས་ནས་བསམ་གཏན་དང་པོ་ཉིད་ལ་བརྟེན་ཏེ་ཡོངས་སུ་མྱ་ངན་ལས་འདས་སོ། །སྐྱེ་དགུའི་བདག་མོ་ཆེན་མོ་གཽ་ཏ་མཱི་མྱ་ངན་ལས་འདས་མ་ཐག་ཏུ་ས་ཆེན་པོ་གཡོས་པར་གྱུར་ཅིང་། སྐར་མདའ་ལྟུང་བ་དང་། ཕྱོགས་དམར་པོ་དང་། བར་སྣང་ལ་ལྷའི་རོལ་
D6.010.0112b06.01མོའི་སྒྲ་དག་བྱུང་ངོ་། །དེ་ནས་དགེ་སློང་གང་རི་རབ་ཀྱི་བང་རིམ་དང་། གཞན་ཡང་གྲོང་ཁྱེར་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་དང་། དབེན་པའི་གནས་མལ་དག་ན་བསམ་གཏན་བྱེད་པ་དེ་དག་གིས་ས་ཆེན་པོ་གཡོས་པར་རིག་ནས་ས་ཆེན་པོ་འདི་ཅིའི་ཕྱིར་གཡོས་
D6.010.0112b07.01